Haldið ykkar kröfum til streytu.

Þetta mál er að verða ansi vandræðalegt fyrir stjórnvöld. Fólk keppist við að lýsa yfir stuðningi við kröfur ljósmæðra, þar á meðal félagsmálaráðherra ef mig misminnir ekki. Hvers vegna er ekki samið við ljósmæður strax. Þessar kröfur þeirra eiga fullan rétt á sér.

Áfram ljósmæður.....

Verkfall hefst á miðnætti

Til hamingju með sætið.

Frábært hjá strákunum að ná að tryggja þetta í kvöld. Þeir bræður Óttar og Andri eru miklir markaskorarar og skoruðu öll mörkin í kvöld.  Fínar fréttir fyrir íþróttalífið hér fyrir vestan.

Við hjá KFÍ óskum öllum hjá BÍ/Bolungarvík til hamingju með 2 deildar sætið.

Fínt sumar.....

 

Ljóst hvaða lið fara upp í 2. deild

Fljótir að játa sig sigraða.

Það er nú ekki háttur Keflvíkinga að játa sig sigraða svo glatt. Allavega ekki þegar íþróttir eru annars vegar. Það á hins vegar ekki við hjá stjórnendum Sparisjóðs Keflavíkur, ef eitthvað er að marka þessa frétt á ruv.is.

það verður fróðlegt að fylgjast með hvað verður fækkað um marga í útibúunum á suðurnesjum.

Hagræðing.....

Misheppnað valdarán.

Áhugavert að lesa á bb.is um tilraunir Magnúsar Reynis Guðmundssonar til að koma sínum manni til valda í Fjórðungssambandi Vestfjarða. Fyrst reynir hann að fá Ómar Má Jónsson sveitarstjóra í Súðavík til að bjóða sig fram til formanns, en gleymir sjálfsagt að segja honum að sitjandi stjórn hafi stuðning til áframhaldandi setu og þar með talið formaðurinn Anna Guðrún Edvardsdóttir.

Ómar samþykkir að vera í kjöri, en dregur sig til baka þegar hann sér að engin óánægja er með sitjandi stjórn. Þá sækir Magnús oddvita sinn úr minnihluta bæjarstjórnar Ísafjarðarbæjar Sigurð Pétursson. Það er skemmst frá því að segja að Anna sigraði Sigurð með 74% atkvæða gegn 26%. Það var nú öll óánægjan og allt vantraustið með hana og stjórnina.

Þar kemur að skemmtilegasta kaflanum í þessari valdaránstilraun. Sjálfstæðismenn beittu Ómar þrýstingi að mati Magnúsar Reynis, raunar svo miklum að hann sá þann kostinn vænstan að draga framboð sitt til baka. Mikill er máttur okkar Sjálfstæðismanna, ég segi ekki annað.

Þeir hafa væntanlega skálað á Núpi um kvöldið, Magnús og Sigurður fyrir árangrinum.

Klaufalegt.....

 

 

Flugvöllur landsbyggðarinnar. Öryggi landsbyggðarinnar.

Á fundi bæjarmálafélags sjálfstæðismanna í Ísafjarðarbæ var eftirfarandi ályktun samþykkt til að minna forystumenn flokksins á landsfundarsamþykkt um samgöngumál frá síðasta landsfundi.

Fundur í bæjarmálafélagi Sjálfstæðisflokksins í Ísafjarðarbæ haldinn mánudaginn 1. september 2008 minnir forystumenn Sjálfstæðisflokksins á landsfundarsamþykkt 2007 sem hljóðar svo: ,, Aukin notkun á farþegaflugi ásamt útboði á flugþjónustu til jaðarbyggða hefur skapað tryggari rekstrargrundvöll fyrir innanlandsflug. Landsfundur hvetur til áframhaldandi stuðnings á flugleiðum til jaðarbyggða, þó þannig að hagkvæmni sé gætt í hvívetna. Jafnframt hvetur landsfundur til þess að Reykjavíkurflugvöllur gegni áfram lykilhlutverki sem miðstöð innanlandsflugs. Uppbygging heilbrigðisþjónustu, opinberrar stjórnsýslu og helstu menntastofnana landsins er  í  Reykjavík og því er eðlilegt að landsmenn allir hafi eins greiðan aðgang að þeirri þjónustu og kostur er. Mikilvægt er að hraða uppbyggingu samgöngumiðstöðvar við Reykjavíkurflugvöll en núverandi flugstöð er úrelt og hamlar aðstöðuleysi þar  m.a. samkeppni í innanlandsflugi.“

Væntanlega er flokksfélögum okkar í borgarstjórn fullkunnugt um þessa samþykkt. Allt tal þeirra um færslu vallarins er því í andstöðu við samþykkt landsfundar.

Áfram í Vatnsmýrinni......

 

Góð úrslit hjá Bolfirðingunum, já eða Ísvíkingunum.

Flott hjá ykkur strákar.

Nú er bara að klára næsta hjalla og koma sér í 2 deildina. Fínt lið sem á vel heima í betri deildum. Það var gefið frí á æfingu hjá KFÍ í dag til að menn gætu stutt sitt lið. Við fáum það væntanlega til baka í vetur.

Upp um deild.....

Fjögur klár í undanúrslitin

Rétt ákvörðun.

Það er rökrétt fyrir fólk sem hleypur 125 kílómetra að hafa með sér geðlækni.

Ekki það að hreyfing sé ekki holl, en öllu má nú ofgera.

Road runner.....

Gunnlaugur í haustlitahlaupi

Náungakærleikur.

Mikið er nú gaman að lesa svona fréttir. Svona höfðingjum er bara ekki hampað nóg í okkar ágæta þjóðfélagi. Að vísu eru margir sem vinna svona góðverk, sem ekki vilja að það komi fram. En hvað sem því líður þá mun ég leitast við að versla mjólkurvörur frá Mjólku í framtíðinni.

Frábært framtak......

Fékk styrk til að leysa út vélarnar

Var hann kannski ekkert á móti eftir allt saman.

Í aðdraganda síðustu alþingis kosninga voru sjálfstæðismenn sakaðir um að vera á móti háskóla á Vestfjörðum og þeir hreinlega sagðir ekki vilja hann. Eitthvað horfir þetta nú öðruvísi við nú í dag þegar menntamálaráðherra setur formlega nýja námsleið í haf- og strandsvæðastjórnun.

Um tímamót eru að ræða því þetta er í fyrsta sinn sem staðbundið háskólanám er alfarið er kennt á Vestfjörðum. Er þar kominn enn einn vísirinn að sjálfstæðum háskóla á Vestfjörðum. Sú vinna sem fólk hér hefur lagt á sig, ekki síst sjálfstæðismenn er nú að skila sér til baka.

Það var aldrei ætlunin að háskólinn yrði til á einni nóttu, heldur í mörgum skrefum og í þá átt hefur verið unnið. Þetta er nýjasta dæmið um það.

Áfram veginn....

Össur úr sambandi.

Ekki veit ég hvar Össur Skarphéðinsson hefur verið undanfarin ár, úr því að hann getur haldið því fram blákalt að heimamenn og Orkubúið hafi ekki staðið sig í að beita þrýstingi til úrbóta í raforkumálum.

Ég man hreinlega ekki eftir pólitískum fundi síðustu 10 árin þar sem ekki hefur verið talað um þessi mál. Það er skemmst frá því að segja  að þeir pólitíkusar sem hafa setið þessa fundi, sama úr hvaða flokki þeir voru, voru allir af vilja gerðir til að skoða málið svo að þetta kæmist í lag, en samt er sama ófremdarástandið enn.

Það er giska léttvægt hjal hjá iðnaðarráðherra að koma með enn eitt bloggið þar sem hann skítur í allar áttir en hittir engan fyrir nema sjálfan sig. Það gleður mig hinsvegar mikið að Dýrafjarðarsonurinn hugsar hlýlega til átthaganna. Það verður væntanlega til þess að hringtenging rafmagns verður komin á von bráðar.

Eða ekki......

 

Fagnar Össuri sem bandamanni