Vinstri mönnum er tíðrætt um vilja þjóðarinnar.

 

Það er öruggt mál að Sjálfstæðisflokkurinn mun taka ábyrgð á því sem að hann gerði rangt. Ég er aftur á móti ekki að sjá að allir flokkar séu tilbúnir í það. Ef tekið er mið af þessari könnun sem Ísland í dag gerði þá hefur þjóðin fyrirgefið Sjálfstæðisflokknum. Fólk þurfti ekki nema viku af vinstri stjórn til að gera sér grein fyrir að það verður Sjálfstæðisflokkurinn sem leiðir okkur út úr þessari kreppu.

Fólk hefur gert sér grein fyrir því að þetta ástand er ekki Sjálfstæðisflokknum eða stefnu hans að kenna, heldur er þetta á alheimsvísu. Það sem að Sjálfstæðisflokkurinn er sekur um var að sofa á verðinum og leyfa bönkunum að stækka um of. Stefna Sjálfstæðisflokksins um frelsi einstaklinga til athafna hefur ekkert með þessa kreppu að gera.

Það veit þjóðin.....

Þýðir ekki að klína sök á Sjálfstæðisflokkinn

Nú er að rífa sig upp af rassgatinu !

 

Og mæta á næsta föstudagskvöld 13 febrúar klukkan 19.15 og hvetja strákana í KFÍ. Þeir hafa verið að spila feikivel undanfarið og unnið síðustu 5 leiki sína í 1. deildinni og 6 af síðustu 7 leikjum.

Þeir urðu fyrstir til að leggja topplið Hamars í vetur en Hamar hafði unnið 11 leiki í röð þegar þeir komu til Ísafjarðar og töpuðu. Í síðustu 3 leikjum hafa strákarnir unnið 3 efstu liðin. Þess vegna segi ég við þig lesandi góður. Mættu og hvettu þitt lið til sigurs og eigðu frábæra stund í Jakanum á Torfnesi næsta föstudagskvöld. Það skiptir okkur miklu máli að fá stuðning þinn nú.

Áfram KFÍ.....

Kannast fólk við Gylfa Magnússon ?

 

Rakst á þessa skemmtilegu grein áðan. Verð  að segja að þetta setur málin í nýjan vinkil.

Eins og menn muna fékk Baugur útflutningsverðlaun forseta Íslands í fyrra. En Baugur er ekki eina útrásarfyrirtækið sem hefur fengið þá maklegu viðurkenningu. Örfáum misserum áður fékk annað fyrirtæki, Kaupþing banki, þessi sömu verðlaun.

Það var fámenn dómnefnd sem ákvað að verðlauna Kaupþing fyrir þátt þess í útrásinni. Við afhendingu verðlaunanna kom fram hjá nefndinni að "Kaupþing banki fær verðlaunin fyrir þann árangur sem fyrirtækið hefur á skömmum tíma náð á þróuðum mörkuðum erlendis. Fyrirtækið fer fremst í öflugri útrás íslenskra fjármálafyrirtækja og hefur vakið athygli fyrir framsækinn og arðbæran rekstur. Djörfung og dugur einkenna fyrirtækið, starfsmenn þess og stjórnendur. Vöxtur fyrirtækisins hefur verið mjög ör undanfarin ár og hefur það gegnt lykilhlutverki í fjárfestinga- og viðskiptabankastarfssemi hér á landi. Síðustu ár hefur bankinn stóraukið starfsemi sína á erlendri grundu með stofnun dótturfélaga og kaupum á fjármálafyrirtækjum."

Kaupþing fær hér mikil verðlaun fyrir ákafa útrás og gríðarlegan vöxt sinn. Dómnefndin var fámenn en góðmenn og til að tryggja að fagleg sjónarmið réðu en ekki pólitískt ábyrgðarleysi og spilling, var fenginn fulltrúi viðskipta- og hagfræðideildar Háskóla Íslands í nefndina. Það var að sjálfsögðu enginn annar en Gylfi Magnússon dósent sem settist í dómnefndina og verðlaunaði Kaupþing fyrir mjög öran vöxt og ákafa útrás, alnafni Gylfa Magnússonar baráttumanns, sem hefur í snjöllum útifundarræðum krafist þess að allir þeir sem einhvern þátt áttu í að illa fór í efnahagslífinu, haldi sig fjarri öllum "björgunaraðgerðum", og er jafnframt alnafni þess Gylfa Magnússonar sjáanda, sem fréttamenn segja jafnan að hafi séð allt fyrir, varað eindregið við útrásinni og einkum barist gegn stækkun bankanna.

- Vef-þjóðviljinn þann 4. febrúar 2009.

Gæti mögulega verið að þriðji nafni þeirra félaga sé nú viðskiptaráðherra í minnihlutastjórn Jóhönnu Sigurðardóttur.

Það er nefnilega það.......

Eiríkur og Ingimundur hafa svarað

Fyrir hvern fjandan ?

Er verið að greiða Hallgrími Helgasyni starfslaun og það í 3 ár. Kannski fyrir hvað hann stóð sig vel í að verja útrásarpésana sem settu landið á hausinn. Hugsanlega hvað hann var góður að dásama Samfylkinguna. Eða kannski fyrir hvað hann stóð sig vel í að mótmæla í haust. Að minnsta kosti getur ekki verið að hann fái þetta fyrir hæfileika á ritvellinum, þar er hann varla meðalmaður.

Undarlegt.....

Þrír rithöfundar fá starfslaun í 3 ár

Sókndjarfur miðjumaður.

Er það ekki akkúrat það sem við þurfum. Lýst vel á þessi áform hjá Þórði. Það er nauðsyn að ákveðin endurnýjun verði á framboðslistum Sjálfstæðisflokksins í öllum kjördæmum. Einnig er algjört skilyrði að prófkjör verði líka í öllum kjördæmum. Ef sitjandi þingmenn eru hræddir við dóm kjósenda sinna þá eiga þeir að hætta í pólitík og finna sér annað að gera.

Sækjum til sigurs....

 

Þórður býður sig fram

Semsagt hinsegin stefnuræða.

Eða hvað ?.....

Ekki hefðbundin stefnuræða

Gegn vilja þjóðarinnar.

Ef að ríkisstjórnin afturkallar hvalveiðileyfið þá er það klárlega gegn vilja bæði Alþingis og einnig þjóðarinnar. Það fólk sem nú stýrir landinu hefur nú ekki svo lítið hamrað á því undanfarnar vikur að það þurfi að fara að vilja þjóðarinnar. Það liggur því ljóst fyrir að Steingrímur J er ekki að fara aftur kalla þetta leyfi.

Það væri þá gert í fullkominni mótsögn við hvernig hann hefur talað síðustu mánuði. Við höfum ekki efni á að hafna 2-300 störfum nú um stundir. Held að ríkisstjórnin ætti að einbeita sér að þeim hlutum sem aðkallandi eru, en ekki verja tíma í að breyta ákvörðunum fyrri stjórnar.

Veiðum hval strax......

Meirihluti fylgjandi hvalveiðum

Ertu bjáni eða ?

Af því að nokkur þúsund manns komu á Austurvöll og bauluðu, þá er það vilji þjóðarinnar. Ertu nokkuð búin að gleyma orðum formanns þíns. Þið eruð ekki þjóðin sagði Ingibjörg Sólrún.

Hélt að Jóhanna væri nú skarpari en það að láta sér detta í hug að menn gefi eftir rétt sinn til starfslokasamninga þegar þeir eru reknir fyrirvaralaust, vegna þess að það er vilji þjóðarinnar. Ákvörðunin hefur ekkert að gera með vilja þjóðarinnar, heldur hatur á einum manni.

Þvílík della......

Seðlabankastjórar víki

Hver dó ?

Segir það ekki allt sem segja þarf að Steingrímur fór í jarðarfarar jakkafötin í tilefni dagsins.

Jarðarfararstemmning.......

 

Lyklaskipti í kvöld

Minnihlutastjórn um ekki neitt.

Þá liggur það fyrir eftir tíu daga viðræður (og baktjaldaplott þar áður) að það liggur ekki fyrir neinn listi um hvað á að gera. Hann verður kynntur í næstu viku. Það sem er minnst á í fréttinni er bara almennt orðalag eins og "að slá skjaldborg um heimilin" og "koma atvinnulífinu aftur í gang".

Ég er ansi hræddur um að það eigi eftir að verða saga þessa minnihlutasamkrulls að það muni ekki koma neinu í verk þessa daga sem þau hafa fram að kosningum. Og að endingu þá er það að setja Kolbrúnu Halldórsdóttur í umhverfisráðuneytið það allra versta sem hægt er að gera í ástandi eins og nú er. Það má þá ekki hrófla við þúfu án þess að allt verði vitlaust. Núna dugar ekkert nema að framleiða eins og hægt er.

Sorgleg staðreynd.....

Slá skjaldborg um heimilin