Já sæll, eigum við að ræða þetta eitthvað.

Er ekki að verða komið gott af þessum mótmælenda uppákomum. Þetta er heldur betur farið að missa marks finnst  mér undanfarið. Ekki mjög vænlegt til árangurs. Held eð það sé ekki ofmælt að segja að þessi Gunnar er einn lélegasti fundarstjóri sem sögur fara af. Sá fundinn sem var sjónvarpað og þvílíkt slys fundarstjórnin sem var boðið upp á þar. Sýnist á öllum þessum dæmalausu uppákomum að það sé vænlegast fyrir fólk velja sér leiðtoga sem fólk tekur mark á. Get ekki séð að Hörður Torfason sé sá maður. Hvernig væri að mótmæla friðsamlega og málefnalega og sjá hvort að þá er hlustað. Það er réttur fólks. Ekki að láta eins og óður skríll á götum úti með bundið fyrir augun eða í jólasveinabúningi.

Upp í fjall með kreppusníkir.....

 

Lá við að fundurinn leystist upp

Athugasemdir

[Björn Gísli Gylfason, 8.1.2009 kl. 22:01]

Er ekki búið að fullreyna friðsamleg mótmæli á seinustu mánuðum? Þægileg, róleg og umfram allt 100% lögleg mótmæli sem stjórnvöld hafa gersamlega hundsað.

[Ástþór Magnússon Wium, 8.1.2009 kl. 22:07]

Kommúnistar báru jólasveininn út af Opnum borgarafundi

Ég gekk að dyrunum, fjöldi svartklæddra öryggisvarða í skeggræðum og ég smeygði mér hljóðlega framhjá þeim grímuklæddur sem jólasveinninn.

Barði stafnum hennar mömmu minnar sálugu í gólfið og hrópaði "Fær jólasveinninn að tala hér?"

Mikið fát kom á Gunnar leikstjóra sem hótaði að slíta fundinum ef jólasveinninn fengi orðið.  Ekki mátti heldur afhenda lögreglustjóra kærugjafir úr poka sveinka.

Eftir vel æfðum handabendingum af leiksviðinu var ég um leið umkringdur svartklæddum öryggisvörðunum sem tóku sig til og í orðsins fyllstu merkingu báru jólasveininn út af Opnum borgarafundi undir hrópum mínum "Það er verið að bera jólasveininn út af fundinum"

Þegar út í bíl var komið og búið að taka niður skegg-grímu sveinka komu aðvífandi nokkrir fundargesta og sögðu að búið væri að "kjósa þig" inná fundinn. Ég gekk með þeim til baka að hurð leikhússins en þar biðu þá aftur öryggisverðirnir, nú ekki eins utangátta, og vörnuðu mér inngöngu.

Segir þetta ekki allt sem segja þarf um leiksýninguna Opinn borgarafund?

Útilokað er að byggja nýtt Ísland á grímuklæddum leiksýningum og sovét-fasískum vinnubrögðum. 

4.12.2008 | 00:21 Borinn út af borgarafundi. Þjóðin blekkt með leikstýringu.

5.1.2009 | 15:51 Hvar á ég heima? Áhugaverð grein um pólitíska hugmyndafræði sem þarfnast skýringa.

3.1.2009 | 12:29 Kommúnískum áróðri troðið í 8 ára barn

3.1.2009 | 19:37 Hvar stöðvar barnaþulan Dimmblá?

[Ingólfur H Þorleifsson, 8.1.2009 kl. 22:10]

Það held ég ekki Björn. Í það minnsta er það vænlegra en svona uppákomufundir. Það eina sem þessi fundur skilur eftir, er enn frekari staðfesting á því að Ástþór Magnússon er fífl og Katrín Oddsdóttir á í miklum vandræðum með að stilla skap sitt.

[Ingólfur H Þorleifsson, 8.1.2009 kl. 22:23]

Það væri mjög gott Ástþór að þú hefðir þínar stórskrítnu skoðanir annarsstaðar en á minni síðu í framtíðinni, takk fyrir.

[Björn Gísli Gylfason, 8.1.2009 kl. 22:35]

Er reyndar fullkomlega sammála þér í því.