Lítils metin mannslíf.

Hvernig í fjandanum má það vera eð ekki er búið að setja upp viðeigandi merkingar þarna. Fyrir ári drukknaði ferðamaður á sama stað. Hvað á að fórna mörgum mannslífum áður en fólki er gerð grein fyrir hættunni. þetta eru vægast sagt undarleg vinnubrögð hjá þeim sem hafa með málið að gera.

Lögreglan á að loka svæðinu þar til úrbætur hafa verið gerðar.

Háskaströnd.....

                                                           Séð í austur frá Skógarfossi að Dyrhólaey.

Mannbjörg í Reynisfjöru

Frítt í sund fyrir börn í Ísafjarðarbæ.

Er kominn heim eftir 10 daga útilegu á suður og vesturlandi. Við fjölskyldan förum í sund á hverjum degi þegar við erum á ferðalagi. það kom mér skemmtilega á óvart að Ísafjarðarbær virðist vera eitt af mjög fáum sveitarfélögum sem bjóða börnum frítt í sund. Við fórum í sund í Flókalundi, Minni-Borg í Grímsnesi, Selfossi, Hellu, Reykholti í Bláskógabyggð og Borgarnesi. Hvergi á þessum stöðum er frítt í sund fyrir börn.

Sund er heilsubót......

Sumarfrí.

Sjáumst síðar.......

Nennir ekki að vera túristi í Peking.

Mikið skil ég hann vel. Það virðist vera alveg sama hvaða rugli Óli Stefáns er í, aldrei er Einar settur inn og honum leyft að skjóta sig í gang. Klárlega kraftmesta vinstri handar skyttan sem við eigum í dag. Eins og álagið er mikið á Óla allt tímabilið, þá er furðulegt að Einar skuli ekki spila meira.

Frystikerfi.....

Einar fer ekki með til Peking

Martin O´ Neill er frá Norður Írlandi.

Það er nú meira hvað þessir blessaðir blaðamenn sem starfa á netmiðlum eru vel að sér um það sem þeir skrifa. Það er stundum alveg grátbroslegt að lesa sumar fréttir sem þeir senda frá sér. Er pressan orðin svo mikil að vera fyrstir með fréttirnar, að blaðamenn eru hættir að lesa yfir fréttir áður en þær eru settar í loftið.

Flýta sér hægt....

Engan afslátt af Gareth Barry

Sjávarþorpið Suðureyri.

Við unum okkur vel undir bláu flaggi hér á Suðureyri. Þetta kemur til með að styrkja þá ferðamennsku sem stunduð er héðan. Sjávarþorpið Suðureyri vinnur einnig að því að fá umhverfisvottun á þær afurðir sem unnar eru hér.

Undir bláu flaggi......

Bláfánanum flaggað á Suðureyri

Alfreð er kóngurinn.

Alfreð Gíslason er klárlega besti þjálfarinn í heiminum í dag. Þessi ráðning sannar það. Það verður gaman að sjá hvernig stjörnurnar í Kiel koma til með að spila undir stjórn Alfreðs.

Glæsilegur árangur.....

Alfreð: „Fæ ekki mörg slík tækifæri“

Bara svo að það sé á hreinu.

Það stendur ekki til að stoppa vinnslu hjá Íslandssögu hér á Suðureyri. En það teljast kannski ekki fréttir nú á tímum svartrar blaðamennsku. Það er helst ekki frétt í dag nema einhver missi vinnuna tímabundið eða varanlega. Hér hefur verið nóg að gera allt kvótaárið og nú í vor fengu skólabörnin á Suðureyri, sem eru fermd öll vinnu.

Persónulega hefur mér fundist stjórnendur fiskvinnslufyrirtækja helst til fljótir að játa sig sigraða og bera við skerðingu á veiðiheimildum. Það þarf ekki að taka það fram að hér á Suðureyri var sama skerðing og annarsstaðar á landinu.

Það er gott að búa á Suðureyri......

Lengur lokað í fiskvinnsluhúsum í sumar

Úlfur Úlfur

Ég sá hvítan blett í morgun þegar ég keyrði inn Súgandafjörðinn. Ef sambandið hjá Símanum væri betra hefði ég örugglega hringt í lögregluna. En þegar ég tók niður sólgleraugun sá ég að þetta var bara eitthvað kusk á glerinu. Aðeins seinna hélt ég að ég væri að mæta ísbirni í göngunum, en sá svo mér til mikils léttis að þetta var bara Toyota Yaris 2004 módelið.

Ísbjarna faraldur á Íslandi......

 

                                                                                          

Ekkert sést til bangsa

Staðreynd sem ekki hefur farið hátt á vissum miðli.

Þetta mál fékk töluverða umfjöllun á ákveðnum miðli fyrir nokkrum misserum. Þar var meðal annars talað um brot á jafnræðisreglu stjórnarskrárinnar og fleira í þeim dúr. Í svari samgönguráðuneytis við stjórnsýslukæru forystumanna skutuls.is, segir hins vegar.

"Hafnað er kröfu Ólínu Þorvarðardóttur og Bryndísar Friðgeirsdóttur, f.h. skutuls.is, þess efnis að ákvörðun bæjarráðs Ísafjarðarbæjar, um að hafna erindi þeirra vegna vefmiðilsins skutuls.is, þann 12. nóvember 2007, hafi verið ólögmæt"

Skutull.is er vestfirskur þjóðmálavefur sem ekki er háður neinum stjórnmálaflokki eða hagsmunaaðilum og fréttamat og fréttaskrif stjórnast eingöngu af áhuga og metnaði þess hóps sem stendur að vefnum. þetta má lesa í niðurlagi áður nefndrar fréttar. Ekki eru nú samt allir sammála um það.

Í frétt sem birtist á skutull.is eftir að niðurstaða ráðuneytisins varð kunn segir meðal annars "Augljóst er að ráðuneytið horfir fram hjá þeim gögnum málsins sem sanna ómálefnalegar ástæður fyrir synjun bæjarins" segir Ólína Þorvarðardóttir, ritstjóri skutuls.is. Ráðuneytið hefur sem sagt rangt fyrir sér.

Er þetta vantraust á Kristján Möller samgönguráðherra, eða bara starfsmenn ráðuneytisins.

Í lokin má geta þess að skutull.is er kominn í 2 mánaða sumarfrí frá fréttaskrifum. Hvort það er áhugi eða metnaður sem ræður því verða aðrir að dæma um.

Þar höfum við það......