Stórkostlegt vanmat hjá trausti rúnum formanni.

Það er með ólíkindum að Ingibjörg skuli ekki geta lesið stöðu sína réttar en þetta. 16% fylgi til áframhaldandi formennsku á móti 70% hjá Jóhönnu. Ingibjörg ákveður að halda bara áfram þrátt fyrir þetta. Hún ætlar ekki að taka neina ábyrgð á þeim tveimur árum sem hún sat í ríkisstjórn. Bankarnir heyrðu undir Samfylkinguna og fjármálaeftirlitið líka. Það þíðir ekki hjá henni að segja bara að hún kannist ekki við fundi þar sem hin alvarlega staða var rædd.

Ingibjörg ákveður að setja bara rassinn upp í vindinn og bíða hann af sér. Það er stórkostlegt vanmat hjá henni. Aðrir flokkar eru að ganga í gegnum ákveðna hreinsunarelda og endurnýjun en Samfylkingin ætlar að keyra á sama útbrunna liðinu, það á eftir að verða þeim afdrifaríkt í framhaldinu. Samfylkingin ber jafn mikla ábyrgð og Sjálfstæðisflokkurinn á að eftirlit brást með bönkunum.

Valdagræðgi......

 

Ingibjörg býður sig fram

Að axla ábyrgð er það sem þarf að gera.

Ég hef velt því svolítið fyrir mér hvers vegna formaður Sjálfstæðisflokksins hefur ekki viljað biðja þjóðina afsökunar á þeirri ábyrgð sem Sjálfstæðisflokkurinn ber á efnahagshruninu. Hann talar alltaf um að bíða eftir skýrslu nefndar sem rannsakar bankahrunið. Geir er greindur og grandvar maður og hann veit fullvel um ábyrgð flokksins í efnahagshruninu. Bjarni Benediktsson og Guðlaugur Þór Þórðarson hafa báðir sagt að flokkurinn verði að axla þá ábyrgð sem honum ber, og ég er þeim sammála.

Því fyrr sem forysta flokksins sér þetta og hugsar um hag flokksins fram yfir eigin hag því betra fyrir flokkinn. Það verður að segjast að miðað við að ekkert hefur gerst í þeim málum þá er 26,2% og 17 þingmenn stórsigur fyrir okkur. En þessar tölur sýna mér jafnframt að ef forystan axlar ábyrgð og biðst afsökunar og fer í kosningabaráttu full af auðmýkt, þá mun flokkurinn örugglega verða stærsti flokkur landsins um ókomin ár.

Ég trúi ekki að Geir vilji yfirgefa flokkinn sem hann hefur starfað svo vel og lengi fyrir í stöðu sem þessari. Hann veit að það er enginn stærri en liðið og hann á að starfa eftir þeirri forskrift.

Við verðum að axla ábyrgð......

Ríkisstjórnin fengi meirihluta

Að setja upp pókerfés.

Ef að Birkir Jón heldur að sá kattarþvottur sem framsókn hefur farið í gegnum setji þau á sviðið sem upprisin flokk þá er það misskilningur. Það var að vísu eina von þeirra til að þurrkast hreinlega ekki út í næstu kosningum. Ef að Sjálfstæðisflokkurinn er ekki stjórntækur vegna starfa sinna í stjórnarandstöðu þá veit ég ekki hvaða flokkur er stjórntækur. Alla vega ekki Framsókn hvar allt hefur logað í illdeilum manna á milli og það einnig þegar þeir voru í ríkistjórn. Þetta veit Birkir Jón, og það þíðir ekkert að setja upp pókerfés rétt fyrir kosningar og kalla úlfur úlfur.

Framsóknarskjálfti.......

Sjálfstæðisflokkurinn óstjórntækur

Hvað gerist næst ?

Framhaldið verður vægast sagt áhugavert eftir þetta viðtal, ég segi ekki annað. Þessi þáttur staðfestir það sem margir hafa sagt að minnihlutastjórnin er í persónulegri herferð gegn Davíð Oddssyni. Það er eina stefnumálið sem flokkarnir eru sammála um.

Það er ekkert verið að gera....... 

 

Davíð í Kastljósviðtali

Hvað gerir framsókn nú.

Það er semsagt ekki hægt að vinna með Framsóknarflokknum að uppbyggingu efnahagskerfisins. 4-5 hundruð milljarðar af peningum sem eru hvort eð er glataðir segja framsóknarmenn. Setur Íbúðarlánasjóð lóðbeint á hausinn segja VG og Samfylking. Gæti orðið til þess að bjarga mörgum illa stöddum fjölskyldum og fyrirtækjum segja framsóknarmenn. Óraunhæft segja VG og Samfylking. Hver ætlar að bakka hvern upp í þessu máli.

Semsagt engin samstaða um nokkurn skapaðan hlut í þessu máli. Gæti hugsast að svoleiðis sé staðan í fleiri málum hjá minnihlutastjórninni.

Spyr sá sem ekki veit......

Kosningar verða 25. apríl

Það sem koma skal.

Þetta var gott hjá Höskuldi. Svona mun þetta verða ef mark er takandi á framsóknarmönnum. Þeir segjast ekki ætla að leyfa minnihlutastjórninni að komast upp með neina vitleysu, og það er nákvæmlega það sem þetta seðlabankafrumvarp er. En ef ég á að segja alveg eins og er þá held ég að í þessum skrifuðu orðum sé Höskuldur á fundi þar sem hann verður barinn til hlýðni.

Allt sem aktívistinn Álfheiður Ingadóttir formaður viðskiptanefndar vildi láta hafa eftir sér í hádegisfréttum Rúv var að það yrði annar fundur í dag. Þá verður semsagt búið að rétta Höskuld af.

Minnihlutastjórn verður alltaf minni og minni......

Vilja fresta seðlabankaumræðu

Góublót.

Já þá er komið að því að Súgfirskir karlar bjóði konum sínum á góublót. Síðustu 3 vikur hefur farið fram mjög strangur undirbúningur, bæði hvað varðar skemmtinefnd og húsnefnd. Á morgun verður svo komið að þessu öllu. Það er búið að setja gamla félagsheimili súgfirðinga í sparifötin og mála allt og þrífa. Það voru hollvinasamtök félagsheimilisins sem séð hafa um það.

Skemmtinefnd er svo búin að æfa upp dagskrá þar sem margt ber á góma. Það hefur löngum þótt hneisa að komast ekki á blað á þeirri sýningu. Menn hafa haft á orði að nú ættu þeir ekkert eftir nema drepast, það hefði ekki verið minnst á þá á blótinu.

Það verður gaman að sjá hvernig til tekst á morgun. Skráning er með besta móti og vonandi að sá sem öllu ræður úthluti okkur góðu veðri svo allir komist á leiðarenda. Set hér með mynd sem Palli Önna tók síðast þegar karlar buðu til góublóts.

Góða skemmtun......

Flokkur í tætlum.

Ég er enn sannfærðari um að það sem Geir sagði er rétt. Þessi flokkur er í tætlum. Það verður gaman að fylgjast með framhaldinu á þessu máli. En hvað varðar Jón Baldvin þá hefur hann ekkert að gera aftur í pólitík.

Þinn tími er búinn......

Jón vill að Ingibjörg víki

Hey þú, Já ég er að tala við þig.

Áfram KFÍ....

Tækifærissinni !

Bubbi er hræsnari. Hann byrjaði sem baráttu maður fyrir réttindum farandverkamanna. En svo varð hann frægur og ríkur. Hann seldi Glitni sál sína fyrir útrásarpeninga. Hann veiddi lax alla daga og ók um á Range Rover. Þá var Bubbi Kapítalisti. En Bubbi fjárfesti líka í brauðfótafyrirtækjum og tapaði miklu, Það var hans val ekki annarra. Nú er Bubbi blankur og byrjaður að predika aftur.

Haltu þig við tónlistina, hún er ástæðan fyrir því að fólk veit hver þú ert. Án hennar ertu "nobody" Fólk veit að þú ert ekki einn af þeim sem bjarga heiminum.

Mótmæli í boði Glitnis.....

Bubbi rokkar Seðlabankanum