Brot gegn valdstjórninni.

Ég hef af og til lesið dóma yfir fólki sem hefur verið dæmt fyrir brot gegn valdstjórninni. Það hefur verið dæmt fyrir að hindra starf lögreglunnar, hrækja á lögreglumenn, slá lögreglumenn eða bíta svo dæmi séu tekin. Síðasta sólarhringinn hefur margt verið skrifað um mótmæli við lögreglustöðina við Hverfisgötu og viðbrögð lögreglu. Mér finnst undarlegt að lesa hjá sumum að það sé allt í lagi að brjóta upp hurðir og rúður á lögreglustöð. Flokkast það ekki undir brot gegn valdstjórninni. Heldur þetta fólk að vegna þess að það er reiði í samfélaginu þá sé allt í lagi að brjóta landslög.

Hvernig getur fólk verið hissa á að lögregla noti piparúða þegar nokkrir tugir brjóta sér inngöngu á lögreglustöðina. Held að þeir sem fara fyrir svona árásum á lögreglustöðvar megi gera ráð fyrir að fá gusu í andlitið. Lögleg mótmæli eru af hinu góða og eiga fullan rétt á sér. Svona skrílslæti varpa hins vegar skugga á þann fjölda sem mótmælir friðsamlega.

Húsbrot.....

Liðhlaupar !

Þessir tveir ráðherrar geta ekki átt langa setu eftir í ríkisstjórn. Bankamálaráðherrann verður að fara vegna þess að hann ber langmesta ábyrgð á bankahruninu. það eitt að hann segist ekki hafa vitað af stöðu mála fyrr en í ágúst segir allt um getu hans sem ráðherra. Hvernig í ósköpunum getur maðurinn haldið því fram að hann hafi ekki vitað hvað var að gerast.

Umhverfisráðherrann er og hefur verið vanhæf í flestum stórum málum sem hún hefur fjallað um. Yfirlýst stefna hennar á eftir að hafa mjög skaðleg áhrif á næstu árum nái hún fram að ganga. Það er nú ekki traustvekjandi fyrir forsætisráðherra að hafa svona liðleskjur í hópnum.

Farið hefur fé betra....

 

Ekki stefna aðgerðunum í hættu

Þá er að snúa sér að öðru.

Gott að þetta virðist vera að komast í höfn. Næsta sem forsætisráðherra þarf að gera er að upplýsa þjóðina um hvað á að gera við þessa peninga, hversu mikið komum við til með að þurfa að borga vegna Icesave. Það hefur komið fram að það er algert glapræði að ætla að nota þessa peninga til að styrkja handónýta krónu, og vonandi að stjórnvöld hlusti nú á ráðleggingar sérfræðinga.

Það sem forsætisráðherra þarf líka að gera nú er að hreinsa til á hinum ýmsu stöðum. Fólk vill sjá breytingar. Hann verður einnig að hlusta á þjóðina, og tala við þjóð'ina. Fólk verður að fá að vita hver staðan er.

Ný staða......

IMF samþykkir lán til Íslands

Bjarni setti ný viðmið í klaufaskap.

Framsóknarflokkurinn er liðónýtur og á ekkert eftir nema gefa upp öndina. Stærsta ástæðan eru illdeilur flokksmanna sjálfra í gegn um árin. Eina von þeirra fór út um þúfur þegar fyrrum formaður setti Jón Sigurðsson til valda. Hefðu framsóknarmenn borið gæfu til að velja Sif sem formann þá hefði staðan vafalaust verið önnur.

Búið spil.....

Bjarni setti ný viðmið með afsögn sinni

Það er verið að kúga okkur Geir !

Það er á hreinu að við látum ekki kúga okkur segir forsætisráðherra. Það er greinilegt að við fáum ekki þetta lán nema semja um Icesave fyrst. Forsætisráðherra hefur einnig sagt að við munum ekki ábyrgjast greiðslur vegna Icesave. Þá liggur það ljóst fyrir að við erum ekki að fara fá lán hjá IMF. Þá þarf að snúa sér að öðru.

Segum upp stjórnmálasambandi við þessar óvinveittu þjóðir, Breta, Hollendinga og Þjóðverja. Hættum að selja þeim fisk og snúum okkur að öðrum löndum. Setjum meiri kraft í að semja við Rússa og Kínverja. Ef það dugar þá getum við sagt okkur úr NATO líka. Það er orðið kýrskýrt að þessar þjóðir ætla ekki að hjálpa okkur og því eigum við ekkert að eiga við þær að sælda.

Á meðan þeir draga okkur á asnaeyrunum þá eru fólk og fyrirtæki á Íslandi að tapa stórum upphæðum á hverjum degi. Það er stóra verkefnið sem ríkisstjórnin verður að taka á og leysa ekki seinna en strax.

Tíminn er naumur......

 

 

Afgreiðslu umsóknar frestað

Vaknaðu Ingibjörg Sólrún.

Ef formaður Samfylkingarinnar sér ekki hvar viðskiptaráðherra hefur sofið á verðinum og hvaða ábyrgð hann ber þá er hún algerlega blind á ástandið í landinu. Það veit hvert mannsbarn að hann vissi fullkomlega um stöðu Icesave og það gerði öll ríkisstjórnin einnig. Það þýðir ekki hjá ykkur að vera í endalausri vörn. ástandið lagast ekki fyrr en tekið er á því. Að sjálfsögðu á forseti Alþýðusambandsins að hafa skoðun á þessu. Hann er fulltrúi fólksins eins og þið.

Björgvin ber mikla ábyrgð á þessu bankahruni, Hann er viðskiptaráðherra, og þó svo að hann hafi ekki verið það lengi  er ábyrgðin hans.  það versta í þessu öllu er að þrátt fyrir að hann og fjármálaeftirlitið væru á fullu að reyna að redda Icesave í Bretlandi þá var Landsbankanum leyft að stofna samskonar svikamillu í Hollandi. Það eitt eru næg rök fyrir því að hann segi af sér. Það sama á við um fjármálaráðherra. Þeir bera mestu ábyrgðina á þessu hruni.

Sterkur varnarleikur......

Vegið ómaklega að ráðherrum

Rýtingar framsóknarmanna.

Ég get ekki séð annað en að það sem sagt er í þessu bréfi um Valgerði sé dagsatt. Hlutverk hennar í einkavæðingu bankanna var stórt. Það sem er líka sagt í bréfinu um hvernig Halldór Ásgrímsson fór með flokkinn og skyldi hann svo eftir í rjúkandi rúst er líka nokkuð rétt lýsing á ástandinu í Framsóknarflokknum. Nú berst Guðni Ágústsson við að lemja saman þetta flak sem eftir er, og ekki verður þessi klaufaskapur Bjarna Harðarsonar til að létta honum það verk. Það er ljóst að rýtingarnir fljúga enn í framsóknarflokknum og það úr launsátri líka.

 

Heil og sæl Valgerður, Þú varst ögn önug út í okkur flokksbræður þína yfir því að við minntum á, í bréfi 9. okt. s.l.að í þinni ráðherratíð sem viðskiptaráðherra voru bankarnir einkavæddir.Það verður þó varla fram hjá því litið að á því ferli öllu berð þú mikla ábyrgð ásamt því regluverki sem bönkunum var ætlað að starfa eftir. Og minnast má þess að lengi vel var það stefna Framsóknarflokksins að selja ekki bankana og als ekki Símann og margir framsóknarmenn munu enn vera á þeirri skoðun.Nú er úti ævintýr og bankarnir komnir aftur í þjóðareign. Nauðsynlegt er að spyrja hvað hefur þjóðin haft upp úr sölu bankanna og hvað mun hún kosta hana? Fyrir einkavæðingu var þjóðin talin með ríkustu þjóðum í heimi. Þjóðartekjur á mann með því besta sem þekktist. Þegnarnir yfirleitt efnahagslega sjálfstæðir og lífskjör hvergi jafnari en hér á landi. Ofurlaun þekktust ekki. Hvernig er svo ástandið í dag, sem einkavæðingin skilur eftir? Allir bankarnir komnir í þrot. Af eljusemi og dugnaði höfðu þeir safnað erlendum skuldum er nema tólf til þrettán faldri ársframleiðslu þjóðarinnar. Allt sparifé okkar, sem var í vörslu þeirra var í uppnámi. Setja varð neyðarlög að næturlagi til þess að tryggja spariféð og eðlileg bankaviðskipti í landinu. Mörg hundruð miljarða skuldabaggi er lagður á íslenska þjóð. Okkur finnst því að þú mættir gjarnan hugleið hvaða áhrif þinn félagslegi og pólitíski framgangur hefur haft fyrir þjóðina og Framsóknarflokkinn. Og hvað um KEA og SÍS? Spyrja má hversu mikið landsbyggðin hefur liðið fyrir hrun Samvinnuhreyfingarinnar. Síður en svo ætlum við þér alla ábyrgð á einkavæðingunni og afleiðingum hennar þótt þú kæmir þar verulega við sögu og margir bera ábyrgð á þróun samvinnumála hér á landi. Framsóknarflokkurinn átti sinn góða þátt  í uppbyggingu þess samfélags, sem hér náði að þróast á öldinni sem leið. Það samfélag byggði á blönduðu hagkerfi, sem hafnaði öfgum kapitalisma, sem boðaði að markaðurinn ætti að ráða öllu í heimi hér, jafnt og alræðissósíalisma var hafnað.Með formensku Halldórs Ásgrímssonar hefst raunasaga Flokksins, sem endaði með fylgishruni. Halldór klifaði látlaust á því að breyta þyrfti stefnu Flokksins. Hann skipaði framtíðarnefnd. Jón Sigurðsson var ,, kallaður” til þess að hafa umsjón með þessari  stefnumótun, ásamt Sigurði Einarssyni og Bjarna Ármannssyni, sem afþakkaði reyndar þetta boð.  Í þessari nýju stefnu fólst m.a. þetta: 1.         Í stað þess að standa vörð um sjálfstæði Íslands og fullveldi átti að gangast undir ESB- valdið í Brussel. 2.         Í stað hins blandaða hagkerfis skyldi innleiða ,,frjálst” markaðshagkerfi líkt og í Bandaríkjunum og ESB. 3.         Ísland átti að verða ,,alþjóðleg” fjármálamiðstöð og skattaparadís.4.         Frjáls innflutningur á landbúnaðarvörum, átti að vera forsend þess að flokkurinn næði fylgi í þéttbýlinu. Allt var þetta í algjöri andstöðu við þau lífsviðhorf og gildismat þess fólks sem Flokkurinn sótti fylgi sitt til. Enginn studdi Halldór formann og þessa nýju stefnu af meiri alúð en þú, að okkur finnst. Þótt annar hver kjósandi hafi yfirgefið Flokkinn heldur þú áfram á braut, sem leiddi hrun yfir Flokkinn og hörmung yfir þjóðina. Ástandið hefði þó verið sínu verra ef vilji ykkar Halldórs og fyrirmæli um að leggja Íbúðarlánasjóð undir bankanna hefðu ekki verið hundsuð af ágætum flokksbræðrum okkar, Árna Magnússyni, Magnúsi Stefánssyni og Guðmundi Bjarnasyni. Enda nutu þeir, að við höldum, stuðnings annarra þingmanna Flokksins. Þú innleiddir tilskipun ESB um raforkumál, sem kostar fólkið í landinu hundruð miljóna á ári hverju. Og þú orðaðir það svo fallega að þetta gæti verið fyrsta skrefið í einkavæðingu orkugeirans.Og nú rekur þú áróður sem mest þú getur fyrir aðild að ESB og reynir að fiska málinu fylgi í gruggugu vatni svo ekki sé meira sagt. Því til viðbótar hefur þú og sumir af þínum  fylgismönnum talað niður gjaldmiðil hagkerfisins, nokkuð sem er mjög alvarlegt mál.Þá viljum við lýsa undrun og óánægju okkar yfir framgöngu þinni gagnvart sitjandi formanni Framsóknarflokksins. Við munum ekki annað eins.  Með framsóknarkveðju. Gunnar Oddsson Flatatungu 560 VarmahlíðSigtryggur Jón Björnsson Birkimel 11 560 Varmahlíð

 

Áframsendi gagnrýni á Valgerði

Hægri hroki og vinstri viska.

Ef tekið er mið af athugasemdum við bloggið hér á undan, þá er allt sem við Sjálfstæðismenn höfum að segja hroki. Ef aftur á móti vinstra liðið opnar munn þá vellur upp úr því tóm viska. Án þess að ég þurfi nokkuð að réttlæta skrif mín hér fyrir nokkrum þá ætla ég samt að gera það.

Sú frétt sem ég bloggaði um sýndi börn og unglinga halda á kröfuspjöldum og henda eggjum í alþingishúsið. Það er skríll og ekkert annað. Hvað varðar það fólk sem var að mótmæla á friðsaman hátt þá hef ég ekkert við það að athuga. Fólk hefur fullan rétt til að mótmæla því sem það telur að öðruvísi megi fara. Það gjaldfellir bara svo mikið málstaðinn þegar fámennur hópur tekur sig út úr eins og gerðist í gær.

Ég stórefa að það ágæta fólk sem kom með athugasemdir í gær um hroka minn geti sagt að það styðji að ráðist sé á lögreglumenn sem sinna skyldustörfum, eða að eggjum og jógúrti sé kastað í alþingishúsið. Svoleiðis aðgerðir gera ekkert nema auka á vandann sem við er að eiga.

Hvar eru foreldrarnir ?

Mér sýnist á þessum myndum að þetta séu mest krakkar sem hafa ekki einu sinni kosningarétt. Er þetta kannski sami skríllinn og var á pöllum ráðhússins. Lögreglan hlýtur að tala við þá sem standa fyrir þessari múgæsingu.

Varúð-Börn að leik.....

Eggjum kastað í Alþingishúsið

Hvernig má það vera ?

Pólverjar ákveða upp á sitt einsdæmi að lána Íslendingum 200 milljónir bandaríkjadala, og Íslenskir ráðamenn hafa ekki hugmynd um það. Hvers vegna þarf allt að vera svona rosalegt leyndarmál er viðkemur þessari efnahagskreppu. Erum það ekki við sem þurfum að taka á okkur þessar skuldir ?Það er lágmark að fólk sé upplýst um stöðu mála.

Ráðamenn þjóðarinnar eiga ekki að tala í hálfkveðnum vísum.

Feluleikur.....

Kannast ekki við pólskt lán