Enn ein lokunin fyrir vestan.

Nú hafa stjórnendur Miðfells ákveðið að loka ótímabundið og senda fólkið heim, að vísu á launum enn um sinn en hvað svo. Það verður að segjast eins og er að það er búið að halda úti vinnslu þarna lengur en nokkur þorði að vona. Stjórnendur Miðfells hafa reynt allt til að halda vinnslunni gangandi en ytri aðstæður s.s. hátt gengi krónunnar, lágt verð á mörkuðum og fleira hefur gert það að verkum að nú er ekki hægt að halda áfram. Hvað ætla stjórnvöld að reyna okkur lengi. Það er frekar lítið að gerast hjá ríkisstjórninni og það hjálpar okkur ekki. Það er kominn tími til að menn viðurkenni vandan, fyrr gerist ekki nokkur skapaður hlutur. Sturla Böðvarsson er búinn að átta sig á hvað er að en þá koma menn eins og Árni Matt og finna því allt til foráttu. Það er kominn tími til að stjórnmálamenn átti sig á að það er meira á Íslandi en suðvesturhornið. Það kemur að því að fólk fær nóg af því að vera afskipt og það er ekki það sem við þurfum. Það er kominn tími til að okkar kjörnu fulltrúar viðurkenni vandan, alveg sama í hvaða flokki þeir eru og í hvaða stöðu þeir eru. það gagnast okkur ekkert að hafa menn sem tala gegn sinni sannfæringu.

Við erum ekki að gefast upp. en hvað með ykkur þingmenn norðvesturkjördæmis......

Athugasemdir

[Ingólfur H Þorleifsson, 27.6.2007 kl. 13:46]

Þið búðarlokurnar í Reykjavík vitið ekkert hvað þið eruð að tala um. Landsbygginn er búinn að halda í ykkur lífinu í margar aldir og ef þú ert svo blautur bak við eyrun að halda að það geti allir unnið í Kringlunni þá er það mikill misskilningur. Ekki reyna að halda því fram að þetta sé væl í okkur þó svo að við vekjum athygli á því hvernig málum er háttað á Íslandi í dag. Það væri ekki svona mikið loft í ykkur ef ykkur væri sagt að þetta árið mættuð þið bara selja svona mikið af tölvum, bara af því að einhverjar skrifstofurottur væru búnar að finna það út með reiknilíkani að það væri þjóðhagslega hagkvæmt. Það er kominn tími til að þið kynnið ykkur hvað er að gerast fyrir ofan Ártúnsbrekkuna. það er ekkert helvítis væl þó svo að við sem búum þó á sama skerinu og þið í Reykjavík fáum það sama fyrir skattana okkar og þið. Svoleiðis hefur það bara alls ekki verið.

[Ingólfur H Þorleifsson, 27.6.2007 kl. 15:26]

Til dæmis betri samgöngur, betri fjarskipti. Auk þess sem við sem búum á landsbyggðinni fáum ekki húsin okkar metin eins og aðrir og erum sett undir aðrar vinnureglur hjá Íbúðalánasjóði. Það er enginn að fara fram á að gengisfellingar verði teknar upp aftur, það er bara sanngjarnt að þegar það er skorið niður vegna þenslu þá sé það gert þar sem þenslan er, en ekki á þeim svæðum sem þar sem hún er ekki. En þar sem þú ert of mikið borgarbarn til að skilja hvað landsbyggðin er að tala um þá er tilgangslaust að reyna að útskíra þetta. Það er nú bara einu sinni svo að landsbyggðin verður alltaf til sama hvað þið streitist á móti. Og svona að endingu þá er Suðureyri örugglega einna best sett af þeim stöðum sem eru í útgerð. Þar er þorskurinn 45% af því sem unnið er á meðan staðir eins og á Snæfellsnesi eru með upp í rúm 60%. Þannig að ég er ekkert að biðja um neinar sér aðgerðir fyrir Suðureyri, heldur landsbyggðina eins og hún leggur sig.