Sorgleg staðreynd.

Þetta er sorglegur endir ef af verður að Kambur hætti rekstri. Það er ljóst að skilningsleysi stjórnvalda varðandi aðstöðumun og hátt gengi krónunnar er að ríða útflutningsfyrirtækjunum að fullu. Vissulega spilar kvótakerfið inn í líka, en ég hef sagt það að kvótakerfið er ekki aðalástæðan fyrir ástandinu á vestfjörðum. Það er ljóst að ný ríkisstjórn þarf að ákveða hvað verður um hinar dreifðu byggðir landsins. Ég veit að stjórnendur Kambs eru búnir að gera allt sem í þeirra valdi stendur til að halda þessu áfram, en hvað er hægt að krefjast mikils af mönnum sem eru í rekstri ? Er hægt að krefjast þess að menn keyri sig í þrot og standi uppi slippir og snauðir, ég held ekki. Þegar aðstöðumunur er orðin svo mikill að ekki er hægt að halda áfram þá er ekki skrítið að fólk gefist upp.

Það er hár fluttningskosnaður og hátt gengi krónunnar sem eru að drepa fyrirtækin á landsbyggðinni. ekki kvótakerfið.

Vonandi að úr rætist fljótlega á Flateyri.....

65 manns og sjómönnum á 5 bátum sagt upp hjá Kambi á Flateyri