Hvert fer Kristinn H Gunnarsson næst ?

Hvers vegna ætti fólk að kjósa Kristinn H Gunnarsson ? 

Hann hóf þingmannsferilinn í Alþýðubandalaginu, en þegar það gékk inn í Samfylkingu fann hann sér ekki stað í henni né í Vinstri Grænum, sem urðu til er óánægðir úr Alþýðubandalaginu stofnuðu nýjan flokk með Steingrím J sem foringja.

                                                                                 

Kristinn fann sér stað í Framsóknarflokknum og komst fljótt til metorða þar, var meðal annars formaður þingflokks og sjórnarformaður Byggðastofnunnar. Ekki er hægt að segja að á árum hans í Byggðastofnun hafi mikið komið frá henni til vestfjarða. En fljótlega fór að bera á samstarfserfileikum á milli Kristins og annara framsóknarmanna sem endaði með því að Kristinn var sviftur öllum embættum innan flokksins. Eftir það var hann utanveltu í flokknum en studdi þó ríkisstjórnina í flestum þeim góðu málum sem hún hefur komið í verk á þessu kjörtímabili.

 

Þegar framsóknarmenn í norðvesturkjördæmi fóru að hugsa um að manna lista fyrir alþingiskosningar sóttist Kristinn eftir 1 sæti og fór þar fram gegn oddvita flokksins í kjördæminu Magnúsi Stefánssyni. Það er skemmst frá því að segja að Kristinn tapaði og á endanum sagði hann sig úr Framsóknarflokknum og sakaði félaga sína um að hafa bundist kosningabandalagi um að koma sér frá.

þegar Kristni hafði verið hafnað fór hann á stúfana að reyna að finna sér sæti á lista. Ekki var nú sannfæringin meiri en svo að hann var fljótur að skipta um skoðanir og ganga til liðs við Frjálslyndaflokkinn. Það er því grátbroslegt þegar hann ríður um héruð og finnur ríkisstjórninni allt til foráttu. Hvað eru margir dagar síðan maðurinn hætti að styðja ríkisstjórnina ?

Ég fæ ekki með nokkru móti séð hvers vegna nokkur maður á að kjósa Kristinn H Gunnarsson því að maðurinn hefur aðeins eigin hagsmuni að leiðarljósi, en sannfæringin og flokkshollustan er engin. Miðað við kannanir er Kristinn ekki á leið á þing og því verður spennandi að sjá hvert hann fer næst.

Maðurinn hlýtur að hafa tapað trausti fólks á vestfjörðum.....