Skiptir ekki nokkru máli.

Þetta fólk hefur ekki hugmynd um hvernig á að leysa þann vanda sem uppi er og stöðugt vex. Það er óvirðing við það fólk og fyrirtæki sem er komið í þrot, að vera að spjalla um myndun ríkisstjórnar á meðan landið brennur. Það að láta ágreining um ESB verða til þess að þetta taki svona langan tíma er óásættanlegt.

Þetta fólk verður að skilja það að þolinmæði flestra er á þrotum. Þið fáið ekki endalausan tíma til að þrúkka um eitthvað sem ekki skiptir nokkru máli. Fólk vill lausnir í efnahagsmálum strax og engar refjar. Ef lausnirnar eru ekki fyrir hendi þá á að hleypa öðrum að stjórnarmyndunarborðinu.

Óréttlætið burt.....

 

Stjórnarsáttmáli í smíðum

Athugasemdir

[Skúli Víkingsson, 2.5.2009 kl. 18:18]

Þetta er sennilega sá bikar sem sem þjóðin þarf að drekka í botn, vinstristjórnarmyndunarviðræður  og -þras þangað til nógu margir sjá að það skilar engu. Þessir flokkar eru að því leyti verri en A flokkarnir voru á sínum tíma að þar brá fyrir fólki sem hafði reynslu úr atvinnulífinu, en þeir sem nú ráða í sósíalísku flokkunum virðast hafa ákaflega litla tenginu við atvinnulífið, Meðan atvinnuvegirnir leggja upp laupana spjalla þeir saman um ESB sem hefur verið þekkt síðan þessir flokkar voru myndaðir að þeir eru ósammála um. Þeir hafa verið ósammála um þetta mál í ríkisstjórn undanfarnar vikur og gerir einhver ráð fyrir því að þeir komi sér saman núna frekar en þá? 0Meðan samstarf þessara flokka gekk út á það eitt að reka Davíð Oddson úr embætti var ekki hægt að gera neitt annað og atvinnulíf og heimili fengu að bíða. Nú er að koma saman stefnu um ESB og á meðan bíða úrlausnarefnin og fyrirtæki halda að sér höndum og/eða fara á hausinn.

[Páll Blöndal, 2.5.2009 kl. 21:27]

Sæll Skúli
Eitt er öruggt. 
D & B skiluðu okkur rakleitt á botninn.

[Skúli Víkingsson, 2.5.2009 kl. 23:36]

Þótt íslenzku útrásarvíkingarnir hafi valdið okkur miklum skða, þá er hitt alveg víst að Ísland hefði hvernig sem allt hefði verið í pottinn búið orðið verst út úr kreppu allra nálægra ríkja, vegna þeirrar einföldu staðreyndar að efnahagslíf okkar byggist á milliríkjaviðskiptum. Það er auðvelt að benda á að Sjálfstæðisflokkurinn var við völd þegar  hrundi og Framsóknarflokkkur og Samfylking höfðu bankamálaráðherrann allan tímann, en það vefst fyrir gagnrýnendum að benda  á hvað hefði mátt gera betur eða öðru vísi.

[Frank Magnús Michelsen, 3.5.2009 kl. 15:33]

Láttu ekki svona Ingólfur. Steingrímur J hefur róað lýðinn í fjölmiðlum í dag og sagt að starfhæf ríkisstjórn er við völd sem sinni daglegum störfum.

...en vandamálið er að það eru ekki dagleg störf sem fást þarf við og þessi ríkisstjórn sem situr nú hefur ekki gert neitt frá því hún tók við. Sömu vandamálin blasa við heimilum og fyrirtækjum nú og í byrjun febrúar... hækkandi skuldir, kæfandi vaxtakostnaður, lægri tekjur, aukið atvinnuleysi.

Ergó. Vertu ekki að pirra þig á seinagangi, hlutirnir munu ekki lagast með nýrri ríkisstjórn.