Slæmt mál og gott mál.

Þetta veður er svona um það bil að verða svolítið þreytandi. Núna þegar vorið á að vera komið er enn hörku vetur hér í Súgandafirði. En það er bara eitt við því að gera, klæða sig vel og brosa upp í vindinn.

Við hjá KFÍ skrifuðum undir samninga við 7 leikmenn í gær. Það eru 3 strákar sem eru að koma úr unglingastarfinu og svo aðrir 3 sem hafa verið viðloðandi starfið frá barnsaldri en tóku sér smá hlé.

Síðast en alls ekki síst var samið við fyrirliða KFÍ Þóri Guðmundsson, en hann var einn af burðarásum félagsins í vetur og hefur leikið með okkur allan sinn feril og fer vonandi ekki að breyta því. Það verður gaman að geta verið með 15 manna æfingahóp á næsta tímabili. Það hefur örugglega ekki oft gerst hjá KFÍ, ef það hefur þá gerst.

Góðar stundir......