Afrek vinstri stjórnarinnar: Niðurskurður og hærri skattar

 

Höldum áfram að rifja upp afrek síðustu vinstri stjórnar. Í frétt Morgunblaðsins í júní 1989 er greint frá efnahagsaðgerðum ríkisstjórnarinnar, sem þáverandi fjármálaráðherra kynnti. Í fréttinni segir m.a:

„ÓLAFUR Ragnar Grímsson fjármálaráðherra mun í dag leggja fyrir ríkisstjórnina tillögur um það hvernig rétta megi af fyrirsjáanlegan 3,5 milljarða halla á ríkissjóði á árinu. Hann segist munu leggja fram tillögur um aukna skattheimtu, niðurskurð og auknar lántökur innanlands. Hins vegar verði forðast að taka erlend lán til þess að rétta af hallann.

„Ástæðan fyrir þessum halla er sú að á undanförnum vikum hafa verið teknar ákvarðanir um ýmis viðbótarútgjöld og ýmsir aðrir hlutir verið að koma í ljós,“ sagði Ólafur Ragnar í samtali við Morgunblaðið.“

Aukin skattheimta, niðurskurður og auknar lántökur til að leysa vandamál sem voru að koma í ljós - þessar aðferðir heyra til allrar hamingju fortíðinni til. Undanfarin ár hefur okkur þvert á móti tekist að lækka skatta, auka framlög til velferðarkerfisins og greiða niður skuldir ríkissjóðs.

Það vill örugglega engin borga hærri skatta.....

Athugasemdir

[Örninn (IP-tala skráð) 8.5.2007 kl. 16:16]

Mikið rétt, peningar fólksins eru best geymdir hjá því sjálfu, ekki hjá (forræðishyggju) stjórnvöldum eins og í Skandinavíu, þar sem þeim er svo úthlutað aftur í formi allskonar styrkja, en þó fer meiri hluti þessara peninga í rekstur og stjórn forræðisbáknsins.

Mikið rétt, var það ekki ÓRG sem stóð upp á kassa í Miklagarði sáluga og predikaði yfir húsmæðrum sem þar voru í innkaupum, að "veislan væri búin" - og stuttu seinna voru settir á svokallaðir matarskattar.

Steingrímur J. og Ögmundur segja hálf loðmæltir að VG muni ekki hækka skatta komist þeir í stjórn - en þeir hafa heldur ekki sagt neitt um það að HÆGT SÉ HINSVEGAR OG BÚA TIL NÝJA SKATTA, - t.d svokallaða umhverfiskatta (oft nefndir grænir skatta) líkt og gert hefur verið í Skandinavíu.  Þessir grænu skattar eru t.d. lagðir á noktun vatns, rafmangs og hita og ku bitna harðast á barnafólki og tekjulágu fólki og þá sérstaklega gömlu fólki og örykjum.