Bjálki í auga

Það er alltaf jafn gaman að lesa bloggið hans Össurar Skarphéðinssonar. Hann er góður penni oft á tíðum, en ótrúlegt að hann minnist aldrei á það frjálsa fall sem hans eigin flokkur hefur verið í undanfarið ár. Það getur verið gott að fela sig á bak við sögur af öðrum til að breiða yfir eigin vandræði. Nýjasta hjá honum er að skamma Agnesi Braga á mogganum fyrir allt það ljóta sem hún hefur gert Samfylkingunni. Sannleikanum er hver sárreiðastur. Það er ekki gott að þurfa að vinna undir því að manns eigin formaður hefur ekki trú á liðinu, hvernig á að vera hægt að selja það fyrir kosningar. Það er ekki furða að flokkurinn sé að verða komin niður í hinn pólitíska kjallara, þar sem hann mun sjálfsagt verða í framtíðinni, á meðan þeir sem ekki trúðu á sama draug og Össur sækja í sig veðrið. Hvernig á að vera hægt að treista fólki fyrir landinu sem getur ekki komið sér saman um nokkurn skapaðan hlut. Það sem eftir stendur er að frá 1944 hefur engin ríkisstjórn sem sjálfstæðismenn hafa ekki setið í klárað heilt kjörtímabil.

Munum það 12 Maí í vor........