Titlingaskítur.

Þessar aðgerðir sem ríkisstjórnin hefur kynnt til hjálpar þeim sem eru verst settir ná ekki nálægt því nógu langt. Það þarf t.d. að setja inn frystingu á lánum hjá þeim sem eru atvinnulausir. Þá er ég að tala um þannig frystingu að fólk stoppar að greiða á meðan það er atvinnulaust. Ef og þegar það fær síðan vinnu aftur þá heldur það áfram að greiða niður lánið. Vextir og höfuðstóll standa þá í stað á meðan frystingin er. Hvernig er hægt að ætlast til að fólk geti staðið í skilum þegar það hefur engar tekjur. Það er kominn tími til að þeir sem lána peningana taki smá skerf af kreppunni til sín.

Reyndar furða ég mig á því hvers vegna liðið sem fylkti sér á bak við Hörð Torfason í haust og lét öllum illum látum á Austurvelli er ekki byrjað að berja potta á nýjan leik. Frá því að þeim tókst ætlunarverk sitt að koma gömlu ríkisstjórninni frá þá hefur staðan versnað um allan helming. Var það annars ekki ástandið í þjóðfélaginu sem liðið var að mótmæla. Er allt í lagi að standa í rústunum vegna þess að vinstri stjórn er við völd.

Ekki taka mig þannig að ég sakni þess að sjá smettið á Hallgrími Helgasyni eða Herði Torfasyni. Mín vegna mættu þeir halda sig fjarri um alla framtíð. En ef þetta lið sem var að mótmæla í haust er eitthvað samkvæmt sjálfu sér þá ætti það að hunskast á Austurvöll strax á morgun og baula á ríkisstjórnina.

Ef að sú gamla var vanhæf þá er þessi óhæf.....

ASÍ vill bráðaaðgerðir á morgun

Athugasemdir

[Bjarni Kjartansson, 5.5.2009 kl. 22:07]

Gott kvöld: Við borgum ekki, borgum ekki, og heimtum aukavinnu.

[Katrín, 6.5.2009 kl. 00:44]

Byltingin át börnin sín Ingólfur og því situr búáhaldadeildin hjá og þegir þunnu hljóði

[Ingólfur H Þorleifsson, 6.5.2009 kl. 12:33]

Bjarni.

Þú getur fengið aukavinnu við fyrsta tækifæri, ekki fyrr.