Borgarnesræða Ingibjargar Sólrúnar. Þið getið ekki verið svona fljót að gleyma.

Er fólk nokkuð búið að gleyma því að Ingibjörg sakaði Davíð Oddsson og Sjálfstæðisflokkinn um að beita sér sérstaklega gegn þessum þjófum. Set hér inn part úr ræðu hennar.

Ég vil þannig leyfa mér að halda því fram að það hafi skaðað faglega umfjöllun um Íslenska erfðagreiningu, bæði hérlendis og erlendis, að sú skoðun er útbreidd að fyrirtækið njóti sérstaks dálætis hjá forsætisráðherranum. Það vekur upp umræðu og tortryggni um að gagnagrunnur fyrirtækisins og ríkisábyrgðin byggist á málefnalegum og faglegum forsendum en ekki flokkspólitískum. Sama má segja um Baug, Norðurljós og Kaupþing. Byggist gagnrýni og eftir atvikum rannsókn á þessum fyrirtækjum á málefnalegum og faglegum forsendum eða flokkspólitískum? Ertu í liði forsætisráðherrans eða ekki – þarna er efinn og hann verður ekki upprættur nema hinum pólitísku afskiptum linni og hinar almennu gegnsæju leikreglur lýðræðisins taki við.

Við skulum líka muna að Sjálfstæðisflokkurinn reyndi að koma böndum á þessa menn. Það var þegar hann barðist fyrir fjölmiðlalögunum sem allt varð vitlaust útaf, og forsetinn sendiherra útrásarþjófanna neitaði að samþykkja. Hvernig halda þeir vinstri menn sem nú vilja kenna Sjálfstæðisflokknum um allt sem miður hefur farið að viðbrögðin hefðu verið ef setja hefði átt lög til að takmarka framgang þessara manna. Það er að koma í ljós að Baugsfylkingin og forsetinn eiga ansi stóran þátt í því að þessir þjófar komust svona langt.

Við reyndum......

Lánuðu sjálfum sér milljarða

Athugasemdir

[Sigurður Jón Hreinsson, 7.3.2009 kl. 09:43]

Ingólfur, ég trúi því varla að þú sért svona vitlaus.  Ég get bara hvatt þig til að taka þessa færslu út.

Þú vísar þarna í frétt um Kaupþing, en bablar svo endalaust um Baug og Forseta Íslands. 

Sjálfstæðisflokkurinn og (=) Davíð Oddson gerðu ekkert til að takamarka útþenslu bankanna.  Sjálfstæðismenn voru margir hverjir í lykilstöðum í bönkunum og tóku fullir áhuga þátt í fylleríinu.  Hægt er að nefna ýmsa aðila í því sambandi en einhver sá þekktasti er Kristján nokkur Arason eiginmaður varaformanns Sjálfstæðisflokksins.

Í þessu sambandi skipta fjölmiðlalögin engu máli.

Hinsvegar get ég vel tekið undir orð Ingibjargar, þegar hún spyr; "Byggist gagnrýni og eftir atvikum rannsókn á þessum fyrirtækjum á málefnalegum og faglegum forsendum eða flokkspólitískum?"  Mörg dæmi eru til um það að fyrirtækjum hafi verið knésett vegna þess að þau hafa ekki verið í réttum flokkslitum, eða að þau hafa gagnrýnt reglur Flokksins.

[Ingólfur H Þorleifsson, 7.3.2009 kl. 10:00]

Fjölmiðlalögin voru tilraun til að halda aftur af þeim mönnum sem fóru offari þessu. Þó svo að  Jón Ásgeir og co hafi ekki átt Kaupþing þá voru tengslin og flétturnar þannig að meira segja þú ert of vitlaus til að fatta hvernig í pottinn var búið.

Þinn ástkæri Framsóknarflokkur á nú líka sinn S hóp sem innihélt fíra eins og Finn Ingólfsson og Ólaf Ólafsson sem minnst er á í fréttinni. Þú skallt nú bara hafa þig hægan með að fullyrða um hvað Sjálfstæðisflokkurinn gerði og gerði ekki. Þú virðist nefnilega alltaf gleyma að Framsóknarflokkurinn var við völd með Sjálfstæðisflokknum í 12 ár. Nema hugsanlega sért þú svo vitlaus að átta þig ekki á þeirri staðreynd.

[Sigurður Jón Hreinsson, 7.3.2009 kl. 10:01]

Hæ aftur.  Ég bara verð að bæta við einn góðri setningu frá félaga Valda:

"Hvar værum við án sjallana?  Líklega væri íslensk þjóð skuldum vafin, fjármálakerfið hrunið, 16.000 manns atvinnulausir, hryðjuverkalögum beitt gegn okkur ásamt fleiri hörmungum sem myndu dynja á íslenskri þjóð ef ekki kæmi til vökult auga þingmanna sjálfstæðisflokksins........"

http://valdisig.blog.is/blog/valdisig/

[Ingólfur H Þorleifsson, 7.3.2009 kl. 10:07]

Já þessi Valdi frændi þinn er með sama gullfiskaminnið og þú og hinir Framsóknarmennirnir. Hvernig er hægt á 18 mánuðum að gleyma 12 ára valdasetu.

[Sigurður Jón Hreinsson, 7.3.2009 kl. 10:28]

Ég segi nú bara, ef þér finnst minni mitt vera slæmt, þá ættir þú að líta í eigin barm.  Á einungis 5 vikum (og varla það) ert þú búinn að gleyma stjórnarsetu Sjálfstæðisflokks til 18 ára.  Einnig ert þú búinn að gleyma aðgerðarleysi ríkisstjórnar Geirs Hilmars, í aðdraganda og eftir bankahrunið.  Aðgerðaleysi sem hefur haft þann eina tilgang að gefa flokksgæðingum Sjálfstæðisflokksins tíma til að fela slóð sína og koma stolnum peningum undan.

Og úr frægu Kastljósviðtali við Davíð Oddson, má vel sjá skýringuna á því af hverju hann (DO) fékk að sitja áfram í sæti seðlabankastjóra, þrátt fyrir það að hafa brugðist gersamlega á vaktinni:    

 "ég get bara nefnt sem dæmi samt sem áður að það eru nokkur hundruð einkahlutafélög sem menn hafa ekkert verið að skoða þar sem menn fengu sérstaka þjónustu í bankakerfinu bæði menn sem þekktir eru í fjármálalífinu og stjórnmálalífinu og öðrum slíku hlutum...þetta voru aðilar sem fengu sérfyrirgreiðslu í bönkunum..."

Það þarf enginn að velkjast í vafa um það að hér er Davíð að tala um sjálfstæðismenn, enda eru þeir sérstakir talsmenn einkahagsmuna með sérstakri áherslu á eigin hag.

[Ingólfur H Þorleifsson, 7.3.2009 kl. 10:52]

Þú getur haldið áfram Siggi minn í allan dag að saka Sjálfstæðismenn um allt það sem þér sýnist. En mundu bara að þú hefur ekkert á bak við þessar fullyrðingar þínar. En hvað mig varðar þá hafði ég hugsað mér að gera margt mun skemmtilegra í dag en að skrifast á við þig.

Er til dæmis að fara á opinn fund í dag klukkan 13.00 í Stjórnsýsluhúsinu þar sem glæsilegir fulltrúar í prófkjöri Sjálfstæðisflokksins í NV- kjördæmi  munu kynna sig. Það væri ekki vitlaust hjá þér að mæta þar. Það er á hreinu að við þurftum ekki að skafa upp úr 101 Reykjavík samfylkingarmann til að setja á okkar lista, svo mikið er mannavalið í flokknum.

Svona að endingu væri gaman að vita hvorn (framsóknarmanninn) lýst þér betur á Guðmund Steingrímsson helsta ráðgjafa Dags B Eggertssonar eða Kristinn H Gunnarsson flóttamann og flokkaflæking sem þið hafið nú endurheimt. Það verður svo sannarlega erfitt að ákveða sig í ár.

[Sigurður Jón Hreinsson, 7.3.2009 kl. 11:52]

Ég byðst forláts, eitt augnablik gleymdi ég því að aðeins sjálfstæðismönnum leyfist að koma með tilhæfulausar ásakanir og dylgjur.

Varðandi væntanlega þingmenn kjördæmisins, þá vonast ég fyrst og fremst að veljist fólk sem er tilbúið að verja hagsmuni íbúa þess og þjóðarinnar.  Ekki þingmenn sem fyrst og síðast eru að skara eld að eigin köku og sinna félaga, líkt og sjálfstæðismenn gera iðulega.

Ég vona að þú eigir góðann dag.