Sami söngurinn og síðast.

Þetta er nú slakasta stefnuræða sem maður hefur heyrt í háa herrans tíð. Held meira að segja að Jóhanna hafi ekki trúað þessu bulli sjálf. Allar þessar upptalningar af öllu sem Jóhanna ætlar að gera, en gerir svo ekki neitt. Af hinum stjórnarflokknum er svo það að segja að hann getur ekki komið sér saman um nokkurn skapaðan hlut.

Þetta er fólkið sem þykist ætla að koma okkur út úr kreppunni.

Ó mæ god.....

 

Vill óráðsíu og græðgi burt

Minnihlutastjórn.

Í þetta skiptið með stuðningi andspyrnuhreyfingar VG. Á meðan ástandið versnar stöðugt undir (öruggu) verkstjórnarvaldi heilagrar Jóhönnu þá logar allt í illdeilum innan stjórnarinnar. Hvernig væri nú að þeir þingmenn sem þykjast þora að standa upp í hárinu á Jóhönnu og Steingrími komi nú hreint fram og losi okkur við þessa vandræðalegu ríkisstjórn.

Þetta hefur ekkert með rómantíska drauma um hreina vinstri stjórn að gera. Þjóðin þarf lausnir en ekki spunabrellur.

Að styðja eða styðja ekki......

Samþykktu Icesave blindandi

Vinstri vitleysa !

Kannast einhver við að hafa heyrt að þetta vinstra fólk geti ekki unnið með hvort öðru. Enn og aftur kemur  í ljós að það er hið eina rétta í málinu. Ríkisstjórnir hafa aldrei frá 1944 setið heilt kjörtímabil ef að Sjálfstæðisflokkurinn hefur ekki komið að þeim.

Þessi ríkisstjórn er komin á heljarþröm og ætti að fara að dæmi Ögmundar og segja af sér. Hún mun ekki leiða þjóðina þangað sem hún þarf að komast. Með þessari afsögn er Ögmundur að lýsa vantrausti á ríkisstjórnina í Icesave málinu.

Leiðarlok heilagrar Jóhönnu......

Ögmundur segir af sér

Veri hann bara sem lengst !

 

Ólafur Ragnar hefur ekkert að gera hér á landi hvort eð er. Eftir að könnun sýndi í síðustu viku að hann hefur aðeins stuðning 1% þjóðarinnar sem leiðtogi þá ætti hann að sjá sóma sinn í að segja af sér. Það hlýtur að segja manninum eitthvað að hans helsti pólitíski andstæðingur í gegn um tíðina Davíð Oddsson fær mun meiri stuðning. Við getum svo öll verið sammála um að ekki er Davíð sá vinsælasti eftir allar þær rógsherferðir sem vinstri menn hafa haldið uppi gegn honum undanfarið.

Það er ekki gott fyrir Ísland á næstu árum að sendiherra útrásarinnar sé þekktasti málsvari hennar á erlendri grundu. Það vita allir sem það vilja hver hlutur forsetans var í að kynna útrásarvíkingana og leggja þeim til gott orð.

Þjóðina vantar alvöru leiðtoga.....

Forsetahjónin í Bandaríkjaheimsókn

Ögmundur tekur bara vinsælar ákvarðanir.

Það sagði hann á fundi á Ísafirði þegar hann var ný tekin við ráðuneytinu. Eitt af hans fyrstu verkum var að afturkalla það sem Guðlaugur Þór hafði ákveðið varðandi St. Jósefsspítala.

Það væri gaman að vita hvað þessi hringlandaháttur ráðherrans hefur kostað í krónum talið.

Vinstri krumlan er að læsa sig um háls þjóðarinnar......

St. Jósefsspítala lokað hægt og hljótt

Ráðaleysi ríkisstjórnarinnar í hnotskurn.

Fólki verður það ljósara með hverjum deginum sem líður að þessi ríkisstjórn er ekki, hefur ekki og mun ekki, gera neitt það sem kemur fólki til hjálpar í því ástandi sem uppi er. Jafnframt hefur fólk séð að allt tal um að hrunið sé Sjálfstæðisflokknum og stefnu hans síðustu ár að kenna er rugl. Allur fagurgali þeirra frá því fyrir kosningar er gleymdur, og sanfæringin horfin út í hafsauga. Spilaborgirnar hrynja allt í kringum heilaga Jóhönnu og Skallagrím.

Verst er þó að sá skaði sem orðið hefur frá 1. febrúar af völdum þeirra tveggja gerir ástandið mun verra en ella. Þar er helst aumingjaskapurinn í Icesave deilunni sem stendur uppúr.

Sjálfstæðisflokkurinn stærstur á ný......

Sjálfstæðisflokkurinn stærstur á ný

Kosningavetur.

Fyrsti fundur bæjarmálafélags sjálfstæðismanna í Ísafjarðarbæ á þessu hausti var í kvöld. Mjög góð mæting var á fundinn og fjölmargir tóku til máls. Eftir fundinn er þó eitt sem stendur uppúr. Miklar breytingar verða á framboðslista sjálfstæðismanna í Ísafjarðarbæ því tveir reynslu mestu bæjarfulltrúarnir tilkynntu að þeir hygðust hætta eftir þetta kjörtímabil. Rúmlega 25 ára samanlögð reynsla af sveitarstjórnarmálum er ekki tekin upp af götunni, en það er þó ljóst að sjálfstæðismenn í Ísafjarðarbæ hafa yfir að ráða stórum hópi frambærilegs fólks sem mun fylla þeirra skörð.

Það er því öruggt að allir þeir sem hafa stutt okkur hingað til geta gert það áfram vitandi það að í sterkustu liðunum eru öflugustu varamennirnir. Það eru því spennandi tímar framundan.

Hafið mikla þökk fyrir ykkar störf.....

Snýst þetta bara um peninga ?

Eiður hefur ekkert fengið að spila sem heitið getur síðustu tvö ár. Það hefur sést mjög vel á frammistöðu hans með landsliðinu á þeim tíma. Það er vitað að fræga og ríka fólkið býr í Mónakó og kannski liggur metnaður Eiðs Smára þar. Ég hélt samt að þetta snérist um að fá að spila fótbolta.

Eiður getur átt nokkur góð ár eftir í boltanum ef hann fer í lið þar sem hann fær að spila reglulega. Vonandi gerist það hjá Mónakó.

Ég er ekki viss......

 

Samningur Eiðs Smára og Mónakó sagður í smíðum

Eftir einn þá .........

Hinir ýmsu blaðamenn og bloggarar hafa allt frá hruninu í október í fyrra kallað eftir afsögnum fólks útaf öllu mögulegu. Þar hafa sumir núverandi þingmenn Samfylkingarinnar farið framarlega í flokki. Lítið heyrist frá þeim varðandi þessa uppákomu í þinginu sem aðhyllast stefnu Samfylkingarinnar. Það skyldi þó ekki vera vegna þess að það er þeim nátengt.

En með það í huga að viðkomandi þingmaður er fyrrverandi blaðamaður, og einn af þeim þekktustu þá hlýtur hann að íhuga það að segja af sér og biðja kjósendur sína afsökunar.

Skál í boðinu.......

Ragnheiður: Ekki þinginu sæmandi

Stórhættulegur glæpamaður.

Gott og vel álagið á lögreglunni er gríðarlegt, þeir eru allt of fáir en það réttlætir ekki svona framkomu við ungan ökumann sem lent hefur í umferðaróhappi. Það er spurning um hversu hæfur lögreglumaður er í starfi sínu ef hann getur ekki á vettvangi metið ástandið öðruvísi en svona.

Undarleg vinnubrögð.....

Í handjárn en óölvuð