Falleinkun á ríkisstjórnina.

Og einnig sannar þetta það sem stjórnarandstaðan hefur haldið fram að þessi Icesave samningur er handónýtur, og hlýtur að verða felldur í þinginu. Það verður gaman að sjá viðbrögð forystumanna ríkisstjórnarinnar við þessari  grein hjá Evu Joly. Steingrímur og Jóhanna hafa haldið fram að við séum borgunarmenn fyrir þessu.

Því miður held ég að svo sé ekki. Nú er komið á daginn að ESB mun ekki hjálpa okkur á nokkurn hátt. Framkoma þeirra sem þar fara fremstir í okkar garð sannar það. Hvernig væri að ríkisstjórnin færi að sjá stöðuna í réttu ljósi.

Ísland allt í skorum.....

Stöndum ekki undir skuldabyrði

Greyið skinnið.

Einhvern veginn er manni nákvæmlega sama. Þessi maður er ekki að fara lepja dauðann úr skel eins og fjöldinn allur af fólki. Það er sjálfsögð krafa að allir þessir fjárglæframenn verði gerðir gjaldþrota og það sem finnst af eignum þeirra fari í þá botnlausu hít sem þeir skilja þjóðina eftir með.

Engin vorkun......

Björgólfur gjaldþrota

Ég sem hélt að okkar bæjarstjóri væri hæstur.

Það eru nú ófá skiptin sem maður hefur fengið að heyra það að laun bæjastjóra Ísafjarðarbæjar væru þau hæstu á landinu. Ekki það að ég vissi ekki hið rétta, en þetta fær kannski fólk til að hugsa áður en það talar. Þetta staðfestir að laun hans eru UNDIR milljón á mánuði.

Þar höfum við það.....

Bæjarstjóri Seltjarnarness hæstur

ÍÍÍHA. Nú verður gaman að horfa á þetta aftur.

Þessi maður er náttúrulega bara snillingur og engin kemst með tærnar þar sem hann hefur hælana. Formúlan hefur verið hálf litlaus eftir að Schumi fór á eftirlaun.

The king is back.....

Schumacher keppir í stað Massa í Valencia

Gróft ofbeldi Breta.

Íslendingar geta einungis leitað til breskra dómstóla komi upp ágreiningur í tengslum Icesave samkomulagið. Bretar geta hins vegar leitað til hvaða dómsstóls sem er. Hvernig geta svo ráðamenn haldið því fram að þetta sé góður samningur. Skjali þar sem þetta kemur fram var haldið leyndu og merkt sem trúnaðarmál í gögnum sem varða uppgjörssamning á milli íslenska og breska innistæðutryggingasjóðsins.

Þegar maður sér fleiri og fleiri dæmi um hvernig Bretar og hinar þjóðirnar kúga og þvinga íslensk stjórnvöld í þessum málum þá verður maður enn harðari á móti þessari ríkisábyrgð á Icesave.

Segum nei við ríkisábyrgð á Icesave......

Brýnt að leysa Icesave-deilu

Steingrímur í þumalskrúfu AGS.

Þeir ætla ekki að gera neitt fyrir okkur fyrr en við höfum beygt okkur undir allar þeirra kröfur. Það verður skírara með hverjum deginum. Kannski væri best hjá Steingrími að gera eins og hann sagði fyrr í vetur, að skila peningunum.

Ef að satt reynist að meira að segja hugleysingjarnir í Samfylkingarliðinu séu að hugsa um að samþykkja ekki Icesave nema með fyrirvara þá verður þetta aldrei samþykkt. VG þingmennirnir geta ekki látið kúga sig endalaust til fylgilags við galnar hugdettur Jóhönnu og Össurar.

Pólitískur vindhani.......

Bagalegt ef fyrirtaka AGS tefst

Össur leggur upp í sneypuför.

Snillingurinn Þorbjörn Víglundsson í Vestmannaeyjum náði þessari mynd af Össuri þegar hann hélt af stað til að leggjast flatur fyrir ráðherraslektinu í Brussel.

Gleðilega þjóðhátíð......

Össur: „Diplómatískur sigur“

Smá vitglóra eftir í karlinum.

Þó að maður öllu jöfnu botni ekkert í Jóni Bjarnasyni þá er þetta rétt ályktað hjá honum. Íslendingar eru ekki í neinni aðstöðu til að semja við kúgara sína nú um stundir. Samfylkingin hefur lengi haft það á stefnuskrá sinni að gefa eftir sjálfstæðið til ESB. Þingmenn hennar hafa lagt sig öll fram um að sannfæra fólk um að það sé eina lausnin á okkar vandamálum. Við vitum þó betur með hverjum deginum sem líður að svo er ekki.

Það voru því margir sem lögðu traust sitt á VG í síðustu kosningum vegna andstöðu þeirra við ESB aðild. Það var röng ákvörðun. Valdagræðgi Steingríms Joð og félaga er slík að þeir myndu selja sál sína fyrir sæti á ríkisstjórnarbekknum. Þar var Jón Bjarnason undanskilinn ásamt félögum sínum úr NV-kjördæmi og Atla Gíslasyni.. Það dugar bara ekki til því að þungavigtarfólk í flokknum hefur þau auðveldlega undir. Samherjar Steingríms í NA-kjördæmi hafa sagt hann ómerking orða sinna og þar fram eftir götunum.

Eini ljósi punkturinn er sá að dagar þessarar ríkisstjórnar eru senn taldir. Slík er sundrungin og ósamstaðan í liðinu.

Gott hjá Hóla Jóni......

Vill fresta umsóknarferli ESB

Kuldaboli minnir á sig.

Eftir tíu daga í sól og 20 stiga hita í Grímsnesinu þá er ansi kalt núna. 4 gráður og grátt í fjallatoppum. Ég stóð í þeirri meiningu að það væri júlí en hvað um það. Það er gott að þetta komi núna en ekki um verslunarmannahelgina, þegar allir fara af stað nema innipúkarnir.

Veðrið er undarlegt í Íslandi......

Þá er að leggjast út.

Í kvöld þegar frábærri Sæluhelgi líkur er stefnan sett suður á land í útilegu.  Vonandi að veðrið verði svipað og það hefur verið undanfarnar vikur. Því mun því eitthvað lítið gerast á þessari vakt næstu vikurnar.

Kveðja.....