Ein fölsk rödd skemmir kórinn.

Þessi grein Lilju Mósesdóttur á örugglega eftir að verða til þess að morgunkaffið fari öfugt ofan í Steingrím Joð. Hann er næsta víst ósammála þessu, eins og öllu öðru. Hann og Jóhanna hafa ekki í hyggju að láta endurskoða þetta neitt, heldur koma þessu í gegn í hvelli. AGS er með hreðjatak á þeim báðum og mun ekki ansa því að semja upp á nýtt.

Þetta er staðan í dag. Ódæll armur innan ríkisstjórnarinnar er á öndverðu meiði við forystumenn hennar og það er ekki vænlegt til árangurs. Falskar raddir virka illa í kór. Það er ekki alltaf hægt að kenna lagavalinu um.

Engin samstaða um stóru málin......

Gera þarf róttæka breytingu á efnahagsáætlun AGS

Athugasemdir

[Sigurður Jón Hreinsson, 22.10.2009 kl. 11:40]

Athygglisverð afstaða til lýðræðis.  Ekki skrítið að Sjálfstæðisflokkurinn skuli aldrei losna við nasista-samlíkinguna.

[Ingólfur H Þorleifsson, 22.10.2009 kl. 12:23]

Sérhvert er nú lýðræðið Siggi. Ég veit ekki betur en að menn hafi verið reknir úr ríkisstjórninni fyrir að hafa aðrar skoðanir. Þú villt kannski kalla það lýðræði, ekki ég.

[Sigurður Þórðarson, 22.10.2009 kl. 12:39]

Flestir sjálfstaðismenn átta sig á að landið er rjúkandi rústir eftir 18 ára valdaferil þeirra. Flestir þeirra átta sig á að nú verða allir landsmenn að taka þátt í björgunarstörfum til að forða komandi kynslóðum frá að sökkva í endalausa fátækt.

Flestir en greinilega ekki allir því þér Ingófur þykir þetta fyndið. 

[Ingólfur H Þorleifsson, 22.10.2009 kl. 12:56]

Ég nenni ekki að rökræða við enn einn snillinginn sem heldur að allt slæmt í heiminum sé Sjálfstæðismönnum að kenna. Fólk er fyrir löngu búið að sjá í gegnum þessa úlfur úlfur aðferð ykkar.

Það mun sína sig í næstu kosningum.

[Jón Páll Jakobsson, 22.10.2009 kl. 21:32]

Ekki samþykki ég að rödd Lilju sé fölsk. Held að hún sé heil í sínum skrifum og verkum. Ekki er hægt að segja það um marga þingmenn úr öllum hinum flokkunum

[Ingólfur H Þorleifsson, 22.10.2009 kl. 22:36]

Sæll Jón Páll.

Enda er ég ekki að tala um rödd Lilju. Ég er meira að tala úr munni forystumanna ríkisstjórnarinnar. Þar vilja menn ekki hafa raddir sem hljóma öðruvísi en ráðherrakórinn.

[Sigurður Jón Hreinsson, 25.10.2009 kl. 22:14]

Eins og áður hefur komið fram, þá eiga sjálfstæðismenn búandi í glerhúsum, að forðast grjótkast.  Enginn flokkur á Íslandi hefur fótum troðið lýðræðið á viðlíka svívirðilegann hátt og Sjálfstæðisflokkurinn hefur gert mörg undanfarin ár.