hvers vegna virkar jafnrétti bara á annan vegin ?

Þetta fer nú að verða svolítið þreytandi umræða. Það þurfa alltaf að vera konur til jafns við karla í öllu. Málið er bara að konur gefa sig ekki eins mikið að félagsstörfum og pólitík og karlmenn og það breytist ekkert þó að femínistar séu að afhenda bleika steina. Það er löngu vitað að konur eru ekkert síður hæfar en karlar í flest öllu, en það þarf að virkja þær betur í að taka þátt. Karlmenn eru ekki í veginum fyrir því. Launamunur á heldur ekki að vera á milli kynjanna, ef einstaklingur er hæfur skiptir ekki máli hvernig kynfæri hann er með. Ef að tveir einstaklingar sækja um starf og eru jafnhæf, hvers vegna á konan að ganga fyrir ? Ég man ekki eftir atviki þar sem karlmaður kærir vegna þess, aftur á móti eru fjölmörg dæmi um hið gagnstæða.

Konur til hamingju með daginn.....

 

Níu þingmenn Norðvesturkjördæmis fengu bleika steina

Athugasemdir

[Karl Jónsson, 19.6.2007 kl. 14:07]

Við þekkjum það úr íþróttahreyfingunni að þar hefur borið á því að stúlkur og drengir sitji ekki við sama borð. Þetta á einkum við þegar kemur að þátttöku í mótum að þá kemur það fyrir að strákar fái að fara á fleiri mót en stelpur, þetta snýst um æfingatíma og æfingaaðstöðu sem stundum hefur verið verri hjá stúlkum, gæðum þjálfunar hefur stundum verið misskipt þar sem betri þjálfarar hafa verið látnir þjálfa drengi en stúlkur.

Held reyndar að þessi hugsunarháttur sé á undanhaldi en því miður ber enn á þessu.