Græna byltingin.

Þessi arfavitlausa ákvörðun ráðherra er tekin vegna þrýstings frá náttúruverndarsinnum sem halda að peningarnir vaxi á trjánum. Margir þeirra hafa ekki einu sinni komið upp fyrir Ártúnsbrekkuna. Það að hún svari ekki spurningum á fundi sem hún boðar sjálf til sýnir stöðu hennar í málinu. þeir sem hafa unnið að þessum málum á Norðurlandi hafa ekki sagt sitt síðasta. Málinu er langt í frá lokið.

Umhverfislatte......

Þórunn ræddi við Húsvíkinga

Athugasemdir

[Árni Gunnarsson, 12.8.2008 kl. 23:27]

Segðu mér í alvöru Ingólfur: Er það virkilega tilfellið að þessi þjóð sé komin á vonarvöl þegar hún hættir að geta selt raforku til álvera?

Ég spyr vegna þess að ég sé það fyrir mér að einhverntíman munu orkulindir okkar þrjóta.

Og er það rétt sem ég hef heyrt að Valgeir Guðjónsson sé búinn að semja lag við nýja þjóðsönginn: "En á hverju eigum við þá að lifa?"

[Gunnlaugur B Ólafsson, 13.8.2008 kl. 00:30]

1. Ákvörðunin er ekki arfavitlaus, heldur gæti einmitt markað tímamót í rétta átt að meta heildaráhrif í stað þess að taka út einstaka þætti. Slíkt hefur verið nefnt bútasaumur í skipulagsmálum og hefur oft hentað verktökum og verið leið Sjálfstæðisflokksins, en hann lætur stundar- og peningasjónarmiðin spilla heildarsýn.

2. Er eitthvað verra að láta undan þrýstingi frá náttúruverndarfólki heldur en öðrum? Hún er þó alltaf umhverfisráðherra, en ekki steypustöðvarstjóri.

3. Hvað gerist gott við það að vera komin "upp fyrir Ártúnsbrekkuna".

4. Staða hennar í málinu er góð og álfíklarnir verða bara að anda djúpt og rólega.

5. Hvaða máli er ekki lokið? Umhverfisráðherra er allavega æðsta vald í skipulagsmálum og þar liggur fyrir ákvörðun um heildstætt umhverfismat.   

                                                  Mbk,  G