Hverjir studdu ekki hækkun skattleysismarka ?

Talsmenn stjórnarandstöðunnar tala mikið um að skattleysismörk hafi ekki hækkað nóg á þessu kjörtímabili og ásaka ríkisstjórnina um svik við launþega og almenning.

Skattleysismörk geta hækkað á tvo vegu. Annars vegar með því að hækka persónuafslátt og hins vegar með því að lækka skattprósentu. Það er mikilvægt að hafa í huga að hvort tveggja var gert á þessu kjörtímabili, enda hafa skattleysismörk hækkað úr 70 þúsund í um 90 þúsund krónur frá árinu 2003.

Miklar breytingar á skattkerfinu voru lögfestar á þingi árið 2004 og leiddu þær meðal annars til þess að skattprósentan lækkaði um 3 prósentustig. Stjórnarandstaðan í heild sinni sat hjá þegar þetta frumvarp var samþykkt og studdi þar af leiðandi ekki hækkun skattleysismarkanna.

Persónuafsláttur er nú 32.150 krónur á mánuði og skattprósentan 35,7%. Ef prósentulækkanir ríkisstjórnarinnar hefðu ekki gengið í gegn, líkt og stjórnarandstaðan vildi, væri skatthlutfallið 38,7% og skattleysismörkin lægri sem því nemur, eða um 83 þúsund krónur á mánuði, en ekki 90 þúsund eins og nú er. Það er því afar öfugsnúið hjá stjórnarandstöðunni að halda því fram að ríkisstjórnin hafi ekki hækkað skattleysismörk.

Sjálfstæðisflokkurinn vill lækka skatta ennþá meira.....