Össur er spjátrungur.

Held nú að Össur ætti að hafa vit á því að vera ekki að gaspra meira. Maðurinn hefur verið yfirlýsingaglaður með afbrygðum undanfarið án þess að hafa samþykki samráðherra sinna fyrir því. Nægir þar að nefna hugsanlegt umhverfismat vegna olíuhreinsistöðvar á Vestfjörðum. En Össur sagði í þinginu um daginn að ekki kæmi til greina að ríkið borgaði fyrir slíkt mat. Það er hans skoðun, ekki ríkisstjórnarinnar.

Hvalveiðar eru nauðsynlegar til að halda þessum kvikindum í skefjum. Það er vitað hversu mikið hvalur étur af fiski.  

Verð nú að segja að Samfylkingin er farin að haga seglum sínum ansi mikið eftir vindi síðustu misseri.

Hentistefnuflokkur.....

Óánægja með hrefnuveiðar

Ruglukollar.

Það er nú ekki í allt í lagi í kollinum á þessu fólki. Eins og við höfum ekki heyrt þessa kveðju á hverju ári þegar hrefnukvóti hefur verið ákveðinn. Það á að veiða 500 hrefnur að lágmarki og hefja hvalveiðar í atvinnuskyni strax, áður en þessar risa skepnur verða búnar að éta allan fiskinn í sjónum.

Þá fyrst mun efnahagurinn og alþjóðlegi orðstírinn skaðast.

Grilluð hrefna er gómsæt.....

Gagnrýna væntanlegar hrefnuveiðar

Enn verður Magnús sér til skammar.

Ég var að horfa á Silfur Egils áðan og þar var Magnús Þór Hafsteinsson varaformaður Frjálslynda flokksins að ræða um flóttamennina frá Palestínu sem til stendur að flytji til Akraness. Þar segir Magnús að Akranesbær sé ekki nógu vel stæður til að taka á móti þessum hóp, og það séu fullt af fjölskyldum á staðnum nú þegar sem bíði aðstoðar en fái ekki.

Koma þessa hóps hefur ekki áhrif á aðra hópa sem bíða úrvinnslu í félagslega kerfinu á Akranesi. Ríkið leggur peninga með þessum hóp. Magnús nefndi sjálfur 120 milljónir, ekki veit ég hvort það er rétta talan. Ef tekið er mið af fyrri hópum flóttamanna sem hafa komið til landsins á undanförnum árum, þá er þessi hópur ekkert öðruvísi.

Magnús heldur því hins vegar fram að þessi hópur sé mjög frábrugðin og þurfi mikið meiri hjálp. Magnús segir sjálfur á bloggsíðu sinni "að þetta sé með því erfiðara og mest krefjandi sem hægt er að finna í heiminum í dag". Rauði krossinn og fólk í félagslega kerfinu er með mikla reynslu í þessum málum, og verður ekki í vandræðum með þetta fólk. Held ég verði að vera sammála Agli Helgasyni, en hann spurði Magnús hvort þetta væri ekki bara dulbúið útlendingahatur.

Miðað við málflutning hluta Frjálslynda flokksins fyrir síðustu kosningar þá er ekki skrítið að fólk áætli að svo sé. Hvað varðar Akranesbæ, þá er hann ekki á nokkurn hátt ófær um að taka að sér þennan hóp. Það mun tíminn leiða í ljós. En þessi málflutningur Magnúsar er honum til minkunar og allt tal hans um að þetta sé gert vegna þess að félagsmálayfirvöld á Akranesi valdi ekki verkefninu er yfirklór og ekkert annað.

Velkomin til Íslands......

Velkominn í hópinn frændi.

Mikið var nú ánægjulegt að hlusta á fréttirnar í hádeginu og heyra að Gísli Einarsson frændi minn og bæjarstjóri á Akranesi sé genginn í Sjálfstæðisflokkinn. Það er alltaf gott að fá nýja félaga í flokkinn og ekki skemmir fyrir þegar þeir búa yfir þeirri miklu reynslu sem Gísli býr yfir.

Best eru berin......

Sjálfstæðismenn með hreinan meirihluta á Akranesi

Opinn fundur með forsætisráðherra.

Opinn fundur með Geir H. Haarde, forsætisráðherra og formanni Sjálfstæðisflokksins og þingmönnum Sjálfstæðisflokksins í Norðvesturkjördæmis verður haldinn miðvikudaginn 14. maí í Stjórnsýsluhúsinu á Ísafirði kl. 20.30.

Forsætisráðherra og þingmenn munu halda erindi og ræða málefni Vestfjarða og landsins alls.

Einar Kristinn Guðfinnsson, landbúnaðar- og sjávarútvegsráðherra og Herdís Þórðardóttir, alþingismaður, boða til fundarins.

Allir velkomnir.

Þingmenn Sjálfstæðisflokksins í Norðvesturkjördæmi.

Gilzenegger er skýr strákur.

Írar skilja að Júróvisjón er skemmtikeppni en ekki söngvakeppni eins og hún var í gamla daga. Það eru bara gamlir bakraddasöngvarar eins og Guðrún Gunnarsdóttir sem taka þessa keppni alvarlega. Íslendingar eru því miður ekki ennþá búnir að fatta að þetta er grín. Annars hefðu þeir valið okkur.

Ekki hélt ég að ég ætti eftir að verða sammála Agli Gilzenegger Einarssyni, en þetta er eins og talað út úr mínu hjarta.

Jonny Logan my ase.......

                                                                           

Ég sem hélt að Jakob væri "með allt á hreinu".

Þetta er að verða hið áhugaverðasta mál allt saman. Formaður starfsmannafélags Reykjavíkurborgar hefur ekki komist í kaffi í allan morgun svo mikið hefur verið beðið um eiginhandaráritun frá Jakobi. Eða er ég að misskilja þetta eitthvað.

Varst þú að tala í símann Frímann......

Spurt um ráðningu Jakobs Frímanns

Frank Rijkaard er fáviti.

Það kom endanlega í ljós í kvöld að þessi maður er algjör fáviti. Honum hefur tekist á örfáum mánuðum að eyðileggja léttleikandi lið Barcelona. Það er ljóst að Eiður Smári verður ekki lengur hjá Barca og það tel ég vera hið besta mál. Ég vill sjá hann aftur í Ensku úrvalsdeildinni. Lið eins og Blackburn, Newcastle, Everton, Tottenham eða Aston Villa þar sem hann fær að spila reglulega er klárlega það sem hann þarf að gera. Hvað varðar framtíð Frank Rijkaard þá verður hann rekinn frá Barcelona strax eftir tímabilið og Jose Mourinho tekur við.

Hneyksli......

 

 

 

 

 

Eiður Smári útaf vegna meiðsla eftir 23 mínútur

Kynferðisleg áreitni.

Hvar liggja mörkin á milli þess að vera innilegur og faðma og kyssa þá sem maður umgengst eða áreita þá kynferðislega. Það er ekki nokkur vafi á að sú umræða og það hugrakka fólk sem komið hefur fram og sagt sögu sína hefur breytt hugarfari fólks þegar þessi mál eru annars vegar.

Það sem þótti ekki alvarlegt fyrir 20-30 árum getur þótt áreiti í dag. Það þótti ekki tiltöku mál að einhver klappaði á rassinn á einhverri eða öfugt, en í dag getur það verið stórmál. Nú hefur kunnur einstaklingur verið kærður fyrir að áreita stúlkur, en hann segist aðeins hafa faðmað þær að sér og kannski kysst á kinn.

Nú má fólk ekki taka þetta eins og ég sé að réttlæta áreiti eða misnotkun, alls ekki og mér finnst að herða eigi verulega viðurlög gegn mönnum sem misnota börn. En við skulum muna að engin er sekur fyrr en sekt er sönnuð. Kynni mín af þessum einstaklingi sem um ræðir eru öll af hinu góða.

Aðgát skal höfð í nærveru sálar.

Munum það......

Gúrkutíð hjá löggunni.

Er verið að setja menn í gæsluvarðhald vegna þess að þeir stálu úr nokkrum stöðumælum. Ef þetta væru Íslendingar væru þeir ekki í varðhaldi. Hver er kostnaðurinn við að hafa þessa menn í fæði og húsnæði á meðan löggan skoðar málið. Það átti bara að fara með þá suður á völl og senda þá úr landi og málið er dautt.

Hef ekki nokkra trú á að þessir menn séu borgunarmenn fyrir þeim skemmdum sem þeir ollu á stöðumælunum, og því langbest að senda þá úr landi strax.

Löggulíf.....

 

Gæsluvarðhald yfir stöðumælaþjófum staðfest