Til hvers er verið að hlúa að þessu liði.

Held að það ætti að leyfa þessum fávitum að hafa smá sviða í augunum fram eftir degi. Það er algerlega óþolandi að nokkrir fávitar skuli haga sér svona. Lögreglan hlýtur að taka þetta fólk og stinga því inn. Geri fastlega ráð fyrir að það verði í framhaldinu kært fyrir eignaspjöll og húsbrot.

Enn og aftur ná nokkrir bjánar að sverta málstað fólks sem mótmælir friðsamlega.

Óþolandi.....

Kryddsíld lokið vegna skemmdarverka

Hættum að styrkja björgunarsveitirnar segir Jón Magnússon.

Jón Magnússon þingflokksformaður Frjálslynda flokksins sendi björgunarsveitum landsins kaldar kveðjur í útvarpinu í morgun. Þar hvatti hann landsmenn til að kaupa ekki flugelda í ár. Hvað það er sem fær þingmanninn til að kippa fótunum undan helstu fjáröflun hjálparsveitanna, er mér hulin ráðgáta.

Björgunarsveitir á Íslandi að vinna frábært starf við leit og björgun, við hin verstu skilyrði oft á tíðum. Það þarf varla að taka það fram að það er allt unnið í sjálfboðavinnu. þess vegna hvet ég alla sem ráð hafa á að versla flugelda í ár, og styrkja áfram hjálparsveitirnar á landinu.

Kaldar nýárskveðjur......

Flugeldasalan hafin

Gleðileg Jól.

Aðventan og jólin nú í ár verða að mörgu leiti öðruvísi en undanfarin ár. Gríðarleg umskipti  í efnahagsmálum þjóðarinnar skila sér inn á heimilin. En hvað sem öllu krepputali líður þá koma jólin eftir sem áður. Jólin eru sá tími sem fjölskyldan kemur saman og  fagnar fæðingu frelsarans.

Í núverandi ástandi mun eflaust skipta enn meira máli en áður að eiga góðar stundir með fjölskyldu og vinum. Jólin þarf fólk að nota til að byggja sig upp fyrir komandi stundir. Hvergi er betra að gera það en í faðmi fjölskyldunnar. Við Íslendingar erum duglegt og harðgert fólk sem hefur búið lengi á þessu litla landi. Þessi stormur gengur yfir eins og allir aðrir, og við munum standa sterk á eftir.

Látum jólin snúast um að vera með börnunum, förum í messu og hlustum á fallegan söng, njótum jólaljósanna og hátíðleikans. Það þarf ekki digra sjóði til að eiga góðar stundir með sínum nánustu um jól og áramót. Tökum fagnandi á móti nýja árinu sem mun færa okkur jafn mörg tækifæri og hin fyrri.

 

Gleðileg Jól.....

Ályktun fulltrúaráðs sjálfstæðisfélaganna í Ísafjarðarbæ.

Fulltrúaráð sjálfstæðisfélaganna í Ísafjarðarbæ lýsir yfir stuðningi við þá ákvörðun miðstjórnar Sjálfstæðisflokksins að flýta landsfundi flokksins um hálft ár. Vegna gjörbreyttra aðstæðna í þjóðfélaginu er full þörf á að endurskoða stefnumálin varðandi efnahagslífið, gjaldeyrismál og stöðu Íslands gagnvart á alþjóðavettvangi.  

Fulltrúaráðið er sammála því að Evrópumálin verði skoðuð sérstaklega með starfrækslu sérstakrar Evrópunefndar en leggur um leið þunga áherslu á að allir möguleikar í erlendu samstarfi verði skoðaðir, ekki einungis möguleg innganga í Evrópusambandið. Allir möguleikar í myntsamstarfi eða einhliða upptöku myntar verði einnig skoðaðir ofan í kjölinn. Fulltrúaráðið furðar sig á því að enginn landsbyggðarmaður sé í hópi 14 verkstjóra málefnaflokka Evrópunefndarinnar. 

Þau tímabundnu vandamál sem þjóðin stendur frammi fyrir í efnahagsmálunum mega ekki verða til þess að hrapað verði að fljótfærnislegum ákvörðunum varðandi ein stærstu mál sem þjóðin stendur frammi fyrir.Sjálfstæðisstefnan hefur í áratugi verið burðarásinn í vegferð þjóðarinnar til bættra lífskjara og þrátt fyrir mikinn tímabundinn vanda í efnahagslífinu hefur sú vegferð verið farsæl og aukið frelsi Íslendinga til athafna.

Fulltrúaráð sjálfstæðisfélaganna í Ísafjarðarbæ leggur áherslu á að hagsmunir þjóðarinnar eru samofnir hagsmunum sjávarútvegarins og ráðstöfunarréttur þjóðarinnar yfir auðlindum sínum hlýtur að ráða því hvort til álita kemur að Ísland fari í aðildarviðræður við Evrópusambandið.

Fulltrúaráð sjálfstæðisfélaganna í Ísafjarðarbæ hvetur Geir H. Haarde formann Sjálfstæðisflokksins til að bregðast við hótunum ráðherra samstarfsflokksins í ríkisstjórn og boða frekar til alþingiskosninga, en að láta undan dulbúnum hótunum, þar sem reynt er að hafa áhrif á væntanlegar ályktanir næsta landsfundar Sjálfstæðisflokksins.

Ingólfur Þorleifsson, formaður stjórnar Fulltrúaráðs sjálfstæðisfélaganna í Ísafjarðarbæ.....

Fleiri en ein tillaga ef ekki næst samstaða

Hver stýrir manninum með hattinn.

Það er óhætt að segja að Reynir Traustason hafi fengið á kjaftinn í Kastljósinu í kvöld. Guttinn tók með sér upptökutæki á fundinn því að hann treysti ekki ritstjóranum. Þetta segir allt sem segja þarf um DV. Best af öllu er að þetta virðist verða til þess að þagga niður í Reyni, og þarf þó mikið til. Hann þorði ekki að koma í Kastljósið og standa fyrir máli sínu.

Þetta sannar það sem margir hafa haldið fram um ítök eiganda fjölmiðlanna. Það liggur ljóst fyrir að fréttir sem passa ekki við ímynd eigendanna eru ekki birtar. Held að sumir sem neituðu að samþykkja lög um eignarhald á fjölmiðlum þurfi að skoða hug sinn vel. Þau afglöp hans verða það eina sem hans verður minnst fyrir eftir að forsetatíð hans líkur.

Fjarstýrður ritstjóri......

Upptaka af útskýringum ritstjóra DV

Óþolandi afskiptasemi.

Hvað er formaður Samfylkingarinnar að skipta sér að innri málefnum sjálfstæðisflokksins og stefnumótun. Henni er velkomið að ganga í flokkinn ef hún vill hafa eitthvað um þetta að segja. Hvað varar svo Evrópudraum Ingibjargar þá er allt of margt sem þau geta ekki sagt til um. Ekki hafði nú varaformaðurinn hennar mikið að segja um hvernig Landbúnaður og sjávarútvegur fara út úr því að ganga í ESB. Einkennilegt hvað hún getur ekkert notað þennan varaformann sinn. Hann fékk ekki ráðherrastól. Og nú í veikindum hennar hefur Össur séð um allt saman. Hún hefur greinilega ekkert traust á varaformanninum.

það liggur fyrir að við fáum ekki neina sérmeðferð eða tilslakanir þó við sækjum um. Held að það væri vænlegra fyrir Ingibjörgu að hreinsa til í sínum eigin röðum, og vera ekki að skipta sér af stefnumálum annarra flokka.

Kjánalegt.....

Hafa ekki tíma fyrir truflun

Ég trúi á Jólasveina.

Össur er fjandi oft eins og óþekkur krakki, og þeir fá kartöflu í skóinn sinn. Mér verður ósjálfrátt hugsað til umhverfis og viðskiptaráðherra úr því að Samfylkingarfólk er farið að fá í skóinn. þau hljóta að fá heilan poka af kartöflum í sína skó.

Jóla hvað.....

Össur fær kartöflu frá Stekkjastaur

Eitt má Björgvin þó eiga.

Bankamálaráðherrann er ekkert að fara í launkofa með fávisku sína á málefnum er varða bankahrunið og eftirköst þess. Hann hreinlega veit ekkert hvað er að gerast í kring um hann. það er einkennilegt hvernig formaður Samfylkingarinnar virðist halda lykilmönnum fyrir utan allar ákvarðanir. Hún greinilega ber álíka mikið traust til viðskiptaráðherra og iðnaðarráðherra.

Ég veit ekki......

Björgvin vissi ekki um KPMG fyrr en í gær

Aktivistar.

Mjög málefnalegt unga fólkið sem ruddist inn og öskraði "drullið ykkur út". Þetta er fólkið sem kastar eggjunum og er með skrílslætin. Haukur Hilmarsson sem allt varð vitlaust útaf um daginn þegar hann var handtekinn, er einn af þeim sem þarna eru að verki. Held að það ætti að loka drenginn inni í þetta skiptið og leyfa honum að dúsa þar.

Mikið held ég að Álfheiður Ingadóttir alþingismaður og mótmælandi hafi verið glöð að sjá sitt fólk ryðjast inn í þinghúsið. Þetta er sami skríllinn og hún studdi við lögreglustöðina um daginn. merkilegt að fjölmiðlar skuli ekki fjalla meira um það að þingmaður taki þátt í að brjótast inn á lögreglustöð til að frelsa glæpamann.

Rugludallar.....

Mikill viðbúnaður við þinghúsið

Össur míglekur.

Ef að einhver hefur verið í vafa um hvaðan leki af ríkisstjórnarfundum er upprunnin þá er það komið í ljós. Össur er jafn lekur og gatasigti. Hann hefur allt frá fyrstu dögum samstarfsins verið tvöfaldur í roðinu. Óþarfi er að minna lesendur á fræga heimasíðu ráðherranns, hvar hann oftast um miðjar nætur sat í stjórnarandstöðu og páraði á lyklaborðið í myrkrinu. En þegar kallinn fór á lappir þá var það ríkisstjórnin sem átti hug hans allan.

Bla bla bla......

Bókunin frá Össuri komin