Frjálslyndi Rasistaflokkurinn

Í fréttablaðinu í dag er sagt að Guðjón Arnar sé ekki ánægður með  þau 4,4% sem þeir fá í nýjustu könnun blaðsins. Er þetta ekki það sem hann hefur stefnt á undanfarna mánuði, fyrst með því að fara inn á það viðkvæma mál að takmarka útlendingaflæði til landsins og helst stoppa það. Og svo endanlega  þegar hann henti Margréti Sverrrisdóttur út  fyrir nýtt afl, sem er sennilega alveg afllaust.

Þegar Einar K Guðfinnsson varð sjávarútvegsráðherra höfðu menn á orði að ef einhver gæti komið á sátt um kvótakerfið þá væri það hann, og það hefur honum svo sannarlega tekist. Þetta sáu Guðjón Arnar og félagar og þar sem andstaða við kvótakerfið er eina stefnumál frjálslyndra frá upphafi þá urðu þeir að finna sér aðrar áherslur, og hvar ber þá niður? þeir halda að besta leiðin til árangurs sé að verða rasistar en eins og könnunin í fréttablaðinu í dag sýnir þá verður það þeim sjálfsagt að falli. Og við það þurfti Addi Kitta Gau enga hjálp.

Ekki svo að skilja að fallið verði hátt...........

Athugasemdir

[Karl Jónsson, 26.3.2007 kl. 15:42]

Ég ætla nú ekki að tjá mig um kvótakerfið, en það er alevg á hreinu að frjálslyndir léku stóran afleik með því að kasta Margréti Sverris út fyrir Jón Magnússon og hans slekti. Það hefði orðið fínasta jafnvægi á þeim flokki ef Margrét hefði orðið varaformaður og náð að hemja þessa innflytjendaumræðu. Sannleikurinn er sá að Jón Magnússon er eins og púðurtunna að mínu mati, það á einhver, einhversstaðar í kosningabaráttunni, eftir að hleypa honum svo ærlega upp að hann segi eitthvað mjög ljótt um innflytjendur og þar með gjörsamlega skjóta flokkinn niður. Hann hefur þegar fetað sig ákveðna leið, er að reyna að búa komment sín og skrif mýkri búningi, en það er stutt í gífuryrðin og yfirlýsingarnar að mínu mati og hann á eftir að springa.

Það er líka tvennt sem er athyglisvert í þessu. Annars vegar hvað formaður frjálslyndra hljómar órtúverðugur þegar hann blandar sér í umræðuna og maður hefur á tilfinningunni að honum líki það alls ekki vel að vera að tala um þessa hluti og þyki það jafnvel óþægilegt. Hitt er afstaða Kidda sleggju til þessara mála, í viðtali við hann skömmu eftir að hann tók þá ákvörðun að fara yfir í frjálslynda, svaraði hann ölllum spurningum í þessa veruna af mikilli varfærni og hugsaði sig lengi um hvert svar.

Þannig að þetta á allt eftir að springa í andlitið á þeim og flokkur sem ekkert ólíklegur var til að fá sæti í ríkisstjórn stjórnarandstöðuflokka - komist þeir að, er nú að mála sig heldur betur út í horn.

[Níels A. Ársælsson., 30.3.2007 kl. 00:18]

Þegar Einar K Guðfinnsson varð sjávarútvegsráðherra höfðu menn á orði að ef einhver gæti komið á sátt um kvótakerfið þá væri það hann, og það hefur honum svo sannarlega tekist.

Skoðunarkönnun sem gerð var fyrir stuttu síðan af Blaðinu gefur til kynna að 73% landsmanna séu alfarið á móti kvótakerfinu. Ok ? Varðandi lélega útkomu Frjálslyndra í könnunum þá er ég sammála þér um ástæður þessa. Reyndar held ég að Arnar og Kristinn komist báðir inn í NV og verði einu þingmenn Frjálslyndra eftir kosningar.