Skynsamlegt að hlusta á stjórnarandstöðuna.

Það var nú ekki svo lítið bent á það að Svavar væri ekki hæfur í þetta stóra verkefni. Það er dýrt að ætla að sjá eftir því núna. Þessi vita gagnslausa ríkisstjórn sem nú hefur setið einu ári of lengi hefur slegið á útréttar hendur stjórnarandstöðunnar. Þar á bæ hafa menn komið með hugmyndir og tillögur en forkólfar ríkisstjórnarinnar hafa ekki viljað hlusta.

Nú líður varla sá dagur að ekki komi eitthvað fram sem styrkir það sem stjórnarandstaðan hefur sagt. Miðað við þessi ummæli Jóhönnu þá er ríkisstjórnin að sjá þetta líka, og ekki seinna vænna.

Ég hef sagt það áður og stend við það,  ástandið hefur snarversnað síðasta árið og á enn eftir að versna ef fólki ber ekki gæfa til að koma sér saman um þá leið sem er best fyrir þjóðina.

Þjóðin krefst nýrra samninga......

 

Skynsamlegt að fá erlendan samningamann

Útvarp Reykjavík útvarp Reykjavík

Hver kannast ekki við þessi orð úr útvarpi allra landsmanna RUV. Nú hefur í annað sinn á stuttum tíma verið skorið hraustlega niður á þeirri ágætu stofnun og fjölda fólks sagt upp. Enn og aftur verður það raunin að  starfssemi á landsbyggðinni verður fyrir barðinu á niðurskurðarhnífnum. Svæðisstöðvar RUV hafa verið að festa sig í sessi undanfarin ár, og eru orðin ómissandi hluti af menningu landsbyggðarinnar og því algerlega óboðlegt að þau séu svo til skorin af á einu augabragði eins og sumir þingmenn Samfylkingarinnar myndu orða það á góðum degi.

Það stefnir því allt í að helstu verkefni okkar á landsbyggðinni næstu árin verði að standa vörð um þau verkefni sem þó hafa náðst út úr höfuðborginni. Á undanförnum árum hefur verið unnið ötullega að því hér heima í héraði að fá opinber störf vestur. Sveitarstjórnarfólk hefur lagt á sig mikla vinnu við að fá hingað verkefni og því blóðugt að þessi störf skuli iðulega verða fyrst fyrir barðinu á niðurskurðarhnífnum fræga.

Hverju munum við eiga von á í framtíðinni. Verður það sýslumaðurinn næst eða kannski presturinn. Mun Menntaskólinn verða rekinn frá Reykjavík, eða kannski lagður af. Nú reynir á samstöðu okkar á landsbyggðinni ef ekki á að glatast margra ára vinna. Þeir sem ákveða niðurskurðinn hafa í fæstum tilfellum hugmynd um hversu áhrifin eru mikil á litlum stöðum. Það munar um hvert stöðugildi.

Útvarp Vestfirðir......

Komum saman í verkefni

Í þeim bæ sem ég vil búa í í framtíðinni þurfa að vera þau skilyrði sem fá fólk til að una sátt við sitt. Til að svo verði þarf fólk að geta alið upp börnin sín, komið þeim til mennta og starfa heima í héraði. Við höfum í dag öfluga leikskóla, grunnskóla og tónlistarskóla í öllum byggðakjörnum bæjarins og þannig vill ég sjá það áfram. Menntaskólinn er orðin öflug og rótgróin stofnun sem fyrir löngu hefur sannað tilverurétt sinn. Háskólasetur Vestfjarða er svo frábær viðbót sem er að vaxa og mun vonandi verða öflugur háskóli í framtíðinni.

Fólk þarf að hafa atvinnu til að það geti verið hér áfram. Við eigum hér í Ísafjarðarbæ öflug fyrirtæki sem eru að gera mjög góða hluti. Fái þau að gera það áfram án afskipta ríkisvaldsins í formi skattahækkana, fyrninga á tekjumöguleikum eða annarra tilskipana þá óttast ég ekki framtíð þeirra. Fjölmörg tækifæri eru fyrirsjáanleg á næstu árum í ferðaþjónustu og þar eru Vestfirðir í sérstöðu. Í okkar fallega landshluta eru margir athyglisverðir hlutir að gerast. Fólk er uppfullt af hugmyndum og krafti, og oft þarf ekki mikla hjálp frá yfirvöldum til að koma góðum hugmyndum í framkvæmd.

Fólk þarf líka að hafa afþreyingu og áhugamál til að una sátt við sitt. Í Ísafjarðarbæ eru fjölmörg tækifæri til íþróttaiðkunar og útivistar. Mjög öflugt barna og unglingastarf er rekið í íþróttafélögum bæjarins. Þar er hægt að velja um hinar ýmsu greinar fyrir börnin okkar til að stunda. Skíðasvæðið er eitt það glæsilegasta í Evrópu og hefur vakið athygli víða. Tveir frábærir golfvellir eru í bænum og fjöldi fólks sem stundar þá skemmtilegu íþrótt. Göngustígur úr Holtahverfi og út í bæ er mikið notaður, og nú er stutt í að göngustígur út í Hnífsdal verði að veruleika. Sundlaugar, sparkvellir og Íþróttahús eru í öllum byggðakjörnum bæjarins. Bæjaryfirvöld hafa komið myndarlega að þessum málaflokki á undanförnum árum, og eiga að gera svo áfram.

Ísafjarðarbær er sveitarfélag sem á mikla möguleika á næstu árum. Fólk er farið að flytja heim aftur og kemur með aukinn kraft inn á svæðið. Leyfum þessum krafti að taka okkur inn í framtíðina og látum hann skapa okkur ný tækifæri til að vaxa og dafna. Verum óhrædd við að skoða nýjar hugmyndir og fara ótroðnar slóðir. Með opnum huga og jákvæðni getur fólk gert ótrúlega hluti.

Hlutverk bæjarfulltrúa á að vera það að vinna fyrir fólkið í bænum. Við eigum að kappkosta að reka bæinn og stofnanir hans á sem hagkvæmastan hátt, en veita áfram bestu þjónustu til íbúanna. Allir íbúar eiga að vera jafnir óháð búsetu. Stjórnsýslan á að vera opin og gagnsæ. Bæjarfulltrúar og helstu stjórnendur bæjarins eiga að vera aðgengilegir fyrir íbúana til að koma sínum hugmyndum á framfæri.

Komum saman í það verkefni kjósandi góður að gera bæinn okkar að þeim besta á landinu hvað lífsgæði varðar. Látum verkin tala og vekjum athygli út fyrir héraðið. Ég er tilbúinn í þá vinnu með ykkur.

Þess vegna óska ég eftir ykkar stuðningi í 2. sætið í prófkjöri sjálfstæðismanna 13 febrúar n.k.

Ingólfur Þorleifsson.

Grein á bb.is....

Hvert vill ég stefna.

Í þeim bæ sem ég vil búa í í framtíðinni þurfa að vera þau skilyrði sem fá fólk til að una sátt við sitt. Til að svo verði þarf fólk að geta alið upp börnin sín, komið þeim til mennta og starfa heima í héraði. Við höfum í dag öfluga leikskóla, grunnskóla og tónlistarskóla í öllum byggðakjörnum bæjarins og þannig vill ég sjá það áfram. Menntaskólinn er orðin öflug og rótgróin stofnun sem fyrir löngu hefur sannað tilverurétt sinn. Háskólasetur Vestfjarða er svo frábær viðbót sem er að vaxa og mun vonandi verða öflugur háskóli í framtíðinni.

Fólk þarf að hafa atvinnu til að það geti verið hér áfram. Við eigum hér í Ísafjarðarbæ öflug fyrirtæki sem eru að gera mjög góða hluti. Fái þau að gera það áfram án afskipta ríkisvaldsins í formi skattahækkana, fyrninga á tekjumöguleikum eða annarra tilskipana þá óttast ég ekki framtíð þeirra.  Fjölmörg tækifæri eru fyrirsjáanleg á næstu árum í ferðamennsku og þar eru Vestfirðir í sérstöðu. Í okkar fallega landshluta eru margir athyglisverðir hlutir að gerast. Fólk er uppfullt af hugmyndum og krafti, og oft þarf ekki mikla hjálp frá yfirvöldum til að koma góðum hugmyndum í framkvæmd.

Fólk þarf líka að hafa afþreyingu og áhugamál til að una sátt við sitt. Í Ísafjarðarbæ eru fjölmörg tækifæri til íþróttaiðkunar og útivistar. Mjög öflugt barna og unglingastarf er rekið í íþróttafélögum bæjarins. Þar er hægt að velja um hinar ýmsu greinar fyrir börnin okkar til að stunda. Skíðasvæðið er eitt það glæsilegasta í Evrópu og hefur vakið athygli víða. Tveir frábærir golfvellir eru í bænum og fjöldi fólks sem stundar þá skemmtilegu íþrótt. Göngustígur úr Holtahverfi og út í bæ er mikið notaður, og nú er stutt í að göngustígur út í Hnífsdal verði að veruleika. Sundlaugar, sparkvellir og Íþróttahús eru í öllum byggðakjörnum bæjarins. Bæjaryfirvöld hafa komið myndarlega að þessum málaflokki á undanförnum árum, og á að gera svo áfram.

Ísafjarðarbær er sveitarfélag sem á mikla möguleika á næstu árum. Fólk er farið að flytja heim aftur og kemur með aukinn kraft inn á svæðið. Leyfum þessum krafti að taka okkur inn í framtíðina og látum hann skapa okkur ný tækifæri til að vaxa og dafna. Verum óhrædd við að skoða nýjar hugmyndir og fara ótroðnar slóðir. Með opnum huga og jákvæðni getur fólk gert ótrúlega hluti.

Hlutverk bæjarfulltrúa á að vera það að vinna fyrir fólkið í bænum. Við eigum að kappkosta að reka bæinn og stofnanir hans á sem hagkvæmastan hátt, en veita áfram bestu þjónustu til íbúanna. Allir íbúar eiga að vera jafnir óháð búsetu. Stjórnsýslan á að vera opin og gagnsæ. Bæjarfulltrúar og helstu stjórnendur bæjarins eiga að vera aðgengilegir fyrir íbúana til að koma sínum hugmyndum á framfæri. 

Komum saman í það verkefni kjósandi góður að gera bæinn okkar að þeim besta á landinu hvað lífsgæði varðar.

Kjósum Ingólf í 2. sætið í prófkjöri sjálfstæðismanna 13 febrúar n.k.

 

 

Því er hatrið svona mikið.

Nú síðustu daga hefur varaformaður sjávarútvegsnefndar Alþingis ritað greinar í Fréttablaðið þar sem hún fer mikinn í að færa rök fyrir fyrningaleið Samfylkingarinnar. Helst dregur hún fram þau rök að skuldir sjávarútvegsfyrirtækja séu svo miklar að eitthvað verði að gera. Það er nú rétt að taka það fram að skuldirnar eru í erlendri mynt að stórum hluta og hafa því hækkað gríðarlega frá hruni bankanna haustið 2008. þingmaðurinn sér ekki ástæðu til að tala um það í sinni grein, enda hentar það illa í áróðrinum. Einnig er rétt að taka fram að ekki hefur staða erlendra lána lagast mikið þann tíma sem ríkisstjórn Samfylkingar og VG hefur verið við völd þrátt fyrir fögur fyrirheit.

En það sem ég spyr mig að er hvers vegna er hatur varaformannsins á núverandi útgerðaraðilum svona mikið ? Skrif hennar og tal allt frá því að hún komst á Alþingi hefur verið þannig að eitthvað hlýtur að standa að baki. Henni er tíðrætt um gjafir og góss. Þingmaðurinn veit væntanlega að áður en kvótakerfið var sett á máttu útgerðir veiða eins mikið og þær vildu og því var þessi svokallaða gjöf öllu heldur skerðing. 

Ég verð nú að segja að á meðan Ólína Þorvarðardóttir er helsti talsmaður ríkisstjórnarinnar í sjávarútvegsmálum þá sé ég enga sátt í sjónmáli um nýjar leiðir eða breytingar til batnaðar.  Aðilar í sjávarútvegi eru ekki glæpamenn, þeir eru ekki þjófar og þeir eru ekki vitleysingar. Því fyrr sem stjórnvöld átta sig á því,  því betra.

Hvað ræður för......

Bærinn okkar allra.

Við sem sækjumst eftir að sitja í næstu  bæjarstjórn Ísafjarðarbæjar þurfum væntanlega að taka á mörgum mis skemmtilegum málum ef við náum kjöri. Þar eru sum mál stærri og mikilvægari en önnur. Ísafjarðarbær hefur á undanförnum árum verið vel rekinn, og þrátt fyrir erfiða rekstrareiningu í þessu dreifða sveitarfélagi þá er árangurinn athyglisverður. Á næstu árum má ekki slaka á í fjármálum sveitarfélagsins, og í einhverjum tilfellum verður að herða ólina.

Eitt verður þó að hafa í huga og það er að bærinn saman stendur af fjórum byggðakjörnum sem allir verða að sitja við sama borð þegar kemur að þjónustu við  íbúana. Slík rekstrareining verður aldrei auðveld í rekstri. Ísafjarðarbær hefur rekið skóla, leikskóla, sundlaugar og íþróttahús á öllum stöðum. Sú starfssemi er nauðsynleg í öllum bæjum og allt tal um að skerða þessa þjónustu fellur í grýttan jarðveg. Það er eðlilegt að fólk verji það sem það hefur, en óttinn við hið óþekkta er oftast ástæðan fyrir því að fólk bregst illa við hugmyndum um sparnað. Ef yfirvöld kynna hugmyndir sínar fyrir íbúum áður en þær komast á framkvæmdarstig er líklegra að sátt náist um hluti sem óhjákvæmilegt er að fara í. Þess vegna er íbúalýðræði mikilvægt í framtíðinni. Fólk verður að hafa aðgang að bæjarfulltrúum og lykilstarfsmönnum bæjarins til að koma sínum hugmyndum á framfæri.

Á síðustu árum hefur uppbygging háskólaseturs Vestfjarða orðið til þess að fjöldi fólks hefur getað stundað nám sitt heima. Það er mjög mikilvægt fyrir bæjaryfirvöld að standa þétt við bakið á þeirri starfssemi sem þar er svo hún vaxi og dafni. Mikilvægt er að fá fleiri námsleiðir inn á svæðið svo fólk flytji til Ísafjarðarbæjar til að mennta sig. Það hlýtur að vera baráttumál okkar allra að börnin okkar geti lært og lifað hér fyrir vestan.

Bæjaryfirvöld þurfa sífellt að hafa augun opin fyrir tækifærum til að fá ný fyrirtæki inn á svæðið. En þau verða líka að hlúa að þeim sem eru á svæðinu nú þegar. Berjast verður hart gegn þeim hugmyndum stjórnvalda að kippa fótum undan okkar stærstu fyrirtækjum með því að fyrna tekjumöguleika þeirra, en skilja þau eftir með skuldirnar. Fólk sem ber hag bæjarins okkar fyrir brjósti styður ekki flokka sem hafa slík mál á stefnuskránni.

Ingólfur sækist eftir 2. sætinu í prófkjöri sjálfstæðismanna í Ísafjarðarbæ 13 febrúar n.k.

Ingólf í 2 sæti......

 

Sameinaðir stöndum vér

Verð að lýsa yfir ánægju minni með að formenn stjórnmálaflokkanna séu að sjá útúr Icesave þokunni. Þetta skref ef af verður er fyrsti vísirinn af góðum endi á þessari deilu. Ég hef sagt að þingmenn þjóðarinnar skuldi kjósendum sínum að slíðra hin pólitísku sverð og finna bestu niðurstöðuna fyrir íslendinga.

Við erum mikið sterkari útá við sem ein heild, en sem margir flokkar sem rífast og þrátta um þetta mikilvæga mál.

Prik fyrir formennina......

Þverpólitísk nefnd um Icesave

Glæsilegur samningur !!!!

Ef að fólk er enn í vafa um hve afglöp ríkisstjórnarinnar eru mikil í þessu máli, þá er það vegna þess að fólk er ekki að kynna sér málið á nokkurn hátt. Sá glæsilegi samningur sem Svavar Gestsson og félagar komu með heim úr sinni sneypuför og fjármálaráðherra dásamaði á Alþingi er eftir allt saman afleitur. Samt á að troða honum upp á þjóðina og skerða lífskjör hennar næstu áratugina.

Vísbendingar um að málflutningur stjórnarandstöðunnar í Icesave málinu hafi verið réttur birtast  nú daglega um alla Evrópu. Sjálfstæðismenn hafa allt frá upphafi málsins bent á að alls engar lagalegar ástæður séu til að Íslenska þjóðin bæti Bretum og Hollendingum þessar upphæðir.

Nú kemur Alain Lipietz fram og segir að Bretar og Hollendingar vilji ekki fara dómstólaleiðina vegna þess að þeir hafi veikan málstað að verja. Alain er þingmaður Evrópuþingsins og kom að gerð tilskipunar um ábyrgð heimaríkis á bönkum.

Það sem stendur því uppúr er að Íslendingum er meinað að leita réttar síns fyrir dómsstólum. Það er vegna þess að Bretar og Hollendingar óttast að tapa málinu. Þar liggur kúgun þeirra gagnvart réttarríkinu Íslandi.

Er ekki kominn tími til að ríkisstjórnin viðurkenni mistök sín og gangi ásamt stjórnarandstöðunni til nýrra samninga við nýlenduherrana og klári málið, Íslenskri þjóð til heilla.

Okkur ber ekki að borga þessar upphæðir.....

Lipietz: Veikur málstaður

Hvernig væri nú að fylgja þessu eftir.

Þarna er góður útgangspunktur fyrir Íslensk stjórnvöld til að vinna útfrá. Það þarf að koma Bretum og Hollendingum í skilning um að þeir geti ekki kúgað litla þjóð í áralanga fátækt. Það hefur komið fram áður að þessi lönd hefðu aldrei tekið á sig skuldirnar ef þetta hefði gerst hjá þeim.

Það er svakalegt að pólitísk pissukeppni skuli vera það sem öllu ræður í þessu máli bæði hér heima og í Bretlandi. Kosningar í Bretlandi ráða alfarið framkomu breskra stjórnvalda gagnvart Íslendingum. Hér heima er það hinsvegar uppsafnað hatur og hefnd sem ræður mestu um að engin sátt næst á milli hægri og vinstri flokkanna. Vinstri menn verða að brjóta odd af oflæti sínu og hlusta á stjórnarandstöðuna.

Íslenskir stjórnmálamenn skulda þjóðinni að koma upp úr skotgröfunum og leysa þetta mál farsællega og á sem ásættanlegastan hátt fyrir íslenska þjóð.

Ef þeir treysta sér ekki til að gera það eiga þeir að fara frá, og hleypa fólki að sem getur náð sátt milli þings og þjóðar.

Sátt verður að nást við þjóðina......

Ekki setja Ísland í skuldafangelsi

Össi litli er hræddur við vondu kallana.

Hverslags eiginlega er þetta með þennan blessaða utanríkisráðherra sem við eigum. Ef þetta eru viðbrögðin hjá honum í öllu málinu þá er ekki skrýtið að niðurstaðan hefi ekki verið betri. Það er sorglegt að þeir sem fara með okkar mál virðast lyppast niður á hnén við minnstu mótstöðu og skjálfa eins og hríslur.

Hvernig væri Össur að þú opnaðir á þér kjaftinn núna eins og svo oft áður og reyndir að útskýra okkar hlið á málinu. Það fer þér engan veginn að vera undirlægja. Þú gætir í það minnsta reynt að bera þig mannalega og boðið þeim í nefið.

Þjóðin ræður, ekki Bretar og Hollendingar.....

 

Íslendingar í vondum málum