Vitað mál að þetta yrði svona.

Nú hefur heil vika farið í að funda yfir kaffibolla. Ef að fólk heldur að þetta breytist eitthvað þá er það tálsýn. Framsóknarflokkurinn er með vinstri flokkanna í hundaól og kippir í þegar honum sýnist svo. Minnihlutastjórn er það versta sem bauðst. Ef að þessir flokkar ná saman þá mun ekkert liggja eftir þá eftir 100 daga.

Framsókn segir stopp......

Ný ríkisstjórn eftir helgi

Jarðfræðingur í fjármálaráðuneytið ?

Efast ekki um að Gylfi er hæfur sem viðskiptaráðherra. En nú vill ég fá að heyra hjá þeim VG liðum sem hafa farið mikinn vegna þess að dýralæknir væri fjármálaráðherra Sjálfstæðisflokksins.

Hver er munurinn á að hafa dýralæknir annarsvegar og jarðfræðing hinsvegar í fjármálaráðuneytinu ?

Fljótir að gleyma.......

Gylfi tók ráðherraboði

Samfylking í tætlum.

Þetta hefur nú blasað við öllum sem sjá hafa viljað  undanfarna daga og vikur. Ingibjörg Sólrún hefur haldið þessu liði saman og gert það vel. Í fjarveru hennar hefur hins vegar hið sanna eðli þessa pólitíska uppsóps komið í ljós. Fundurinn í síðustu viku er besta dæmið um það. Þar sýndi varaformaðurinn Ingibjörgu mikla vanvirðingu með yfirlýsingum sínum. Í Kastljósi í gær sýndi hann svo endanlega að hann er utanveltu í Samfylkingunni, og verður örugglega ekki varaformaður eftir næsta landsþing.

Þetta er allt rétt hjá Geir Haarde. En eftir á að hyggja hefði málið aldrei þurft að fara svona langt ef að Geir og Ingibjörg hefðu verið búin að koma ákveðnum breytingum í framkvæmd. Strax í kjölfar hrunsins í október átti að láta stjórnir seðlabanka og fjármálaeftirlits fara. Það átti að skipta út Árna Matthíesen og Björgvin G Sigurðssyni. Það átti að frysta eignir glæpamannanna í bönkunum og svo átti að hefja rannsókn. Þá litu málin öðruvísi út í dag, og landsmenn ættu ekki á hættu að fá yfir sig gagnslausa vinstri minnihlutastjórn sem mun nákvæmlega engu breyta til betri vegar.

Á þessu bera Geir og Ingibjörg sameiginlega ábyrgð, og hún er ansi mikil sú ábyrgð.

Slæmt mál....

 

„Samfylkingin bugaðist"

Nú fáum við að sjá hvað er að marka þig Steingrímur.

60% þjóðarinnar vilja EKKI ganga í Evrópusambandið. Það liggur fyrir að VG er á móti því að ganga í ESB, en 71% vinstri Grænna eru andvígir aðild. Það verður gaman að sjá hvaða samkomulagi þeir ná við Samfylkinguna í þessu máli sem er ofar öllu að mati þingmanna Samfylkingarinnar.

Ekki kæmi mér það á óvart þó Steingrímur gæfi fljótt afslátt af þeim málum sem hann hefur hamrað á í gegn um tíðina.

Þjóðin er á móti aðild að ESB.....

 

Ekki verið samið um neitt

Forseti í ruglinu.

Enn sýnir forsetinn pólitíska tilburði í störfum sínum. Sú della hjá honum að hann geti sett næstu ríkisstjórn 4 skilyrði til að vinna að er bókstaflega hlægileg. Samkvæmt stjórnarskránni hefur hann ekkert vald til slíkra hluta. Og að halda því fram að hann hafi þingrofsréttinn er líka er hártogun því samkvæmt stjórnarskránni ber ráðherrum að framfylgja ákvörðunum forseta.

Þessi hrokagikkur ætti að sjá sóma sinn í að segja af sér. Hann er helsti sendiherra útrásarvíkinganna sem settu landið á hausinn, og ferðaðist í þeirra boði til fjarlægra landa. Forseti Íslands á hverjum tíma á að vera sameiningartákn þjóðarinnar og það hefur Ólafur aldrei verið. Hann er fyrst og fremst ómerkilegur pólitíkus og það mun hann alltaf vera.

Ruglukollur......

Skapa þarf samfélagslegan frið

Pólitísk viðrini.

Það gat ekki verið að Samfylkingin héldi út heilt kjörtímabil. Flokkur sem er settur saman úr fjölda annarra smáflokka getur aldrei komist að sameiginlegri niðurstöðu. Það er hver höndin upp á móti annarri, og þannig verður það áfram. Ingibjörg er límið og þegar hennar nýtur ekki við þá er þetta samkrull búið að vera.

Sjálfstæðisflokkurinn gerði það eina rétta, Það er ekki ásættanlegt að láta Samfylkinguna kúga sig. Næst besti kosturinn er Þjóðstjórn undir forystu Sjálfstæðisflokksins.

Hvað gerist næst.....

Samfylkingin ekki starfhæf

Bara svo að það sé á hreinu.

Þá trúir ekki nokkur maður því að Björgvin hafi tekið þessa ákvörðun einn. Þetta hefur verið lengi í umræðunni segir höfundur efnahagsstefnu Samfylkingarinnar Jón Sigurðsson.  Honum er fórnað sem peði í refskák Samfylkingarinnar. Það er gert til að mæta hruni í skoðanakönnunum undanfarið. Einnig er það ljóst að Samfylkingin ætlar að þvinga Sjálfstæðisflokkinn til að samþykkja umsókn að ESB, og setur það sem kröfu fyrir áframhaldandi stjórnarsamstarfi. Það er það sem framkvæmdastjórinn á við þegar hann segir að Samfylkingin bíði ekki lengur eftir Sjálfstæðisflokknum.

Sjálfstæðisflokkurinn lætur ekki kúga sig.....

Samfylkingin hefur náð frumkvæði

Gafst upp fyrir löngu.

Björgvin var búinn að játa sig sigraðan fyrir löngu. Nú þegar ljóst er að kosið verður í vor þá notar hann tækifærið og segir af sér. Það er bara tilraun til að lengja sitt pólitíska líf. Ég hef sagt það frá upphafi að hann ásamt Árna Matthiesen áttu að segja af sér  strax og allt hrundi. Þeir báru mesta ábyrgð á efnahagsstjórninni.

Vonandi að þær breytingar sem Þorgerður Katrín talaði fyrir verði þær að Árni og seðlabankastjórnin víkji líka.

Pólitísk refskák....

Björgvin segir af sér

Landsbyggðin lifi.

Kannski er ástæðan sú að á landsbyggðinni var fólk ekki að kaupa 10 milljón króna íbúðir fyrir 30 milljónir og taka 27 að láni. Auk þess hefur verið kreppa á landsbyggðinni síðan rétt eftir 1990.

Ég hef ekki orðið var við mikil mótmæli fólks í Reykjavík vegna þess.

ein þjóð eða.....

Meiri biðlund á landsbyggðinni

Nýtt upphaf.

Ég vil byrja á að senda Geir allar mínar bestu óskir um góðan bata. þetta eru afar slæmar fréttir, og ekki það sem maður bjóst við þegar boðað var til blaðamannafundar.

Hvað Sjálfstæðisflokkinn varðar þá er þetta alveg ný staða og ljóst að landsfundurinn mun ekki snúast um að þóknast Samfylkingunni. Það verður kosin ný forysta, og það er gott mál og verður til þess að flokkurinn mun ná sínum fyrri styrk. Bjarni Benediktsson er klárlega framtíðarleiðtogi flokksins.

Kosningar 9 maí......

Geir: Kosið í maí