Ein fölsk rödd skemmir kórinn.

Þessi grein Lilju Mósesdóttur á örugglega eftir að verða til þess að morgunkaffið fari öfugt ofan í Steingrím Joð. Hann er næsta víst ósammála þessu, eins og öllu öðru. Hann og Jóhanna hafa ekki í hyggju að láta endurskoða þetta neitt, heldur koma þessu í gegn í hvelli. AGS er með hreðjatak á þeim báðum og mun ekki ansa því að semja upp á nýtt.

Þetta er staðan í dag. Ódæll armur innan ríkisstjórnarinnar er á öndverðu meiði við forystumenn hennar og það er ekki vænlegt til árangurs. Falskar raddir virka illa í kór. Það er ekki alltaf hægt að kenna lagavalinu um.

Engin samstaða um stóru málin......

Gera þarf róttæka breytingu á efnahagsáætlun AGS

Endalok vinstristjórnar

Þessum fyrirvörum sem Alþingi samþykkti er ekki hægt að breyta bara sí svona. Þetta fer ekki í gegn um Alþingi eins og staðan er á málum þar. Talíbanarnir í VG eru ekki að fara að bakka með þá fyrirvara sem komnir voru inn.

Þetta útspil sýnir enn og aftur að Jóhanna og Steingrímur eru eins og lömb leidd til slátrunar í höndum Breta og Hollendinga. Já og amen er það eina sem kemur úr því sauðahúsinu. Sem betur fer er þjóðin að sjá betur og betur hvað þarf að gera til að komast út úr vandanum.

Vanhæf ríkisstjórn......

Icesave-fyrirvörum breytt

Grænar hugsjónir.

Stefna VG í umhverfismálum á eftir að verða til þess að við getum ekki unnið okkur út úr vandanum. Ákvörðun umhverfisráðherra um suðvestur línu og þessi orkuskattaáform Steingríms Joð eru strax farin að hafa slæm áhrif framkvæmdir á suðvestur horninu. þessar grænu hugsjónir þeirra eru dragbítar á allar stærri framkvæmdir. Verst er þó að VG hefur engar hugmyndir fram að færa til atvinnusköpunar, og hefur aldrei haft. Einhverjar rómantískar klisjur um eitt starf þar og annað hér duga ekki núna.

En það vekur kannski smá von hjá einhverjum að hinn stjórnarflokkurinn er ekki sammála umhverfisráðherra, og iðnaðarráðherra hafði ekki einu sinni heyrt af þessum orkusköttum. En vandamálið er að Samfylkingin getur ekki staðið í lappirnar í neinu máli og það eina sem forystan þar hugsar um er að halda völdum sama hvað það kostar.

Afturhaldsstefna........

Áform um orkuskatt og ákvörðun umhverfisráðherra valda mikilli óvissu

Steingrímur og fyrirheitna landið.

 

Það má þá búast við að Steingrímur hætti að snúa sér til Moskvu þegar hann fer með bænirnar sínar. Þessi helsti fylgismaður Stalín kommúnismans á Íslandi getur varla verið sáttur við að vera hundsaður af fyrirmyndunum.

Vinirnir í austri......

 

Verið að endurmeta lánaþörf Íslands

Verður þá staðið við ákvarðanir fyrri ráðherra ?

Það liggur fyrir ákvörðun frá ráðherratíð Sifjar Friðleifsdóttur í heilbrigðisráðuneytinu um byggingu hjúkrunarheimilis á Ísafirði fyrir 10 heimilismenn. Þörfin er engu að síður allt að 35 pláss á næstu árum. Heimamenn hafa unnið sína vinnu vel í undirbúningi að byggingu hjúkrunarheimilis hér en ríkisvaldið hefur dregið lappirnar fram úr hófi.  Nú verður gaman að sjá hvernig ráðherra mun skipta þessum rýmum niður á landið.

Þörfin er nefnilega ekki bara á höfuðborgarsvæðinu, heldur líka á landsbyggðinni.

Tímabær ákvörðun......

Bygging hjúkrunarrýma í skoðun

Prófkjör skal það vera.

Aðalfundur fulltrúaráðs sjálfstæðisfélaganna í Ísafjarðarbæ ákvað í kvöld að halda prófkjör til að velja á lista fyrir bæjarstjórnarkosningar sem fara fram 29 maí n.k.  Það eru því spennandi tímar framundan hjá okkur sjálfstæðismönnum í Ísafjarðarbæ. Ég tilkynnti á fundinum að ég gef kost á mér í eitt af efstu sætunum í þessu prófkjöri. Þá ákvörðun tek ég vegna þess að ég tel mig hafa margt fram að færa í þá miklu vinnu sem bæjarmálin eru. Eftir að hafa verið varabæjarfulltrúi á því kjörtímabili sem nú fer brátt að ljúka og fengið góða reynslu af því starfi, vonast ég eftir að fá stuðning fólks í Ísafjarðarbæ til að vinna fyrir það áfram.

Framtíðin er okkar......

Marklaust hjal.

Þetta er sama fólkið og í sumar sendi Steingrími Joð bréf og sagði hann ómerking orða sinna ef hann samþykkti að sækja um aðild að ESB. Ég gat ekki skilið það þá að þau væru mjög ánægð hvorki með hans framgöngu né flokksins í samstarfi við ráðþrota samfylkingu, sem enga leið sér í neinu máli nema að ganga í ESB.

Ómerkingar orða sinna......

Ánægðir með ríkisstjórnarsamstarfið

Það gerðist semsagt ekki neitt á þessum fundi !

Það kom ekkert nýtt fram sem gerir Ögmundi og félögum auðveldara að styðja Icesave frumvarp ríkisstjórnarinnar. En það var eindreginn vilji hjá öllum til að finna lausn á vandanum. Það er því niðurstaða fundarins að öll dýrin í skóginum eigi að vera vinir.

En það er þó vandséð að af því geti orðið ef tekið er mið af yfirlýsingum Ögmundar og Guðfríðar Lilju undanfarna daga.

Ótrúverðugt í meira lagi......

„Búið að lægja ólguna“

Spriklandi fiskur í körum.

Varaformaður sjávarútvegsnefndar Ólína Þorvarðardóttir hefur ekki farið leynt með hrifningu sína á strandveiðikerfinu sem sett var á til prufu í sumar. Hún hefur staglast á því í ræðu og riti hversu mikil breyting varð á öllu hér fyrir vestan eftir að veiðarnar hófust. Hafnir hafa lifnað við að nýju. Véladynur bergmálar í fjöllunum kvölds og morgna og síðast en ekki síst spriklandi fiskur í körum.

Af þessum rómantísku lýsingum að dæma kemur þingmaðurinn ekki oft niður á bryggju, ef hún hefur þá nokkurn tímann gert það yfirleitt. Bátar hafa nefnilega komið og farið svo bergmálað hefur í fjöllunum áður en strandveiðikerfið var sett á. Líf hefur verið á höfnunum, fiski landað og menn hugað að bátum sínum. Eitt er líka gott fyrir varaformann sjávarútvegsnefndar að vita, nefnilega það að fiskurinn er blóðgaður um leið og hann kemur um borð í bátana og kældur. Það eru því engar líkur á að hann sé enn spriklandi í körunum þegar bátarnir koma að landi.

Þingmaðurinn hins vegar talar ekkert um að nánast engin nýliðun var í þessu kerfi í sumar. Nýliðun voru einmitt helstu rök þingmannsins og hennar félaga þegar þetta frumvarp var lagt fram. Strandveiðarnar skiluðu 62 milljónum í aflaverðmæti í Ísafjarðarbæ í sumar. Það þýðir 807 þúsund krónur rúmar fyrir utan virðisaukaskatt í aflagjald til hafna Ísafjarðarbæjar. Hafnir landsins eru almennt í erfiðum rekstri og molar eru líka brauð og allt það, en Þessi upphæð er brotabrot af þeim upphæðum sem þau útgerðarfyrirtæki sem þegar voru að landa hér á svæðinu eru að greiða í aflagjöld á ári.

Þeim fyrirtækjum hinsvegar sér þingmaðurinn allt til foráttu og á þá ósk heitasta að aflaheimildirnar verði teknar af þeim, með hörmulegum afleiðingum fyrir svæðið í heild. Hverra hagsmuna er þá verið að gæta.

Þetta snýst ekki um rómantík......

 

Guðfríður ítrekar álit sitt á Álfheiði.

Enn og aftur setur Guðfríður fram þá skoðun sína að bjóða eigi Ögmundi Jónassyni aftur að ríkisstjórnarborðinu. Hún talar um að það styrki stjórnina. Það er hárrétt hjá henni, en er hún ekki á sama tíma að lýsa frati á Álfheiði Ingadóttur nýjan heilbrigðisráðherra.

Hvernig væri nú að þetta fólk fari að ákveða hvar það vill vera og hvað það vill gera.

Stjórnarkreppa.......

Var ekki heppilegur talsmaður