Flokkur í tætlum.

Ég er enn sannfærðari um að það sem Geir sagði er rétt. Þessi flokkur er í tætlum. Það verður gaman að fylgjast með framhaldinu á þessu máli. En hvað varðar Jón Baldvin þá hefur hann ekkert að gera aftur í pólitík.

Þinn tími er búinn......

Jón vill að Ingibjörg víki

Athugasemdir

[Fannar frá Rifi, 14.2.2009 kl. 19:04]

ég er á báðum áttum hvort að mér sé það illa við Samfylkinguna að ég vilji óska þeim að hafa Jón Baldvin sem formann.

[Jón Ingi Cæsarsson, 14.2.2009 kl. 23:10]

Í tætlum af því Jón Baldvin sé á egóflippi...    Þú er væntanlega  að grínast. Jón Baldvin hefur alltaf verið á egóflippi..

  Ætli tætlurnar séu ekki annarsstaðar þessa dagana... Geir Haarde þorði ekki...gat ekki og vildi ekki... það eru ástæður þess að upp úr slitnaði og það veistu vel hehe

[Guðjón Már Þorsteinsson, 15.2.2009 kl. 12:57]

Jón, þú ert á egóflippi sjálfur ef þú sérð ekki innri leiðindi og átök inna SF. Þessi flokkur hlýtur að þurfa að hlusta á allar raddirnar ekki satt ? Jón er og hefur verið maður sem hlustað er á innan flokksins allavegana þegar hægt er að nota hann og er búinn að vera í viðtölum síðan bankahrunið kom. Og SF hefur notað það sem hann hefur sagt óspart

Hvað varðar Geir þá var það ekki svo að hann gæti ekki og vildi ekki. Málið er það að SF dró lappirnar um að taka afstöðu vegna veikinda formanns síns um mikilvæg mál fyrir ríkisstjórnina og ekki gleyma því að SF fólkið sem var í ríkisstjórn sagði eitt og flokkur SF sagði annað síðustu mánuðina. Þetta spil SF að setja fram að Jóhanna yrði forsætisráðherra var aldrei á stefnu þessara flokka og gat aldrei verið samþykkt. Og eldhússamtal SF heima hjá Geir var eins og illa uppsett Shakespeare leikrit, en rítingurinn var samt fastur í baki Geirs í lokin.

Svona er lífið, ekki satt Jón ? Engin veit sína ævi fyrr en öll er :)

[Gló Magnaða, 16.2.2009 kl. 08:46]

BWAhahahah............. 

Gaui fyndinn..........  Þú ert aðdjóka er það ekki ???'

[Sigurður Jóhann Hafberg, 16.2.2009 kl. 13:27]

Sæll Ingólfur.

Ertu búinn að sjá bókun fræðslunefndar frá 15/2.

 kv Sig haf

Nefnd: Fræðslunefnd

Númer: 282

Tími: 20:00

Staður: Fundarsalur bæjarstjórnar í Stjórnsýsluhúsinu á Ísafirði.

Dagsetning: 15.2.2009

Fundargerð

Mætt voru: Einar Pétursson, Elías Oddsson, Kristín Hálfdánsdóttir, Gylfi Þór Gíslason og Jóna Benediktsdóttir.  Jafnframt mættu Kristín Ósk Jónasdóttir, grunnskólafulltrúi, Sigurlína Jónasdóttir, leikskólafulltrúi og Margrét Geirsdóttir, forstöðumaður Skóla- og fjölskylduskrifstofu sem ritaði fundargerð. 
 
Grunnskóla- og leikskólamál.
Mættir áheyrnarfulltrúar, Jóna Lind Karlsdóttir f.h. leikskólastjóra, Guðmundur Þorkelsson f.h. kennara og Þórdís Jensdóttir f.h. foreldra.  Jóhanna Ásgeirsdóttir skólastjóri boðaði forföll og mætti enginn í hennar stað.

1. Fjárhagsáætlun 2009.  2008-09-0008. 
Fjallað um fjárhagsáætlun Ísafjarðarbæjar fyrir árið 2009.  Gerðir voru útreikningar á ýmsum hugmyndum, í fjórtán liðum, um mögulega hagræðingu eða sparnað á fræðslusviði sem nefndin hefur kynnt sér og rætt.  Fræðslunefnd Ísafjarðarbæjar vísar hugmyndunum til bæjarráðs til ákvarðanatöku.

Fulltrúi foreldra í fræðslunefnd Ísafjarðarbæjar, Þórdís Jensdóttir,  lagði fram eftirfarandi bókun:  

Fulltrúi foreldra í fræðslunefnd vill taka fram að umræða um flutning efri bekkja GÖ og GS til Ísafjarðar hefur ekki farið fram milli foreldrafélaga grunnskólanna á svæðinu.
Hins vegar er kunn sú andstaða foreldra sem verið hefur við fyrri hugmyndir um sameiningu efri bekkja skólanna.
Verði af þessum flutningi nemenda til Ísafjarðar er ljóst að það mun valda röskun á högum nemenda GÖ og GS.  Skal þess því gætt að fullt samráð verði haft við foreldrafélög viðkomandi skóla um öll þau atriði sem lúta að þessari sameiningu.

Fleira ekki gert, fundargerð upp lesin og samþykkt. Fundi slitið kl. 21:05

Einar Pétursson, formaður.
Elías Oddsson, varaformaður.
Jóna Benediktsdóttir.
Kristín Hálfdánsdóttir.
Gylfi Þór Gíslason.
Kristín Ósk Jónasdóttir, grunnsk.f.
Sigurlína Jónasdóttir, leiksk.f.
Margrét Geirsdóttir, forstöðum.Skóla- og fjölsk.skr. 

[Ingólfur H Þorleifsson, 16.2.2009 kl. 14:08]

Sæll Siggi.

 Ekki það að ég sjái hvað þetta kemur færslu minni við, en mér var kunnugt um þessar hugmyndir. Þú veist væntanlega að skera þarf niður um 206 milljónir hjá Ísafjarðarbæ í ár. Þar af er helmingurinn hjá Skóla og fjölskyldusviði. Þannig að það er allt undir sama hvernig okkur kann að finnast það.