Sjálfstæðisflokkur afneitar fjármálaeftirlitinu.

Þarna er ráðherrum Samfylkingarinnar rétt lýst. Held að það væri best að hætta þessu samstarfi og boða til kosninga. Sjálfstæðisflokkurinn verður að taka sína ábyrgð á stöðunni, og hún minkar ekki við að sitja sem fastast í embætti. það er greinilegt að Samfylkingin slær sig til riddara í því ástandi sem gengur yfir og talar í allar áttir. Það er undarlegt að fólk sjái ekki að ábyrgðin er ekki minni hjá þeim með fjármálaeftirlitið á könnu viðskiptaráðherra, en hjá Sjálfstæðisflokki með seðlabankastjórnina.

Varaformaður Sjálfstæðisflokksins segir að flokkurinn verði að taka umræðu um ESB og hvað er í boði. Ég er sammála henni, en það kemur ekki til greina að við gefum eftir af okkar auðlindum í þeim aðildarviðræðum.

Það er kominn tími til að þeir sem ábyrgð bera á efnahagsástandinu taki hana á sig svo hægt sé að byggja upp að nýju. Það gengur ekki að ef einhver er sekur um eitthvað að hann sitji sem fastast. Einnig þurfa fólkið og fyrirtækin að fá svör. Það hefur skort á það undan farnar vikur hjá stjórnvöldum. Miðað við hvernig óánægja hefur aukist undanfarið þá sé ég ekki að annað sé hægt en að skipta um ríkisstjórn,  stjórn fjármálaeftirlits og seðlabankastjórn. Fólkið í landinu sættir sig ekki við annað, því miður.

Hefjum uppbyggingu nú þegar......

Samfylking afneitar Davíð

Athugasemdir

[Sigurður Þórðarson, 2.11.2008 kl. 15:29]

Áhrifamenn í Samfyrlkingunni hafa verið áberandi í mótmælum á Austurvelli og fyrir utan ráðherrabústaðinn undanfarna laugardaga. Samfylkingin spilar vel úr stöðunni og  hagnast á að vera bæði í stjórn og stjórnarandstöðu. Sjálfstæðisflokknum er vandi á höndum hann svarar ekki Samfylkingunni fullum hálsi þar sem hann heldur dauðahaldi í stjórnarsamstarfið.  Ef hann fellst á að gefa eftir hagsmuni sjávarútvegsins til að nálgast Samfylkinguna missir hann landsbyggðarfylgi.