Eina rétta í stöðunni..

Þessir styrkir eru í hæsta máta óeðlilegir og eina rétta að skila þeim. En eftir situr að fyrrverandi forysta hefur skilið eftir svöðusár á flokknum sem seint mun gróa. Þetta er nákvæmlega eitthvað sem flokknum vantar ekki nú ofan á allt annað rétt fyrir kosningar. Það er algert dómgreindarleysi hjá fyrrum formanni og framkvæmdarstjóra að taka við svona styrkjum.

Glórulausir styrkir.....

Styrkir endurgreiddir

Athugasemdir

[B Ewing, 8.4.2009 kl. 21:41]

Ég sé hvergi að neinn taki ábyrgð, annar en Geir sem einstaklingur..  Virkar þessi flokkur svona ?  Að menn geti bara tekið þetta stórar ákvarðanir án þess að ræða það við nokkurn mann ?  Svo virðist greinilega vera, og svoleiðis flokk vil ég AF þingi með öllu.  Þið ættuð að skammast ykkar allir með tölu, þingmenn, formenn, starfsmenn,flokksmenn og allir hinir.

[Kári Gautason, 8.4.2009 kl. 21:54]

Hvar er samt stóra fréttin, Sjálfstæðisflokkurinn gjörspilltur? Ég hélt að það hefði komið í ljós fyrir mörgum mánuðum. Þetta er enn einn naglinn í líkistuna hjá þeim.

[Níels A. Ársælsson., 9.4.2009 kl. 15:30]

Golli.

Sjálfstæðisflokkurinn nánast allur er eitt stórt dómgreindarleysi !

Hugsa sér að landsþingið skyldi láta LÍÚ valtra yfir sig í heilu lagi með samþykkt óbreyttrar fiskveiðistefnu.

Ég mundi skipta um flokk í þínum sporum og þræta fyrir að hafa verið nokkurntíman bendlaður við þessa ömurlegu lágkúru sem Sjálfstæðisflokkurinn er orðinn.

Læt þetta nægja að sinni.

Bestu kveðjur til þín og þinna.