Sjálfstæði Kosovo-Sjálfstæði Suðureyrar.

Þar sem að ég er í þeirri aðstöðu að geta rætt um þetta við Serba sem leikur með KFÍ þá ætla ég að setja hér inn hvernig hann sér málið. Hann vill meina að Kosovo sé Serbneskt landsvæði þar sem Kosovo-Albanir settust að og lýsa svo yfir sjálfstæði.

Hann tók dæmi fyrir mig vegna þess að á Suðureyri hefur sest að töluverður fjöldi af Pólverjum. Hvað heldur þú að íslendingar segi ef einn góðan veðurdag gerist það að pólverjarnir lýsa yfir sjálfstæði Suðureyrar gegn vilja sumra íbúanna.

Hann segir að fólk í Serbíu muni aldrei viðurkenna sjálfstæði Kosovo, en það verði ekki stríð því að Serbar hafi hvorki ráð né vilja til að fara í annað stríð.

Vonandi að Srdjan Bozic hafi rétt fyrir sér hvað varðar stríðið.

Lausn verður að finnast.....

Íslendingar ætla að viðurkenna sjálfstæði Kosovo

Athugasemdir

[Helgi Kr. Sigmundsson, 29.2.2008 kl. 11:39]

Þetta eru meiri vandræðin þarna.  Mér fannst athyglisverð frétt á mbl (http://www.mbl.is/mm/frettir/innlent/2008/02/28/islendingar_aetla_ad_vidurkenna_sjalfstaedi_kosovo/) um að Íslendingar ætli að viðurkenna sjálfstæði Kosovo.  Þar kemur fram:

"Ráðuneytið segir, að hafa beri öryggi og stöðuleika á svæðinu að leiðarljósi, einkum í ljósi þeirra átaka og ofbeldisverka sem lagt hafi líf hundruða þúsunda í rúst. Í sjálfstæðisyfirlýsingu Kosovo felist skýr skuldbinding um að virða mannréttindi og rétt minnihlutahópa. Sé mikilvægt að sú skuldbinding verði virt."

Merkir það þá að Íslendingar muni endurskoða stuðning sinn við sjálfstæðisyfirlýsingu verði þessi skuldbinding ekki virt? 

Er hægt að skilyrða á einhvern hátt viðurkenningu á sjálfstæði? 

Hvað með aðrar þjóðir sem Íslendingar hafa viðurkennt sjálfstæðar og virða ekki mannréttindi og rétt minnihlutahópa?

[Andrés.si, 29.2.2008 kl. 12:51]

Ingólfur.

Það var rét hjá Srdjan Bozici, enda hef ég tekið  fram einmitt hér á blogginu fyrir víkum siðan.

[Gló Magnaða, 29.2.2008 kl. 13:21]

Sniðug samlíking. Manni finnst einhvern vegin alltaf sjálfsagt að allir fái sjálfstæði. En þetta fær mann til þess að líta öðruvísi á málið.

[Anna Margrét Magnúsdóttir, 29.2.2008 kl. 15:11]

Ég held að flestir Serbar séu síst sáttir við eigið ástand í heimalandinu en helsta mótstaða þeirra við sjálfstæði Kosovo er langt um flóknari en komið hefur fram í íslenskum og vestrænum fjölmiðlum. Reyndar held ég að von sé á fréttatilkynningu frá hópi Serba hér á landi um stöðu Kosovo sem kannski skýrir þeirra hlið öllu betur.

Slæm efnahagsstaða - mannréttindi lítil sem engin og ekki síður staða Kosovo sem einskonar millistaður smygls m.a. eiturlyfja og vopna frá Albaníu og áfram til Evrópu, er meðal þess sem mikið hefur verið rætt um. Lítil sem engin landsframleiðsla er til staðar. Svo virðist sem að treysta þurfi allan grunn svo hægt sé að  stofna sjálfstætt ríki. Reyndar hefur Kosovo nánast alla tíð verið það landsvæði í Serbíu sem miklum peningum hefur verið varið í til uppbygginar en virðist aldrei hafa skilað sér.  

Einnig má nú geta þess að höfuðstaður Serbíu var eitt sinn í Kosovo.  

Kveðja

Anna M.Magnúsdóttir "Dragojlovic"