Hvað með Vestfirði.

Sé á þessari dagskrá að Formaður Framsóknarflokksins lætur ekki svo lítið að halda fund á Vestfjörðum. Að vísu sást til hans hér í sundlauginni á Suðureyri fyrr í sumar. Það væri nú gott að fá að heyra álit Guðna á olíuhreinsistöð og fleiru.

Framsóknarmenn hafa verið opnir fyrir stóriðju og virkjunum hingað til, og það virkar best til að slá á kreppuna.

Ekki gleyma Vestfjörðum...... 

 

Guðni í fundaherferð

Upphitun hafin fyrir leik aldarinnar.

Það er annaðhvort að gera þetta með stæl eða sleppa því. Við erum klárir í leikinn. Hvernig sem fer á morgun þá eru þessir drengir búnir að standa sig frábærlega og eru landi og þjóð til sóma.

Í Skagafirði verður ekki farið í útreiðartúr í fyrramálið svo mikið er víst.

Strákarnir okkar......

Flokkur óákveðinna.

Enn bætist í pólitískt uppsóp Frjálslynda flokksins. Held að Ólafur F eigi vel heima í þessum flokk sem samanstendur að miklu leyti af mönnum sem hafa farið í pólitíska fýlu og yfirgefið þá flokka sem þeir voru í. Ástæður þess að þeir hafa leitað annað er yfirleitt sú að þeir hafa orðið undir í baráttu um sæti í sínum flokkum, en ekki ágreiningur um málefni.

Það er um að gera að safna sem flestum af þessum mönnum í einn flokk sem gæti til dæmis tekið upp nafnið Fjöllyndi flokkurinn eða Ósjálfstæðisflokkurinn nú eða Sundurlyndi flokkurinn, hugsanlega líka Ósamstaða, Sundrung eða Andstæðingaflokkurinn.

Besta nafnið væri samt  annað hvort Bandalag flokkaflækinga eða Enn einn vettvangur.

Þangað leitar klárinn þar sem hann er kvaldastur.....

Býður Ólaf velkominn í Frjálslynda flokkinn

D+S

Ég ætla að byrja á því að viðurkenna það að ég hafði trú á að þetta myndi ganga. En nú þegar allt bendir til að þetta sé búið þá er það mín skoðun að borgarfulltrúar skuldi Reykvíkingum meirihluta sem getur snúið ofan af þessari hringavitleysu.

Sjálfstæðismenn og Samfylking verða að setja aftur fyrir þann pirring sem verið hefur á milli þessara flokka í borgarstjórn, og mynda meirihluta sem er nógu sterkur til að taka á málum. Ef að það þarf til að Dagur fái borgarstjórastólinn þá eigum við að gefa það eftir. Dagur stóð sig að mörgu leyti vel sem borgarstjóri og er mjög vinsæll. Þessir flokkar hafa sýnt það í landsmálunum að þeir geta vel unnið saman.

Eins manns meirihluti með Framsókn er ekkert betri en þessi sem er að springa núna.

Setjum punkt aftan við þessa vitleysu....

Samstarfið á „endastað"

Græna byltingin.

Þessi arfavitlausa ákvörðun ráðherra er tekin vegna þrýstings frá náttúruverndarsinnum sem halda að peningarnir vaxi á trjánum. Margir þeirra hafa ekki einu sinni komið upp fyrir Ártúnsbrekkuna. Það að hún svari ekki spurningum á fundi sem hún boðar sjálf til sýnir stöðu hennar í málinu. þeir sem hafa unnið að þessum málum á Norðurlandi hafa ekki sagt sitt síðasta. Málinu er langt í frá lokið.

Umhverfislatte......

Þórunn ræddi við Húsvíkinga

Öflugir verktakar frá Ísafirði.

Þetta eru góðar fréttir fyrir KNH og einnig Vegagerðina ef þetta verður niðurstaðan. Þau verk sem þetta fyrirtæki hefur unnið hafa öll verið hratt og vel unnin.

Nú eru þeir að klára veg um Vatnsfjarðarháls og yfir Mjóafjörð. Þeir eru einnig með verk í Borgarfirði og Þorskafirði ásamt fleiri smærri verkum. Þetta fyrirtæki er orðið einn stærsti vinnuveitandinn í Ísafjarðarbæ og því eru þetta mjög góðar fréttir.

Gott mál.....

Ísfirskt fyrirtæki með lægsta tilboð í Suðurstrandarveg

Ríkið hlýtur að greiða kostnað við umhverfismat.

Það getur ekki verið munur á þessum framkvæmdum eða þeim sem fóru fram á Austfjörðum. Ríkið greiddi fyrir umhverfismat vegna Kárahnjúkavirkjunar. Ég veit að sumir þingmenn Sjálfstæðisflokksins sjá ekki mun á þessum tveimur hlutum.

Best væri að þetta færi í gang sem allra fyrst. Fólk í Vesturbyggð treystir á eitthvað bitastætt svo það þurfi ekki að yfirgefa verðlausar eignir sínar. Það er kominn tími á Vestfirði og norðvesturland.

Verður þetta metið heilstætt......

Olíuhreinsistöð: Umhverfismat er næsta skref

Vanhæfur ráðherra.

Yfirlýst stefna Þórunnar Sveinbjörnsdóttur í umhverfismálum hlýtur að gera hana vanhæfa til að taka svona ákvarðanir. Það að hafa hana sem umhverfisráðherra er eins og að setja Drakúla yfir blóðbankann. Hún er almennt á móti virkjunum og stóriðju, og því tekur hún svona ákvarðanir þvert á alla vinnu fjölda fólks á norðurlandi.

Nýjan ráðherra takk.......

Formsatriði ráða niðurstöðunni

Drottning í Djúpinu.

Gerði mér ferð í dag til að taka myndir af Queen Elisabeth ll. Þetta mikla og fræga skip er risastórt og til merkis um það þá lá það mikið dýpra en önnur skemmtiferðaskip, sem flest liggja á Prestabugtinni.

Þetta er síðasta ferð drottningarinnar til Íslands því henni verður breitt í lúxushótel og spilavíti austur í Dubai.

Lúxusfleyta..... 

 

 

 

 

 

 

Sögufrægt skemmtiferðaskip

Olíuævintýri Össurar.

160 milljónir í olíuleit á Drekasvæðinu. Gott mál það. En hvað ætlar Össur að gera ef hann finnur olíuna. Ekki ætlar hann að vinna úr henni á Íslandi, ef tekið er mið af skoðunum hans á olíuhreinsistöð á vestfjörðum. Það er sagt í þessari frétt að olían hafi breytt efnahag Norðmanna. Það er af stórum hluta vegna þess að þeir vinna olíuna sjálfir, en sigla ekki með hana óunna í burtu og skapa atvinnu annarsstaðar.

Það er  nefnilega það sem Össur olíumálaráðherra vill gera ef olía finnst á Drekasvæðinu. Þessi tvískinnungur ráðherrans er í besta falli broslegur. En það verða nú væntanlega einhverjir sem taka fram fyrir hendurnar á honum og umhverfisráðherra þegar kemur að því að taka ákvörðun í þessum málum. Íslendingar hafa ekki efni á að láta sigla með ólíu óunna frá landinu ef hún finnst.

Auðlindaleit á Drekasvæðinu milli Jan Mayen og Íslands