Margur verður af aurum api

 

 

 

 

Þessi aðför Baugsveldisins að Birni Bjarnasyni er ótrúlega lágkúruleg tilraun til að fela eigin vandamál. Þó að Jóhannes hafi verið sýknaður þá voru Jón Ásgeir og Tryggvi dæmdir og það þýðir ekkert hjá þessum mönnum að frýja sig með einhverju svona. Björn Bjarnason er einn öflugasti ráðherra Sjálfstæðisflokksins og þessi tilraun Jóhannesar mistókst því Björn verður áfram ráðherra og Jón og Tryggvi eru áfram dæmdir menn. Hreinn Loftson er nú hálf hlægilegur þegar hann sem sendiboði klíkunnar reynir að gera lítið úr Birni. Það er ekki nokkur hemja að menn geti gert það sem þeim dettur í hug í skjóli peningaveldis.

 

Sannleikanum er hver sárreiðastur.....

Hreinn: Dómur kjósenda um verk Björns liggur fyrir

Athugasemdir

[Ingólfur H Þorleifsson, 16.5.2007 kl. 20:59]

vissulega búum við við tjáningafrelsi. Mér finnst þetta ekkert snúast um frelsi til að tjá sig. Jóhannes nýtur trausts fólksins í landinu og hann er að misnota völd sín og notar auðæfi sín til að ná sér niður á ímynduðum andstæðingum. Hann hreinsar ekki mannorð sitt með peningunum sínum, því síður með því að gera lítið úr öðrum.

[hjalti júl (IP-tala skráð) 16.5.2007 kl. 22:41]

Aumingja Björn ! Skildi Bruce Willis vita af þessu ? Dómsmálaráðherra með her á heilanum skýtur sig ítrekað í fótinn ! Á að vorkenna honum ? Já !!!  Aumingja Björn!!!

[Rögnvaldur Hreiðarsson, 16.5.2007 kl. 22:58]

Gula höndin. Hér er akkúrat komið nafnið á þessa kliku. Þökk sé Ólafi Teit. Þú skalt ekki vera hissa á því Golli þó fólk sem ekki sér stóru myndina haldi að þetta snúist um Jóhannes og Björn. Þetta snýst um grundvallaratriði og ég er viss um Kenny veit það að í landi tjáningarfrelsisins sem hann kemur frá eru til lög um eignarhald á fjölmiðlum. Þar reyndar eins og hér fara auðmenn létt með það að kaupa sér sýknu. O J Simpson var auðvitað saklaus! Við erum í fyrsta skipti í okkar sögu að upplifa það að auðugasta fólk okkar misnotar aðstöðu sína og fé til þess að hafa áhrif á réttarkerfi og stjórnmál. Blessað tjáningarfrelsið sem er okkur svo mikilvægt er gróflega svívirt af mönnum sem halda að þessi umræða snúist um það.

[Helgi Gunnarsson (IP-tala skráð) 17.5.2007 kl. 00:15]

Ég skil ekki alveg þessa vitleysu sem er í gangi með þessi skrif Hreins og auglýsingu Jóa Bónus.Það hefði heyrst eitthvað í þeim feðgum ef það hefði verið sett auglýsing í blöðin sem myndi hvetja fólk til að hætta að versla í bónus,þeir myndu örugglega kenna Birni Bjarna það.Þessir Bónus menn ættu að skammast sín og fatta það að þeir þurfa að lúta því að vera rannsakaðir eins og annað fólk jafnt yfir alla,þangað til að annað kemur í ljós,er viss um að þeir eru engir englar sko.Sjáum til......

[Brattur (IP-tala skráð) 17.5.2007 kl. 08:03]

Mér finnst skrítið ef Björn Bjarnason tekur ekki mark á vilja Jóhannesar í
Bónus og setur þann í embætti ríkissaksóknar sem Jóhannes vill. Jóhannes er
vinur litla mannsins og virkar eins og öryggisventill (málskotsréttur
forseta Íslands) ef ráðamenn þjóðarinnar fara út af sporinu. Við getum
sofið rótt meðan svona menn standa vaktina fyrir okkur. Ég ætla að vona að
engum detti það í hug að hætta að versla í Bónus út af þessu máli. Höldum
endilega öll áfram að stykja Jóhannes til góðra verka

[Gló (IP-tala skráð) 17.5.2007 kl. 12:31]

Ég sé nú mest eftir peningnum okkar sem Björn Bjarna og bláa höndin er búin að eyða í þetta mál og við vissum öll frá byrjun að væri ekki neitt neitt . Hefði nú kannski alveg viljað fá peninginn í ferðajöfnunarsjóð íþróttafélaga.