Velkomin Vestur.

Það er ekki skrítið að fólk vilja koma hingað Vestur. Hér er allt til alls og mjög gott að búa sér heimili. Hér eru góðir skólar, leikskólar, menntaskóli og háskólasetur. Hér er einnig blómlegt menningar og listalíf. Öflugu íþróttastarf i er haldið úti hér í fjölmörgum greinum. Besta skíðasvæði landsins, bæði alpagreina og göngusvæði og svona get ég talið lengi upp.

Hér er líka mun ódýrara að lifa. Verð á húsnæði er mun lægra, bensínkostnaður lægri. Svo er bara svo rosalega skemmtilegt fólk hérna fyrir Vestan.

Tími landsbyggðarinnar er kominn......

Höfuðborgarbúar leita vestur

Sjálfstæðisflokkur afneitar fjármálaeftirlitinu.

Þarna er ráðherrum Samfylkingarinnar rétt lýst. Held að það væri best að hætta þessu samstarfi og boða til kosninga. Sjálfstæðisflokkurinn verður að taka sína ábyrgð á stöðunni, og hún minkar ekki við að sitja sem fastast í embætti. það er greinilegt að Samfylkingin slær sig til riddara í því ástandi sem gengur yfir og talar í allar áttir. Það er undarlegt að fólk sjái ekki að ábyrgðin er ekki minni hjá þeim með fjármálaeftirlitið á könnu viðskiptaráðherra, en hjá Sjálfstæðisflokki með seðlabankastjórnina.

Varaformaður Sjálfstæðisflokksins segir að flokkurinn verði að taka umræðu um ESB og hvað er í boði. Ég er sammála henni, en það kemur ekki til greina að við gefum eftir af okkar auðlindum í þeim aðildarviðræðum.

Það er kominn tími til að þeir sem ábyrgð bera á efnahagsástandinu taki hana á sig svo hægt sé að byggja upp að nýju. Það gengur ekki að ef einhver er sekur um eitthvað að hann sitji sem fastast. Einnig þurfa fólkið og fyrirtækin að fá svör. Það hefur skort á það undan farnar vikur hjá stjórnvöldum. Miðað við hvernig óánægja hefur aukist undanfarið þá sé ég ekki að annað sé hægt en að skipta um ríkisstjórn,  stjórn fjármálaeftirlits og seðlabankastjórn. Fólkið í landinu sættir sig ekki við annað, því miður.

Hefjum uppbyggingu nú þegar......

Samfylking afneitar Davíð

Vafasöm viðskipti bankastjóra nýja Glitnis.

Hvernig má það vera að tæplega tvöhundruð milljóna viðskipti týnast svona. Birna  keypti sjö milljón hluti í Glitni á genginu 26,4 fyrir samtals 184 milljónir króna. En svo virðist sem hún þurfi ekki að borga þessa peninga vegna mannlegra mistaka. Það væri gaman að sjá hvort hún hefði ekki viljað halda hlutnum ef allt hefði ekki farið til andskotans. Starfsmenn bankans hefðu örugglega verið snöggir að leiðrétta"mistökin"

Mannleg Innherja mistök....

FME skoðar innherjaviðskipti í bönkunum

Ein spilaborgin enn sem hrinur.

Þetta dæmi er ekkert öðruvísi en mörg önnur sem hafa verið í fréttum undan farnar vikur. Það er búið að skuldsetja þessi félög rúmlega upp í topp og hirða alla peninga úr þeim. Sterling var keypt á fimm milljarða og selt 17 mánuðum síðar á 20, af sömu klíkunni þ.e Fons eignarhaldsfélagi. Hvernig í ósköpunum á þetta að vera hægt. Held að það sé slatti af fékögum í eigu þessara manna sem eiga eftir að rúlla á næstu dögum og vikum.

Crash and burn......

Sterling gjaldþrota

Ykkar hlutur er nú ansi vænn í þessu.

Það er áhugavert að sjá hversu blint samfylkingarfólk er á eigin ábyrgð í efnahagshruninu. Einn helsti hönnuður að efnahagsmálapakka Samfylkingarinnar er nefnilega Jón nokkur Sigurðsson. Hvað skildi hann vera að sýsla þessa dagana. Hann er  formaður stjórnar Fjármálaeftirlitsins sem á einna stærstu sökina á að Icesave og Landsbankinn fengu að komast svona langt.

Hann er einnig varaformaður stjórnar Seðlabankans. Það er einmitt sami seðlabanki og Ingibjörg Sólrún vill reka bankastjórnina úr. Einnig er Björgvin G Sigurðsson ráðherra viðskiptamála yfir fjármálaeftirlitinu, svo það þíðir ekkert fyrir Samfylkinguna að fría sig í þessu máli.

Einnig er alveg makalaust að hlusta á Ingibjörgu tala um að Davíð Oddson þurfi að víkja, þrátt fyrir að forsætisráðherra hafi lýst því yfir að hann sitji áfram. Held að það væri farsælla fyrir Ingibjörgu að setja kraft í að tala máli þjóðarinnar erlendis, ekki veitir af. Hún sem utanríkisráðherra á að stýra þeirri vinnu sem fellst í að endurheimta trú annarra þjóða á Íslandi.

Held að það sé kominn tími hjá Samfylkingarfólki til að átta sig á að þeir eru ekki lengur í stjórnarandstöðu. Hættið þessum eilífu afsökunum og reynið heldur að taka þátt í því að koma landinu aftur á lappirnar.

Ábyrgðin er ekki síður ykkar á þessu efnahagshruni.....

Aðildarviðræður við ESB strax

Siðblinda á hæðsta stigi.

Þetta sýnir manni bara hvernig þessir menn hugsa. Þeir eru búnir að stela af saklausu fólki árum saman og svo þegar blaðran springur þá er allt einhverjum öðrum að kenna. Ég kalla það að stela af fólki þegar innlán eru notuð til að braska með, og þeir voru enn að plata fólk og félagasamtök til að leggja inn á Icesave rétt áður en allt fór á hausinn. Það þarf enginn að segja mér að þessir menn hafi ekki vitað fyrir löngu að þetta gat ekki gengið upp.

Ég skal alveg viðurkenna það að ég bar mikla virðingu fyrir Björgólfi Guðmundssyni. Manninum sem vann sig upp úr gæsluvarðhaldi í Hafskipsmálinu, í að verða einn ríkasti maður heims. Hann var örlátur við að styrkja við góð málefni og kom alþýðlega fram. En eftir að hafa séð hversu siðblindur hann er í raun hef ég glatað allri virðingu fyrir þessum manni. Svo er einnig um alla hina kumpánana sem hafa steypt þjóðinni í langvarandi skuldir.

Þessir menn ættu að kunna að skammast sín......

Krónan stærsta vandamálið

Til hamingju frændi.

Það er ekki nokkur spurning að Gylfi er réttur maður í þetta embætti. Hans mikla reynsla af verkalýðsmálum og ekki síst af efnahagsmálum eiga eftir að koma sér vel á næstu misserum.

Rétt val.....

Gylfi nýr forseti ASÍ

Lómur II

Hér er mynd sem ég tók af Lómnum um daginn þar sem hann lá í Kópavogshöfn.

Illa bundið skip....

Togari slitnaði frá bryggju

Það er engum blöðum um það að fletta.

Að Geir Haarde er rétti maðurinn til að leiða okkur á réttu brautina á ný. Allt tal um að þetta ástand sé nokkrum mönnum að kenna er rugl og á ekki rétt á sér. Það sem ríkisstjórnin hefur gert síðustu vikur til að bjarga málum er lofsvert. Þar með er ég ekki að segja að stjórnvöld hafi ekki sofið á verðinum undanfarin ár hvað varðar stærð bankanna. Held bara að málið sé mikið stærra en hægt hafi verið að gera sér grein fyrir.

Eins og Geir sagði þá er Sjálfstæðisflokkurinn ekki hræddur við að leggja málið í dóm kjósenda. Það er bara alls ekki tímabært að kjósa núna. Hver vill fá stjórnarkreppu ofan á allt það sem við er að etja nú þegar. Ríkisstjórnin mun klára þetta mál með hagsmuni fólksins í landinu að leiðarljósi.

Látum ekki kúga okkur....

Við munum ekki láta kúga okkur

Hefði átt að vera í fylgd lögreglu.

Það lýtur út fyrir að þessara manna verði minnst fyrir það að hafa hneppt þjóðina í skuldaklafa til frambúðar. Verst er þó ef satt reynist að stjórnendur bankanna hafi verið að nota sparnað fólksins í landinu til að gambla með. Það á skilyrðislaust að frysta allar eigur þessara manna og láta þær renna í það botnlausa hít sem við blasir.

Það er algerlega óþolandi að sjá svo í ofanálag fréttir um það hvernig þessir menn slá um sig og byggja glæsihallir fyrir stolna peninga. Allt tal þeirra um háa bónusa fyrir vel unnin störf vegna þeirrar miklu ábyrgðar sem fylgdi með í kaupunum er löngu fallið um sjálft sig. Eins og málið blasir við mér þá eru þetta bara siðblindir glæpamenn.

Hefði átt að yfirgefa Kaupþing í fylgd lögreglu.....

Hreiðar Már yfirgefur Kaupþing