Enda hefur hún ekkert að segja þjóðinni !

Ræðan sem hún hefur staglast á síðustu tvö ár er orðin svo gatslitin að það má lesa moggann í gegnum hana. Það flokkast því undir tillitsemi hjá Jóhönnu að hlífa þjóðinni við henni í kvöld.

Innantómt......

Jóhanna tekur ekki til máls

Ótrúverðugt hjá Jóhönnu.

Það verður nú að segjast eins og er að þetta kastljósviðtal var eitthvert aumasta yfirklór sem komið hefur frá Jóhönnu lengi. Ekki trúði ég einu orði af því sem hún var að reyna að segja. Það blasir við að málið er hennar frá fyrstu stundu, og hvernig hún reynir að koma ábyrgðinni á ráðuneytisstjóra sinn er lúalegt. 

Tími Jóhönnu er löngu liðinn og hún á að fara frá og hennar gagnslausa ríkisstjórn með henni. Það verður sífellt vandræðalegra að hlusta á hana.

Þjóðin á betra skilið en þetta.......

 

 

„Pólitískt áhlaup á mig"

Leiðari úr sjómannadagsblaði Vesturlands

 

 

           Ljósm. Bergþór Gunnlaugsson.

Samstaða sjómanna

Hátíðardagur sjómanna er haldinn ár hvert í byrjun júní. Í almanaki Háskóla Íslands er eftirfarandi að finna. Sjómannadagurinn var haldinn hátíðlegur í fyrsta skipti hinn 6. júní árið 1938. Sá dagur var mánudagur, annar í hvítasunnu. Næstu ár var fylgt reglu sem á endanum var lögtekin árið 1987, að sjómannadagur skyldi vera fyrsti sunnudagur í júní nema hvítasunnu bæri upp á þann dag. Þá skyldi sjómannadagurinn vera viku síðar.

Þarna náðist með baráttu og samstöðu sjómanna að festa í sessi dag þar sem sjómenn og fjölskyldur þeirra gera sér glaðan dag í hinum ýmsu leikjum og keppni. Sjómenn hafa reyndar í gegnum tíðina náð með samstilltum aðgerðum að koma ýmsum hlutum til betri  vegar sér til hagsbóta. Þar má nefna vökulögin sem urðu til þess að sjómenn fengu lögbundinn rétt til að hvílast, fyrst 6 tíma á sólarhring og síðar 12.

Sú ríkisstjórn sem nú situr á valdastóli hefur með aðgerðum sínum og aðgerðarleysi sett störf sjómanna í uppnám. Áform um afnám sjómannaafsláttar og svokölluð fyrningaleið hafa fallið í grýttan jarðveg vægt til orða tekið. Sjómenn vinna erfið og hættuleg störf fjarri ástvinum sínum og nokkrar krónur á dag í þóknun fyrir það eiga að vera sjálfsagðar. Ríkisstjórnin hlustar hins vegar ekki og sker afsláttinn af á sama tíma og t.d. þingmenn og ráðherrar fá háar upphæðir í dagpeninga. Einnig þverskallast ráðamenn við þrátt fyrir ýmis haldbær rök um að fyrning sé ófær leið.

Það væri nær hjá ráðamönnum þjóðarinnar að auka við kvótann svo að sjómenn geti með áræði sínu og dugnaði komið þjóðinni til hjálpar á þeim erfiðu tímum sem nú eru. Sýnt hefur verið fram á að aukning nú muni ekki hafa teljandi áhrif á stofnstærð til lengri tíma litið.

Það verður hins vegar að teljast ólíklegt að ríkisstjórn ráða og dugleysis  geri  eitthvað slíkt.

Sjómenn  þessa lands munu eftir sem áður standa saman og freista þess að sigla sínum fleyjum ávalt í í örugga höfn landi og þjóð til heilla.

Ég óska sjómönnum og fjölskyldum þeirra gleðilegs sjómannadags.

Að vinna sér inn tíma.

Þar sem að ég hef iðulega haft nóg fyrir stafni, og oft ekki nægan tíma hef ég ákveðið að leggja þessi bloggskrif á hilluna. Ég vill þakka öllum sem hafa lagt leið sína hingað undanfarin ár.

Þeim sem geta ómögulega slitið sig frá mér bendi ég á stórskemmtilega síðu www.123.is/golli

Bestu kveðjur.....

 

 

Að loknu prófkjöri

Nú þegar prófkjöri okkar sjálfstæðismanna er lokið og maður skoðar úrslitin þá vakna ýmsar spurningar. Prófkjörsnefnd ákvað reglur prófkjörsins út frá prófkjörsreglum flokksins og eftir þeim var unnið. Þessar reglur samþykktu allir þátttakendur.  Þar segir m.a. að flokksbundnir sjálfstæðismenn hafi kosningarétt í prófkjörinu. Margir hafa sagt að loka eigi kjörskrá t.d. mánuði fyrir prófkjörsdag. En núna var ákveðið að hafa þetta opið þannig að fólk gæti skráð sig allt til loka kjörfundar. Það opnar á að hægt sé að smala fólki í flokkinn með ýmsum aðferðum. Heyrst hefur að fólki hafi verið boðið að fá hjálp við að skrá sig úr flokknum aftur að loknu prófkjöri. Það eru ekki vinnubrögð að mínu skapi, en ekkert sem bannar fólki að gera það kjósi það svo.

Þegar settar eru reglur þá ber fólki að fara eftir þeim, og ég tel að allir frambjóðendur hafi verið innan þeirra marka. Það að bjóða fólki að ganga úr flokknum strax að loknu prófkjöri er eitthvað sem viðkomandi frambjóðendur verða að eiga við sína samvisku hafi þeir stundað slík vinnubrögð. Upp hafa komið þau sjónarmið að fólk sem gengur í stjórnmálaflokk eigi að vera skuldbundið til að vera í honum ákveðið lengi. Ég er sammála þessum sjónarmiðum og myndi vilja að slíkar reglur yrðu teknar upp.

Nú hlýt ég sem formaður fulltrúaráðsins að gleðjast yfir því að margir vilji ganga í sjálfstæðisflokkinn. Að sama skapi er ég vonsvikinn ef margir ganga úr honum strax aftur. Ég veit að það verður raunin að einhverjir gera það, en aðrir eru komnir til að vera. Það hlýtur að vera verkefni þeirra sem skipa munu lista okkar sjálfstæðismanna að fá þetta fólk til að kjósa flokkinn í vor. Verði það niðurstaðan er ég ekki hræddur við úrslitin, en ég er bara ekki viss um að það gerist. Endanleg kjörskrá hljóðaði upp á 992 flokksbundna sjálfstæðismenn í Ísafjarðarbæ. Við fengum 1054 atkvæði í síðustu kosningum. Miðað við þessar tölur þá vinnur Sjálfstæðisflokkurinn stórsigur í vor. En það er langur vegur frá að þetta sé svona auðvelt, það vitum við sjálfstæðismenn.

Nú er kannski auðvelt hjá ykkur lesendur góðir að álykta sem svo að ég sé bara tapsár og því tali ég svona. Vissulega eru það vonbrigði að ná ekki settu marki. Ég stefndi hátt og bauð mig og mín stefnumál fram, og þó að áhugi minn á því að vinna vel fyrir mitt sveitarfélag sé mikill þá er ég ekki tilbúinn að beita hvaða brögðum sem er til að komast í þá aðstöðu.  Niðurstaðan var áttunda sæti og vitandi það að ég stóð ekki í hringingum og skipulögðum smölunum þá er ég sáttur við að hafa fengið 375 atkvæði. Það segir mér að tæplega helmingur þeirra sem kusu settu mig í eitthvert sæti. Fyrir það er ég þakklátur.

Ingólfur Þorleifsson....

 

 

 

Þá liggur það fyrir

Mig langar að segja svo margt en geri það ekki. Til hamingju allir sem buðu sig fram. þetta prófkjör fer í sögubækurnar vegna mikillar kosningaþáttöku. Listinn verður sigurstranglegur í vor.

Takk allir 375 sem merktu við mig á kjörseðlinum í dag, þrátt fyrir að hafa ekki fengið símtal.

29. maí........

 

 

Frábærir strákar sem við getum verið stolt af.

Liðið okkar er nánast búið að tryggja sér sigur í 1. deildinni í körfubolta. Heimaleikur á næsta sunnudag 28 febrúar á móti ÍA og þá mætum við öll og fögnum með strákunum.

Við erum á leið í Iceland Express deildina !!!!

Áfram KFÍ.....

Ísfirðingar nálgast úrvalsdeildina

Prófkjör sjálfstæðismanna

 Ágæti kjósandi.

 Á laugardaginn kemur 13 febrúar velja sjálfstæðismenn á lista sinn með prófkjöri. Ég sækist eftir 2. sæti á listanum . Með því að smella hér getur þú fræðst nánar um mig og mínar áherslur.

Taktu þátt í að móta umhverfi þitt næstu árin. Settu Ingólf í 2. sætið.

X-Golli.....

 

Að niðurlotum komin.

Þessi ríkisstjórn á að fara frá hið fyrsta og hleypa öðrum að. Þeir hafa ekki sýnt neitt sem fær fólk til að trúa því að þeir hafi lausnir á vandamálunum. Það sást best í kosningabaráttunni fyrir rúmu ári þegar þeir vildu ræða allt annað en lausnir á vandanum.

Ég hef sagt það oft áður að á meðan þetta fólk er við völd þá eykst aðeins vandinn, því fyrr sem þau átta sig á því því betra. Samfylkingin er að detta í sama farið og undir lok síðustu stjórnar. Þessi flokkur er samansafn af flokkspólitískum viðrinum og samstaðan er engin. Þegar svo annar eins flokkur kemur inn í spilið þá er ekki von á góðu.

Það næst ekki sátt um nokkurn hlut og það bitnar á allri þjóðinni. Áherslur eru settar á mál eins og ESB og að fyrna kvótann á meðan heimili og fyrirtæki brenna. Staðan er orðin grafalvarleg og stutt í að allt sjóði uppúr. Þetta veit Össur og því reynir hann að berja í brestina. Það er bara ekki nóg´, fólk vill lausnir ekki skítreddingar.

Það er ekkert að gerast......

Biðla til Framsóknarmanna

Segðu satt Össur

Össur vill að sjálfsögðu ekki kannast við að hafa haft einhverjar innherjaupplýsingar. Hann hafi keypt þessi bréf 1988-1990 og þetta hafi átt að verða lífeyrissjóður fjölskyldunnar. Hann hafi hinsvegar ákveðið að selja þetta þegar hann varð ráðherra. Hann segir  að það samrýmist ekki setu í ráðherrastól að eiga stofnfjárhlut í SPRON. Gott hjá honum.

Málið er bara að Össur virðist alveg hafa gleymt því að hann var líka ráðherra 1993-1995 og sá greinilega ekki ástæðu til að selja þessi bréf þá. Hver skildi ástæðan vera fyrir því. Þetta er ekki trúverðugt Össur.

Refurinn lýgur refurinn lýgur......

Hagnaður Össurar af sölu stofnfjárbréfa 30 milljónir