Dagur að kveldi kominn.

Þetta er bara það sem flestir hafa átt von á. Þessi nýi R-listi var dauðadæmdur frá byrjun. Bara það að þau hafi ekki getað komið sér saman um málefnasamning segir alla söguna. Þessi sundurlausi hópur getur ekki komið sér saman um nokkurn skapaðan hlut. Ólafur F Magnússon er sjálfstæðismaður að upplagi og því má segja að þetta sé hreinn meirihluti Sjálfstæðismanna.

Það verður gaman að heyra hvaða afsakanir  Dagur og Björn Ingi hafa fyrir þessu, ef þeir þá gefa kost á sér í viðtal.

Bjart framundan í Reykjavík.....

Nýr meirihluti í Reykjavík

Athugasemdir

[Sigurður Hreinsson (IP-tala skráð) 21.1.2008 kl. 21:03]

 Þetta fer að vera eins og stóra hnífstungumálið.....  Fyrst stinga sjálfstæðismenn Ólaf F. fyrir mörgum árum og senda hann út í horn, svo stinga þeir hann aftur eftir síðustu borgarstjórnarkosningar og velja Björn Inga.  En núna nær Ólafur fram hefndum á sjálfstæðismönnum með því að láta þá kokgleypa alla stefnuskrá F-listans eins og hún leggur sig og fær borgarstjórastólinn í kaupbæti.

Þetta er auðvitað bara snilld og frábært að vita af því að flugvöllurinn fær að vera í friði næstu árin, þvert á loforð sjálfstæðismanna.  Ólafur F. Magnússon er snillingur en það er víst eins gott að hann sé heilsuhraustur.......

[Robbi Schmidt (IP-tala skráð) 21.1.2008 kl. 22:17]

Þetta er orðin algjör leiksýning og við megum ekki missa af næsta þætti. Nú beinist kastljósið að Möggu Sverris sem er í fílu. Skyldi hún láta undan gylliboðum næstu daga? Hvernig fer með Glanna Glæp (Björn Inga) og fatamálið mikla sem er algjört milljón? Verður Guðjóni Ólafi sparkaðu úr Framsókn? Kaupir Glanni Glæpur sér annað hnífasett? Er von að maður spyrji. Það er óhætt að segja að það sé ekki gúrkutíð hjá fjölmiðlum þótt gúrkutíð sé hjá gúrkubændum!

Róbert Schmidt