Hvað segja Frjálslyndir nú, hvar er Færeyska kerfið ?

Nú þegar hafrannsóknarstofnun hefur birt svarta skýrslu um stöðu þorskstofnsins hafa helstu pennar Frjálslyndaflokksins farið geyst og fundið hinar ýmsu ástæður fyrir þessari slæmu útkomu. Það sem að hefur verið athyglisvert við þeirra skrif nú er að enginn minnist á Færeyska kerfið. Getur verið að sú staðreynd að ástand þorsksins við Færeyjar er mun verra en við Ísland og Færeyskir sérfræðingar leggja til að enginn þorskveiði verði leyfð í ár sé ástæða þess að þeir minnast ekki orði á Færeyska kerfið nú. Sigurjón Þórðarson hefur verið helsti stuðningsmaður Færeyska sóknardagakerfisins sem nú fær algera falleinkunn og ástandið sem Sigurjón er svo hrifinn af er ekki svo gott eftir allt saman. Það er vissulega mjög slæmt ef farið verður í að skera niður þorskkvóta um þriðjung, en ég er sannfærður um að ef við hefðum farið eftir ráðleggingum Frjálslyndra þá væri staðan mun verri. Í þessum málum eru ansi margir sérfræðingar, og það er ljóst að skoðanir verða alltaf skiptar um sjávarútvegsmál. 

 

Fagur fagur fiskur í sjó.....

Sjávarútvegsráðherra: Stöndum frammi fyrir erfiðum ákvörðunum

Athugasemdir

[Jón Ölver Magnússon (IP-tala skráð) 3.6.2007 kl. 18:11]

Verð bara að benda þér á að þú ert að misskilja málið.Skýrsla hafró er dauðadómur yfir kvótakerfið og stjórn fiskveiða síðustu 25 árin.
Og er það ekki einmitt það sem frjálslindir og fleiri hafa verið að benda á síðan kerfið var sett á. Að kerfið var og er ekki að virka sem fiskverndunarkerfi.
Og er ekki kominn tími til,í ljósi nýjustu skýrslu jólasveinanna á hafró að setjast niður og endur skoða fiskveiðistjórnunarkerfið frá grunni sama hversu sársaukafullt það verður fyrir suma.

[Jón Ölver Magnússon (IP-tala skráð) 3.6.2007 kl. 23:03]

Er ekki allt kerfið og formúlan sem farið er eftir gallað ? Hvað er vandamálið hjá þorskinum ?
Er það ekki það að hann hefur ekki æti og hvers vegna ætli það sé ? Tengist það ekkert því að loðnan hefur verið ofveitt hér við Ísland í áratug og stofninn að hruni kominn.Sama gildir um rækjuna,það var næstum gengið frá rækjunni með ofveiði en sem betur fer er hún núna eitthvað að rétta úr kútnum.Rækjan var ofveidd vegna þess að það var verið að beina sókninni frá þorsknum.
Og nú er vandamálið að þorskurinn hefur ekki nóg æti til að stofninn vaxi og þá á að friða þorskinn þegar nær væri og skynsamlegra að friða ætið.Loðna og rækja er uppistaða í fæðu þorsk.Þorskur étur smærri þorsk þegar honum vantar æti.Hvað er það sem hefur stjórnað og lagt línurnar í núverandi fiskveiðikerfi annað enn peningar og þeirra hagsmunir ?

[Baldvin Nielsen (IP-tala skráð) 3.6.2007 kl. 23:48]

Smábátaútgerð endurvekur líf á bryggjum sjávarbyggðaKvótakerfið hefur ekki reynst fiskveiðikerfi með þjóðarhagsmuni í fyrirrúmi, heldur hagsmunakerfi fárra. Íslandshreyfingin vill leita leiða til að afnema það í áföngum, fyrsta skrefið er að leyfa smábátaflotanum allt að 6 tonna stærð að stunda handfæraveiðar frá 15. apríl til 15 ágúst ár hvert.

Það er fyrsta aðgerð til að komast út úr kvótabraskskerfinu. Þá fer að færast líf í hafnir og bryggjur landsins, heimamönnum til gleði, einnig erlendum ferðamönnum sem hingað koma til að skoða samspil menningar og náttúru landans, því þá er hægt að bjóða ferðamönnum í sjóstangaveiði án þess að eiga kvóta.

 
Eyðilagðar uppeldisstöðvar og veiðarfæraval

Aukin notkun á togveiðarfærum hefur vond áhrif á umhverfið. Ekki aðeins eyða skipin meiri olíu heldur valda toghlerar og önnur botndregin veiðarfæri mikilli eyðileggingu á grunnslóð þar sem þau eru dregin yfir hraun og kóralbyggðir, uppeldisstöðvar og skjól seiðanna og kippa þannig forsendum undan framtíðarveiðum. Íslandshreyfingin leggur ríka áherslu á verndun hafs og stranda.

Við viljum takmarka aðgang snurvoðar og annarra veiðarfæra á grunnslóð þar sem þau skaða umhverfi veiðistofnana til frambúðar. Það þarf að velja veiðarfæri rétt til að hámarka aflaverðmæti.  Þeir markaðir sem greiða  hæst verð fyrir fisk vilja ekki lengur kaupa fisk sem veiddur er í botnvörpu eins og dæmi eru um skötusel. Íslenskar sjávarafurðir hafa á sér gott orðspor og það ber að vernda með umhverfisvænum veiðum.


Afleiðingar af vondri stjórn

Kvótakerfið hefur valdið brottkasti á fiski sem talið er í milljörðum ár hvert vegna of lítils framboðs á veiðiheimildum sem aftur leiða af sér kvótaleigu sem viðheldur eins konar þrælahaldi í greininni og kemur í veg fyrir nýliðun. Það er grátlegt að sjá leiguliðana og sjómenn þeirra lenda í þeirri ánauð að þurfa að leigja kvóta á allt að 200 krónur á þorskkíló, bera nánast ekkert úr býtum og sjá að lokum útgerðirnar fara í þrot meðan kvótaeigendur maka krókinn. Sú „atvinnustarfsemi“ útheimtir oft einungis einn mann til starfa og sá maður borgar ekki skatta til samfélagsins því þetta eru fjármagnstekjur.

Úthlutun fiskikvóta hefur alltaf verið í höndum sjávarútvegsráðherra, með hliðsjón af ráðleggingum Hafrannsóknastofnunar, og hefur aldrei leikið vafi á um rétt hans til þeirra aðgerða.  Umræða um að útgerðir hafi eignarhaldið er því út úr kortinu því stöðug afskipti samfélagsins af þessum verðmætum eru til staðar.

Því getur hefðarréttur aldrei myndast um kvóta. Það er ekki sjálfgefið að nytjaleyfi leiði til eignaréttar. Þess vegna er ekki hægt að selja veiðiheimildirnar.  Þau kaup manna á milli í gegnum tíðina á þessum ímynduðu verðmætum í kvótalíki, varðar okkur í samfélaginu ekkert um.  Þau viðskipti eru án samráðs við þjóðfélagið, gegn vilja settra laga og  því alfarið á þeirra ábyrgð.

 
Sjálfræði yfir fiskimiðunum, þjóðareign

Fjöregg þjóðarinar, sjávarútvegurinn er í hættu vegna þessarar þróunar í greininni sem er enn um 60 % af landsframleiðslunni. Það gæti breyst á einni nóttu. Það þarf bara einfaldan meirihluta á alþingi Íslendinga til að leyfa erlendum fjárfestum að fjárfesta í íslenskri útgerð. Við þurfum að hafa það í huga, þegar þessi mál eru upp á pallborðinu, að ríkisstjórnarflokkarnir vilja í raun hleypa erlendum aðilum inn í útgerðina á næsta kjörtímabili, haldi þeir völdum eftir kosningarnar í vor.

Halldór Ásgrímsson sagði á Iðnþingi á síðasta ári, þá forsætisráðherra Íslands, að hann vildi sjá erlendar fjárfestingar í íslenskri útgerð. Það verður stór veisla þegar hinir fáu útvöldu selja veiðiheimildirnar hæstbjóðanda á erlendum vettvangi.

Aflið til að stoppa þessa þróun eru kjósendur sem við í Íslandshreyfingunni leitum til. Komist Íslandshreyfingin í ríkisstjórn eftir kosningarnar 12. maí nk. verður þessi óheillaþróun stöðvuð. 

Baldvin Nielsen, stýrimaður og hópferðabílstjóri í Reykjanesbæ, skipar 3. sætið fyrir Íslandshreyfinguna í Suðurkjördæmi.

Grein þessi birtist  í blaðinu Fréttir í Vestmannaeyjum 4. maí 2007.

P.S   Þau verð sem við erum nú að sjá sem aðilar eru nú tilbúnir að borga fyrir hlutabréfin í Vinnslustöðinni styrkir þá kenningu mína að erlendir fjárfestar eru ekki langt undan. Þess vegna tel ég allt þetta leikrit nú Flateyri, Vestmanneyjar, og síðast en ekki síst svarta skýrslan frá Hafró svona skömmu eftir kosningar sé þrælhugsuð flétta til að reyna festa kvótabraskkerfið í sessi til framtíðar fyrir hina fáu útvöldu. Fellur krónan mikið á morgun?? 

[Baldvin Nielsen (IP-tala skráð) 4.6.2007 kl. 11:52]

Viðskipti | mbl.is | 4.6.2007 | 11:26

Hlutabréf og krónan lækka

,,Gengi hlutabréfa hefur lækkað í íslensku kauphöllinni í morgun og hefur íslenska OMX hlutabréfavísitalan lækkað um 0,9%. Meðal annars hafa hlutabréf FL Group og bankanna þriggja lækkað. Þá hefur gengi krónunnar lækkað um 1,59% í viðskiptum á gjaldeyrismarkaði í morgun.''

P.S. Er þetta bara rétt að byrja að krónan falli og það mikið vegna þess að besta fiskveiðakerfi heims er hrunið?? Ef svo er þá ættu allir þá sérstaklega kvótasinnar að vera sáttir að sjá skuldir sínar hækka og hækka til að létta undir með kvótabraskinu.