léleg tónlist

Opnu húsi Samfylkingarinnar í Egillshöll lauk í kvöld. Það hefur varla farið fram hjá neinum allt það lof sem hlaðið hefur verið á Ingibjörgu Sólrúnu undanfarna daga. Hennar fólk hefur ekki haldið vatni af hrifningu yfir henni. Hún er langbesti formaðurinn,  talar best á fundum og er bara í öðrum klassa en hinir formennirnir. Ég er sammála þessu öllu! Hún er langbesti formaður sem til er. Og vegna hvers segi ég sjálfstæðismaðurinn það? Vegna þess að undir hennar stjórn hefur flokkurinn minkað um 12% á nokkrum árum, og það er nú helvíti vel af verki staðið. Öll fótboltalið væru búin að skipta um þjálfara en það þarf ekki í þessu liði, það eru bara sóttir aðstoðarþjálfarar til útlanda. Einnig eru dregnir á flot gamlir þjálfarar sem áttu sama draum og hún um að sameina alla í eitt lið sem gæti unnið meistarana. Haldið bara áfram að lofsyngja ykkar konu hún á það alveg skilið.

Ingibjörg sagði í lokaræðu sinni að hún hefði um helgina skynjað hversu mikil tónlist, kraftur og taktur væri í flokknum. Samfylkingin væri að birtast sem fullskapaður flokkur jafnaðarmanna með skýra stefnu á öllum sviðum, flokkur með mjög sterkan karakter. Það er spurning hvaða gagn gerir tónlist sem engin nennir að hlusta á. Krafturinn er einnig að verða búin og taktleisið er algert. Reynum bara að herma eftir stóra bróður.

samkrullið er bara smálið.......

 

Athugasemdir

[Jens Guð, 15.4.2007 kl. 01:36]

  Ég hélt að þú værir að blogga um músíkatriðin á landsfundi Samfylkingarinnar.  Langaði að forvitnast um þau.  En það er bara ekki stafkrókur um þau.  Ef þau voru einhver.