Prófkjör skal það vera.

Aðalfundur fulltrúaráðs sjálfstæðisfélaganna í Ísafjarðarbæ ákvað í kvöld að halda prófkjör til að velja á lista fyrir bæjarstjórnarkosningar sem fara fram 29 maí n.k.  Það eru því spennandi tímar framundan hjá okkur sjálfstæðismönnum í Ísafjarðarbæ. Ég tilkynnti á fundinum að ég gef kost á mér í eitt af efstu sætunum í þessu prófkjöri. Þá ákvörðun tek ég vegna þess að ég tel mig hafa margt fram að færa í þá miklu vinnu sem bæjarmálin eru. Eftir að hafa verið varabæjarfulltrúi á því kjörtímabili sem nú fer brátt að ljúka og fengið góða reynslu af því starfi, vonast ég eftir að fá stuðning fólks í Ísafjarðarbæ til að vinna fyrir það áfram.

Framtíðin er okkar......

Athugasemdir

[Örvar Már Marteinsson, 14.10.2009 kl. 00:33]

Gangi þér vel félagi!

[Níels A. Ársælsson., 14.10.2009 kl. 09:22]

Ja há.

Gangi þér vel Golli í prófkjörsslagnum og vonandi auðnast ykkur að gera þetta heiðarlega í fyrsta skipti.

He he .................

[Ingólfur H Þorleifsson, 14.10.2009 kl. 09:42]

Takk fyrir það strákar.

Við héldum mjög gott og heiðarlegt prófkjör fyrir síðustu bæjarstjórnarkosningar Níels og það verður örugglega raunin núna líka.